[耳機撚]召集大耳牛、枱式耳機系統用家(103)

雖然我睇唔透你既所謂真心交流方式，不過無所謂好小事，我唔係專家，我只能夠講出我真實聽到既分別 大家當笑話笑下，笑完就算

可能本身係 programmer + audio engineer,
INTP 型人格
對原理, 邏輯, 驗證方法都有執著

也有更進一步升級的渴求
但最大問題係窮, 錢有限
錢必須花在刀口上
所以更需要把原理搞明白, 抽絲剝繭

如果你話唔同, 是必定有原因的
不論心理又好, 什麼原因也好

呢句講法有小小偷換概念，我表達既係音質可能經過上傳同下載之間既資料傳送令最終我下載返黎既檔案同我原生直rip 直放落NAS 既檔案有分別，原因不明，但實際聽感的確如此，呢個影響可能係一次性而唔係累積，唔係話重覆1000次會令到個file 唔同左

我只能夠講，玩音響有好多野唔係用數據同一般邏輯就解釋得明白，當然一句心理作用做結論係簡單直接又萬用 我都係trial and error 實踐出黎，同樣地聽感同判斷力都係慢慢累積返黎

Rip file 音質既分別，其實我同友人鑽研左好幾年，當中既測試唔單止係我自己系統上聽，亦有係其他燒友系統同佢地既聽感之中收集意見所帶出既結論同定案，當然你都可能會話集體心理作用

正如巴打你最初upload 既Alac 檔，同後來做blind test 轉換成既wav 檔，其實係我系統上都可以聽到有小小分別，主要係首歌既層次同兩極既延伸方面，anyway 我重點唔係想說服你d 咩，你覺得數據上理論上無分別 / 唔應該有分別的話，就當係無分別吧 少樣野去糾結折騰唔係更好咩

我自己經驗，朋友比過不同setting rip 嘅file 我比較，的確係有分別，但差異好細，所以我覺得就唔值得我投資入去研究。不同年代Master 版本分別更值得關注。

不過巴打講個file upload 再download 之後聲有唔同，巴打可唔可以 bit by bit 比較下兩個file?

https://stackoverflow.com/questions/8166697/tool-for-comparing-2-binary-files-in-windows

打手巴 都記得之前有討論過關於Mastering 版本既分別，都認同唔同版本音質上差異會比rip 碟setup 出黎更明顯，我同友人鑽研方向出發點係有無方向可以拉近cas 播 files 同直出cdp 既距離，調音方向都係仍照我地手上既cdp 做reference 去慢慢實踐出黎

關於琴晚講file upload 再download 後有分別既問題，我嘗試用打手巴提供既方式用windiff 去check（利申非專業唔肯定呢個對比方法是咪正確)

下圖中既 file 1 before.wav 係我原生file, 而 file 1 after.wav 就係琴晚 blind test 經upload 再 download 返黎既同一首track



我唔知呢d 紅色部份代表緊d 咩，真係要交由解釋高手幫手解答

另外岩岩訓醒再AB 多一次d files, 仍然聽得出個分別 我諗我心理作用真係太大，又或者聽壞左對耳...

windiff 是用來比對 ascii 文件的不同
你紅色字是因為 audio file decode 做 ascii, 所以出亂碼...

文件上傳/下傳比對完整性, 是用 MD5 checksum 去 check

另外, 唔同 RIP
完全一樣, 也可以因為 offset 唔同
所以不是用 MD5 checksum check
要用 DeltaWave Null Test
https://www.audiosciencereview.com/forum/index.php?threads/lets-have-a-blind-test-for-different-cd-rip.62602/#post-2295493

做過比對
兩個 RIP, 完全一樣

mastering 係成個錄音唔同
直頭係 DAW 入面 tune 聲
例如人聲, 樂器聲條 track 再執過個 EQ, volume balance

有時有 D 碟會寫埋邊個 master/remaster
可以當係一個完全新既錄音

同 CD RIP 完全無關

Okok d files 完全一樣 我實際聽感唔一樣因為我心理作用/主觀聽感所影響，ok?

收到你，你所講既都岩 case closed

果位巴打應該捕左好耐，終於搵到位入，可以盡情發揮

老實大家各有各玩啫，無謂勞氣啦

老實講如果係identical嘅話就冇得講啦，都係買碟嗰吓買得開心就算

其實用fc去 check會好d，真正唔會decode，每一bit 去比較
任何checksum算法都有false possitve 可能，呢個亦係點解rip出嚟唔同聲唯一可能。
如果兩個file每一bit都一樣，咁我的確好難理解點解會唔同聲

同埋你諗下都幾大鑊，如果d data走嚟走去會唔同咗，咁成個金融體系就收得皮。當然金融界用嘅error correction一定更精密、準確。CD畢竟係幾十年前制式，的確個error correction 未必做到最準，而online storage 用嘅error correction 會先進唔少，難d有false possitve

放心，勞氣又稱不上，聽歌玩headphone 喇叭係興趣，搵到志同道合既人交流固然開心，意見不合 / 有分歧亦係好常見

而且都係我主動提出去做AB測試既，只係令我估唔到個測試方向同討論重點spin 左去討論數據上分析同比較兩個檔案係咪一致，完全無討論過實際聽感（或者真係聽唔出？可能我rip 果d 更差？）

因為d 方向轉左去認証到d 檔案係一致，所以播放出黎既聲音就唔應該有存在分別

另一邊廂我係用實際聽感呢個無得認証既講法，觀感上一定係站唔住腳，所以我會話當係我心理作用/我開左腦放既緣故

無奈在於我只能夠去形容我聽到既分別同經驗，用一種只可以係主觀既意見去支持我想帶出既論點，所以最終個結論一定係數據派/理論派可信性更高

我從來都無用一種好權威/專業/專家既角度同語氣去說服大家去認同，由始至終我同友人既目的都係搵到方法令rip 出黎既files 可以拉近，甚至超越直出CDP 既聲音表現

最後補充多一樣呢個測試上令我不齒既點，就係果位巴打口口聲聲話真心想交流，轉個頭就將我分享出黎既檔案同提供既資料轉載去其他forum 討論同否定，呢種交流方式，不了thanks

Anyway let's move on

ching，easy
我明白音響上唔係有野可以用數據量度
但有部分，可以用方法驗證

我亦都唔係所有方面既專家
有疑惑，審視自己用緊嘅方法係咪啱
所以再問人求證
最緊要係大家買碟買得開心，同時又 RIP 得準確

我聯想到既係 BTC