有冇巴絲隻狗切過脂肪瘤？想了解下整體費用同埋有冇後續?

屋企隻call機女生左粒脂肪瘤喺patpat,醫生話良性切唔切都可以，有冇巴絲隻狗都生過，依家想知切左之後康復期會唔會好耐，又會唔會復發之類，同埋都想了解下個手術費，因為第一次養狗未試過幫佢地做過呢d大手術

附上肥雞一隻

要過生
因為你狗糧唔好有毒

當年切好似4000蚊到+化驗3000幾蚊，睇吓良定惡性，得個知而已
過幾年又再生，而家我都無理佢，一來隻狗年紀大，二來唔影響行動
係有粒嘢咁，影響外觀

想問下邊到做？我之前同佢去去開嗰間絕育，幾年前淨驗全血都好似都5000

我依家諗緊做唔做係因為醫生話呢d多數良性，佢依家又冇話唔食野精神唔好咁，同埋我佢地咁細粒，如果盡量做少次全身麻醉就做少次，驚對佢地負擔大，同埋聽個醫生講切左都有機會生翻，即係變相白做一樣

巴打介唔介意講埋佢當時同依家粒瘤大約幾大粒到？我嗰隻依家生到一毫子咁大左右

淨係驗血都5000，好貴喎
我好似8000蚊內包晒所有嘢
去邊間？我覺得你去返自己去開嗰間
第一次切時，大約1cm左右，事後唔會生返啲毛
而家，半個乒乓球左右
每年年驗，醫生見到都唔理佢；我見醫生唔理，我咪唔理

佢去開嗰間係幾貴，好彩佢同隻貓都未試過有咩病痛嗰時做完絕育埋單好似都係7-8千左右

即係佢到依家嗰個位都禿左一忽？生到半粒乒乓波好似有d誇張不過如果佢年紀大，粒野又冇乜影響佢日常生活我都未必會去搞，呢d一搞就打亂曬身體平衡

禿咗一細忽
對，都13歲了，怕做手術康復唔到死埋
所以由鳩佢算，醫生都無話要切

唔怪得你話會影響外觀

咁佢復發個位係唔係原本個位？定喺第2度生多粒

13歲狗狗已經仲行得走得食得玩得已經好叻叻，最怕做完呢d手術影響到佢身體平衡搞到有其他病痛又死唔去先慘。無論人定狗都係，我阿嫲當年上左年紀都紮紮跳好精靈，後黎有病截肢之後一路睇住佢d活力冇曬，個情況一路變差仲要搞幾年先走

喺第二度再生
最後建議你唔太影響行動，醫生都講大多係良性，可以唔做切，唔使理
但你有心理準備，會變大
我嗰隻有咗4-5年左右先半個乒乓球大

咁我真係要再諗諗



多謝巴打分享先，祝你隻狗狗之後都繼續健健康康

健康好重要，你嗰隻都係

係連登問狗既野 你真係等俾人屌死
連登最多公屋賤種 養唔到狗而且最憎狗

你問貓既野反而有人答下你

又唔係嘅，我之前出過d po 有post隻狗，都冇你所講咁反感

冇穿冇爛根本唔洗搞
大既可以生到半邊身咁大 香港人大驚小怪

咁佢又真係每日跑跑跳跳食唔停，我都盡可能唔想佢用咁多麻醉藥，又驚手術之後有其他風險


Btw生到半邊身咁大粒都有？咁照計唔會影響到佢行動不便咩