貓貓胰臟炎

唔好意思想請教下大家意見，個人有啲灰

屋企貓貓10歲，最近冇乜食慾，琴日睇毛國界馬醫生發現佢有輕微嘅胰臟炎，因為啲藥要飽肚食用，但佢又唔肯食嘢

今朝用啲乾糧溝水夾硬灌咗俾佢食咗少少，然後餵藥，我想問啲糊仔係乾糧再加水係咪已經足夠貓貓食藥反抗得好勁，仲要嘔白泡，唔知佢係咪真係食到藥，想問下大家有冇好方法餵藥？

另外嗰陣醫生有建議可以去第二間可以留院既診所打點滴，想問大家有冇邊間醫院可以推薦唔該晒唔該晒

附上貓婆婆玉照一張

幫推

多謝前排屋企兔兔畢左業，貓貓依家老都開始多病痛

推

加油啊我咩都唔識 只能夠祝福下早日康復

rip

Concordia 喇 良心獸醫醫院
係偏遠左少少同貴少少 不過服務好好

胰臟炎我估應該都係開抗生素俾你，
抗生素粒藥丸好苦，一苦隻貓就會狂標口水加嘔白泡

你去任何一間獸醫度買啱Size嘅膠囊，
膠囊太細可以將粒抗生素整碎啲放入去，
再卡落寵物餵藥器對住佢脷根位㨃入去就餵到。
(唔係隻隻藥都可以整碎餵，最好問下獸醫)

餵藥器教學Youtube有好多，可以參考吓
一開始你唔敢㨃太入或者太慢，隻貓都會lur返粒藥出嚟，
練習吓做到眼明手快，一㨃就中位，餵藥真係兩秒都唔洗

如果佢真係輕微，唔使太擔心
佢病緊會無食慾，我係夾硬餵佢食
初頭幾日大概平日一半到1/3食量
純粹確保佢夠基本營養
我係少食多餐咁餵，確保佢唔嘔返，係有消化到，可能餵少少等一個鐘唔嘔再餵，
一次太多好易嘔
要餵濕糧，長期都係轉濕糧好啲
唔知你餵開咩乾糧，睇你溝水會變糊，應該係啲糧碳水同雜質好重，純肉會唔溶水，貓貓係食肉動物，長期食你呢啲會胰臟唔好，我全轉濕糧之後貓貓明顯好左

食藥都係夾硬黎
藥丸你可以買個啲餵藥夾，液體我就一野撬開個咀直接吱入喉嚨，再鍊實佢個咀吞左先，唔好比佢可以有動作反胃

飲水佢都應該唔想飲，都係餵，不過要適量，因為佢食野少，餵太多水會影響電解質平衡，佢會變到無精神，佢飲食少，屎尿呢幾日都會量少，唔使驚，最緊要係有得屙，無得屙先要擔心
祝貓貓好返

多謝你

多謝

多謝你我覺得康迪亞好似有專科

好多謝你咁細心覆我醫生開左膠囊既藥比佢，但叫佢每次半粒，即係要整開個膠囊餵佢，佢超抗拒，又嘔白泡

我有事又驚個管插親佢個口，都唔夠膽餵
多謝你 我今晚再努力

喂藥器前面係膠頭，插到都唔痛。
藥入口之後可以合埋佢口，吹下個鼻，再梳下佢喉嚨，咁應該就會吞落去。
膠囊你出去寵物店/其他地方買過啦，苦真係搞唔掂，冇落肚吐出黎都冇用。

多謝你，我啱啱用膠囊入藥終於成功餵到一次佢反抗得好緊要，但希望藥有用

佢依家都係係咁訓，灌食冇嘔但都未有大便
今日佢對零食既興趣都多返少少，希望藥有效

多謝你建議

多謝你今日返工成日都眼濕濕
我夜晚都開始灌食加餵藥，佢冇嘔但便便都未有
琴日佢係一直訓覺，雖然今日都係但起碼對零食同紙皮多返少少興趣
希望佢會好到多謝你呀

另外請問下你有冇試過帶貓貓留院打點滴？毛國界冇24小時服務所以醫生叫我問其他，想請教下

記得餵藥前俾啲水佢濕吓喉嚨
膠囊好易kick咗喺喉嚨或者跌落氣管
有朋友因為咁樣整死咗隻貓
隻貓太緊張搞到膠囊跌入氣管

如果可以就買罐頭blend到變漿漿打俾佢食
再係冇胃口問吓醫生可唔可以開"開胃藥"佢餵食
任何病痛一唔食嘢會惡快得好快

呢個時候最緊要對貓貓多啲支持、耐性同溫柔
貓貓會受到你嘅情緒
唔好嚇親佢

你同貓貓都要加油!!!

多謝你提醒，我啱啱冇用水直接塞左落佢口好彩冇卡住

我都想醫生開個隻藥，但感覺醫生好似有其他考量所以冇開（上次肝炎係睇另一個醫生，個個就有開比貓貓），可能對胰臟負擔大（？

依家我都搵緊打點滴既247診所，起碼依家食住藥先

可唔可以用你隻手幫禾打飛機

少食多餐force feed佢，盡量食d易消化既流質食物，逐少打入口，醫生有無開止痛藥同開胃藥？胰臟炎好痛的，慢慢復原都要成個月，之後仲會有機會復發，需要好好照顧，加油

食少屙少正常
佢無食慾食野少無精神都係正常，無精神又搞到無胃口食野，所以先要夾硬餵
只要佢有野落肚又無嘔，其實成件事都ok左大半

我無打過點滴，根據你個形容我當時個情況應該嚴重過你，個醫生都叫我做好多樣野
事後睇返其實除左佢啲藥，其他建議無咩用所以我會覺得你可以再觀察下先，貓貓係屋企點都習慣過醫院
食藥消炎肯食野就會慢慢ok，反而係之後啲日常飲食生活習慣要留意，唔好再復發

我隻喵（走咗）胰臟炎咗4-5年 由十歲開始到走個時15歲，上面講得無錯，都係抗生素，類固醇等等嘅藥，餵藥真係得兩個字，快、狠 ，要準備餵藥棒，同去買啲可食用膠囊、將啲藥切開擺入個膠囊、然後係嘴角伸入少少就一下彈入去，餵藥棒一定要買彈射個種（早幾個月我先狠心扔咗，如果唔係可以比你）雖然結局都預知，我個時只希望佢最後日子舒舒服服，最後祝福貓貓安享晚年

路過幫推

多謝你分享今朝灌佢食左啲，然後擺零食比佢佢有食啲既
係餵藥既時候佢掙扎得好緊要，有啲膠囊塞左入去都lur返出黎，隻手咬到爆血啲血又黏住左膠囊，搞到好崩潰

我開頭都會，佢仲會lur返啲顏色泡泡出嚟，因為啲藥溶晒，後來就發覺自己因為就住，無到好入，你慢慢練下，唔好一嚟就彈入口，練咗個感覺先你就會知道彈得入唔入，或者你會唔忍心或者覺得好殘忍，不過兩者選擇下，我會盡力救佢，其實就好似小朋友細個唔肯食藥咁，希望你成功，貓貓快啲好返