投票JJ, 三命結局收唔收貨？算唔算係神劇？

係囉，第一集追風箏後三條線各自發展後就無再交疊過，變咗三個獨立故事。

算係，尤其開頭分三條線都好精彩，神劇： 110票

未算係，viu 大把劇好過佢，個尾麻麻哋，爛爛哋，一定唔係神劇： 21票

神劇，只係得12集就呈現左 3段 0至64歲嘅人生，未播之前我仲以為係60集大製作

我係鍾意睇完要思考嘅電影劇，唔係靠死扭橋去驚喜觀眾，亦冇賣弄親情

同埋杜Sir係堅持用畫面說故事，對白唔使多，有幾幕真係好深刻（公幕員信遞張相比林海琪睇周秀娜睇信喊）好觸動

係我心目中係僅次於大時代嘅港產電影劇（不過我都中坑，可能我廿零歲睇冇咁多感觸）

睇頭兩段好好睇覺得點解得12集咁少，睇到第三段覺得12集真集夠了。

我會咁睇，第三段嘅信已經係40尾50頭嘅中坑，正常呢個階段對新事物係會少d接受，人開始冇乜激情，所以故事冇咁多枝節再發展（畫家信死左老婆就收皮，公務員信淨係想捱大仔女，黑社會信放監，個兄弟話比返錢佢都唔要，淨係想結婚settle down）

呢種求平淡嘅心態，我會明白

可能頭兩段真係拍得好好，包括演員同故事都好好，一去到第三段總係覺得接唔到頭兩段包括故事同演員。

黑社會李斯嘅改變都好睇呀

轉變有d突兀，黑社會信無乜受過大衝擊但轉變好大，反而漫畫信死咗老婆同個仔後期轉變就好理所當然。

我理解個故唔係想講抉擇
而只係想交代3/4個唔同命運

佢專登寫實地將各種人為環境同隨機變數寫低
係唔想令人覺得係批判緊某啲決定
或者覺得做咗某個決定就必然得出某個結果

事實上呢種故事唔係新穎
只係一般會用幾個唔同角色去表達
而呢套劇故意喺唔同故事上用上相同角色
反差就特別強烈

=== ===

我自己覺得好睇
但主要唔係因為佢將三個故事扭埋一齊
而係佢三個故事裡面嘅每一個故事情感都好豐富而細膩

由一開始信對畫畫嘅熱血
到對兄弟嘅情義 對女神嘅愛慕
對母親嘅感激 對父親嘅憤怒
對家庭嘅責任 對誘惑嘅掙扎
對錯誤嘅後悔 對自我嘅反省
對往事嘅釋懷

以drama 嚟講可能係平實
但以人生嚟講係極之豐富
而且係一個具有起承轉合令我覺得完滿嘅人生

故事入面幾乎可以想像到人生中嘅喜怒哀樂都寫晒出嚟
而且係以3個不同故事去呈現

加上我相信主角係被故意被設定成平時少說話
講嘢又堀又無感情
令到情感顯現時更具衝擊
我自己就有多次被撼動

老左都要新鮮感活力吹毛

剪撚到一忽忽

於是就變左三條線都好短，好多野都帶過得好輕。

最大共通點係3條線啲人要死都係會死

生死有命 富貴由天 先係佢想表達

杜sir話故事靈感係來自一部意大利電影，都係講唔同決擇後會發生唔同人生，其實類似故事我係幾套韓劇都睇過；三命所以好睇就係開始時講阿信如果有唔同選選就會得出三個完全唔同發展，但發展三條線後就變成三個獨立故仔咁咪變番平時港劇囉？

第三段係中年應該係最精彩人生的一段

搵杜蛇再加三個導演 只係拍出Tvb味 你話呢

頭兩段拍得神彩飛揚點似廢老台d劇？第三段就無嘢講啦

佢都識講唔知點用電影果套嚟拍電影劇 結果真係大部分時間得電視味

但第一個分岔位就已經唔係佢嘅選擇
佢見唔見到四眼狗展覽個board 係偶然成份居多

有好多重大變故都係
例如老婆老母被車撞死
屋企人97移民
龍跟個大佬風生水起定被另一個大佬當屎咁踩
第一篇主筆挑戰落大雨
等等。。。

人生係交織住好多環境因素
即使同一個決定再做一次
結果都未必一樣

不過呢個係我嘅閱後感
同其他人或者創作者想表達嘅未必一樣

我覺得佢單約將三篇人生敍事放埋一齊
給予反差同衝擊
無乜扭橋 寫實但有震撼力

咁overall 我都好鍾意套劇係第三段覺得應該可以更好

李斯真係冇主角格 擔唔到大旗

佢一出嚟成套戲變咗第套咁

銀河影像第一套電影韋家輝一個字頭的誕生都係呢條橋