有無人後悔讀錯科，入錯行

你覺得
男護士溝女護士容易啲
定
男醫生溝女護士容易啲？

工程？
成日喺度互相問候老母，呢啲咁嘅工作環境頂唔順

做it都冇咁衰，仆街, 起碼唔使對人

Design 年頭仲要比人炒埋 食屎中

而家揸住啲design profile，份CV想轉行都無方向

唔好玩啦
你有無諗過你讀護士都未必媾到

對人嘅工全部玩人事玩篤背脊

宜家既網絡文化最大問題就係令一般人睇得網上鳩up多左，忽略左自己只係一普通人或至係平均以下，所以就成日望住d現實根本少數人先做到同要付出極大努力既野以為好簡單

讀fine art
下次去教pgde...

一樣

細個時候 好彩冇俾阿爸阿媽逼我讀書
最後中中庸庸出到嚟寫Code 做IT

但發覺好彩嗰陣 冇俾啲所謂上進心驅使就係攞幾條A讀神科


唯一後悔係，嗰陣時好地地有得做System Analyst 65,000 有得Work from Home唔使管人
走去應承升職做Technical lead

而家人工只係多20,000但辛苦到隻狗咁

奉勸所有社Code嘅人，千祈唔好為咗嗰一兩萬，真係管人，除非你本身管人好叻。
如果唔係印印腳做System Analyst六萬零蚊一個月係最爽皮。

除非最底層否則一樣要對人成世兩三皮夠食當我冇講過

咁你咪去揾外國公司請你囉

管理係另一套skillset
要學習同訓練

其實香港先係咁啫
如果你講澳洲或者美國讀工程系不知幾吃香

而且人哋啲工程冇香港咁求其，啲乜嘢機電工程師機械工程採購諸如此類全部都分得好仔細，人工職位待遇所有嘢都好透明

佢哋反而覺得讀到工程嘅係榮譽，喺香港先比較求其啫
同樣道理，香港人最鍾意嘅護士、老師、政府工等等呢啲職業喺外國咪又係變咗唔吃香

甚至你喺澳洲做農夫直頭發達，佢哋啲農務系學位不知幾多人爭住讀，調返轉護士、教師、物理治療呢啲大把位剩，所以年中咁多喺香港DSE考得麻麻哋嘅過去外國讀呢啲科再回流咋嘛

我既經歷話俾我知做人唔好睇錢睇得咁大，唔好同人比較，要善良，同揾啱自己喜歡而又有能力的工作，至少不抗拒，同埋人生精力時間有限，只能集中精力係某一些事情上

返工最憎對住人 因為最怕啲人事問題
剩需對住死物好好多 起碼唔洗估死物既心情

翻譯系 做緊完全唔關major事既工

請問係咩工？

都叫運用到你學過的翻譯知識serve 唔同客，如日文轉中英文呀，唔錯

早知去做長官，唔駛學歷輕輕鬆鬆仲有權有勢
人工高福利好（保安界黎講）
唔駛用腦，收工真係收工，就算要OT都有大量OT錢

我同你掉轉，我鐘意對人，但唔鐘意對太多人，同埋要夾得嚟的對象就日對夜對都冇問題。死物比較悶，但都接受到既

早知讀張教育文憑，又或者做護士
一唔係讀乜都好，一畢業就是但搵個政府perm位
人生路易行十倍，可惜一切太遲

仲教育?

公務員、工程都可以
老師都唔係易做

呢個真
所謂返工好攰，純粹係人際關係好攰
基本上大部份返工嘅困難同埋煩惱都係來自於濕鳩同事