深夜訓唔著，喺羅湖坐過監，你問我答

工程有冇興趣，仲會供埋你讀書，番4日，5天工作

著咗都唔夠暖，啲被同毛氈都好薄
出面10度 入面就得7度
加上倉係通窿，真係一大個鐵籠咁，就好似你將屋企門窗全部打開，半夜啲風可以係咁吹入嚟

但我dse + u都全部係讀文科數理白痴咁

唔緊要 ，我都係盡幫，有需要你第時再reply 我，但要7月前，如果唔係又要下年

好多謝你先
人間有愛

師兄你好，仲有冇位可以幫埋我

冇咁多錢輸可以考慮下擺定期

宣判有罪果陣嘅心路歷程係點？
當下要坐幾年監前路茫茫點捱過？
相信你本身都唔係壞人
如何面對變成罪犯呢世都揹住罪名？
其他人係衰乜野入去坐?
入面後生女多定中年女人多？

唔好意思好八掛係咁問
雖然已經過咗好多年
但係即使到今時今日
睇到相關嘅新聞
或者知道有人因為當年嘅事而坐監
個心都仲係會好唔舒服戚住戚住
有時夜晚都會emo
不斷睇返當年嘅相片片段同法庭新聞
多謝你嘅分享

係入面會唔會俾同學蝦 ？
會唔會俾訓導老師搵你哋出氣？
張膠床係咪點都訓唔好
會唔會同返之前果個男朋友一齊？
入面搵錢會唔會唔夠買日用？
除咗要去工場，其餘時間點打法？
因為我女朋友28年先放學
而佢覺得我會好曳 飛左我
佢因為太掛我 要見心理 所以我唔想影響佢嘅心情
唔想佢太波動 所以同佢斷聯
打算佢放學覺追返佢 佢都係羅湖

唔講好冇食，咁小份量，怪唔得倉底出嚟都瘦

唔玩野既話 一般都無人理你

有幾多人戇鳩鳩 好似我咁
以為喺深圳犯咗事判佢入深圳嗰邊嘅羅湖監獄坐？

判有罪嗰刻好勿忙，其實個腦一片空白，只係好趕咁不停比人推去搜身、見律師、處理文件、處理個人物品，然後又再突然推返你上court
反而判完處理好晒所有嘢，喺臭格等囚車時情緒先到，一路諗屋企人、男朋友，一路喊

到呢刻都未面對到自己係個罪犯

我落大期數，所以大部份同期數囚友都唔係短刑期，local比較多人衰DD（毒）、詐騙、洗黑錢，到我差唔多出嚟就多咗好多手足，整個期數嚟講，比較多係外國人衰trafficking同大陸人逾期/非法居留

成年監21歲以上，乜年齡都有，廿幾歲嘅佔比較少，所以好多人、包括姑娘見我年紀算細都幾照顧我

哈哈，哈緊要
我都係emo所以想開post同人吹吓水
不過出返嚟後，唔知係唔係一切太trauma，會繼續關注新聞，但只係睇完最新嘅就算，好多都唔敢再返睇

冇比過人蝦，全個期數人都好錫我，基本上你性格正正常常都冇人會蝦你，除非你好kam
仲同緊呢個男朋友一齊
入面返工搵嘅錢係一個月幾百，基本上唔太食煙、胃口又唔大嘅好夠洗

個人心路歷程，我喺入面嘅時候都好掛住男朋友，但成日覺得我成為囚犯後，只會係佢嘅污點同負累，成日覺得搞到佢咁辛苦幫我處理事情、搵物資、探我，好似好對佢唔住，每隔一排就寫信話分手但每次佢嚟探我我都喊到on9，又勁興奮可以見到佢，好彩冇真係分手，到而家仲一齊緊

呢種日子唔易過，辛苦晒你同你女朋友了

其實份量唔少，得啲餸少，白飯多到係我平日食兩餐嘅份量只係太難食唔想食
女監反而好多人入去都肥咗，日日瘋狂食零食，又飲肥仔奶

有冇遇過廿幾歲就要坐好耐監嘅人
例如新聞成日報運毒
要坐二十幾年
真係唔知點過

有冇啲本身係專業人士
醫生律師嗰啲都衰咗要入去坐
佢地反差一定仲大

好奇係入面係咪好大方同囚友分享自己衰咩
反而出黎就忌諱唔會講

好白痴咁問，坐監平時洗唔洗戴手扣
疫情果陣洗唔洗戴口罩，或者係有冇得揀戴唔戴
同埋係咪要每朝摺被摺到起晒角

仲唔走難

出黎之後經過案發現場感覺係點
同埋出返黎之後難唔難適應
唔知你搵工未
會唔會好多局限
如果係我interview要解釋案底都好難開口

入面D惡人有幾惡?

1. 有，衰毒嗰啲閒閒地十幾碌，亦識唔少係十幾廿歲開始坐，出返去冇耐又入返嚟，而家都四十幾了，對佢哋嚟講，出面嘅日子先真係唔知點過，喺入面日日舒舒服服唔洗愁生活，日日飯來張口

2. 其實專唔專業人士，喺得入面都同大家冇分別，大家都著住同一套衫，受緊同樣對待，除非你身份好特別啦，不過我喺入面見到所謂高學歷、本身係專業人士嘅，其實都係手足

3. 唔洗分享自己衰咩，因為都寫晒出嚟，入面冇秘密的
仲記得我入去第二日，訓我隔離嘅拎住報紙問呢個係咪我

4. 平時唔洗戴手扣，除非要出去 eg.上court、睇醫生

5.疫情嗰時要戴口罩，不過大部份人平日都偷偷地除，大粒落嚟巡先戴返

6. 摺被唔洗真係摺到起角，跟佢standard摺得似摸似樣就得

窮

出嚟後冇經過過案發現場後來屋都搬埋
出嚟後幾個月就搵到工返返工，不過前排被清算又再失業了
局限好多，因為好多地方好難請你，唔係因為案件，而係覺得太敏感
見工都覺得好尷，even個interviewer好似同立場，但都會係咁問你案件相關嘅事，自己未完全overcome到都幾唔舒服、唔係好想講