女事主說，當日辦理入住手續時，酒店解釋原定套房未能即時給她們，要她們改住14樓房間，竟是因為需時鋪「紅床單」，但事主入住14樓套房後，卻發現裡面床鋪仍是「白床單」。
港女又透露酒店最後提供的賠償方案，直斥是「街市講價」「當我哋乞丐」。
女事主近日在社交平台Threads發表逾700字長帖，怒轟酒店三宗罪，她表示，花了「六位數字」在尖沙咀一間五星級酒店辦婚禮，包括出閣加擺酒，結果換來一肚氣。
第一宗罪：逼人用14樓出門
女事主表示，該酒店第一宗罪是「逼人用14樓出門，仲要遲畀房」，她們在結婚Big day前一日早上11時，已到酒店辦理入住，但「前台話原定畀我哋間房，要夜晚六七點先ready，要我哋轉吸煙樓層或者14樓」。
女事主無奈「焗住要咗14樓咁(唔)好意頭嘅出門套房」，雖然前台說14樓可以準時下午3點交房，但到check in時間仍要再遲半小時才能交房，「結果當晚所有流程儀式都遲咗半個鐘」。
第二宗罪：職員對曱甴視而不見
至於第二宗罪是酒店「職員對曱甴視而不見」，女事主說，擺酒當日近傍晚6時，接近晚宴迎賓時間，她們「兄弟姊妹外影後返酒店」，在酒店大堂見到有隻曱甴「大搖大擺咁行緊」。
她們即時「嚇到嘩曄聲」，但酒店大堂職員「食花生咁望住隻曱甴，完全無動於衷」，她表示，幸好當時賓客未到，「如果畀長老同其他賓客見到，真係畀人講一世」。
第三宗罪：當客乞丐
第三宗罪是女事主批評酒店「當客乞丐，大話連篇」，她擺酒當晚就向當值經理投訴大堂有曱甴，但經理表示要睇CCTV核實，但到退房時酒店仍無人回覆她。
第二日她再電郵酒店投訴，酒店才致電回覆說「(酒店)Trainee唔識嘢，搞砸我哋人生大事，送2人buffet就想了事」，她批評：「當我哋丐衣？」
女事主即時拒絕，酒店竟又再提出加碼「送多2個（buffet）」，即合共4個buffet。
女事主：五星級酒店要用4.5小時鋪床單？
女事主在電話中即再投訴在14樓出閣一事，酒店解釋當日原定房間未能即時有，是因為「要鋪紅床單」，女事主批評：「五星級酒店要用4.5小時鋪床單，已經夠離譜，更離譜係張床單根本唔存在！」她公開房間相片，看到她們的套房是「白床單」。
女事主說，酒店再打算送多2個buffet，即合共6個buffet給她們作補償，她批評：「講大話畀我踢爆就話送6人buffet，衰一樣嘢就送2個buffet，街市講價？五星酒店就係咁對自己個brand？」
女事主解釋選該酒店原因：地點方便+食物好食
有網民問女事主為何會選擇選酒店，她回覆解釋：「地點方便+食物好食（唯一優點）。」
有網民質疑：「酒店有曱甴 啲親戚會講你？」女事主表示：「如果我去飲見到小強，我都會講。」
「Guest嘅體驗OK，但新人嘅體驗就極差」
部分網民則分享對這間酒店的體驗亦有保留：「早排去朋友飲宴，播成長片段隔幾秒個螢幕就黑mon，而我坐個個位有少少侷促，整體體驗都麻麻，食物質素就唔評論啦。」
女事主回應說，賓客對該酒店體驗「OK」，但她們新人的體驗則「極差」：「......個場開行冷氣都ok，去飲覺得啲嘢好食先揀，Guest嘅體驗ok，但新人嘅體驗就極差。」
來源網址 : 大吉利是花逾十萬尖沙咀5星酒店搞婚禮-新娘被安排14樓出閣-港女怒轟酒店三宗罪咁賠償當我哋乞丐Juicy叮 | 星島頭條
https://
佢個buffet...真係送都唔要
