何文田vs將軍澳

窩打老道 亞皆老街交界

認真少少答你
其實冇絕對答案，睇你著重邊一方面多D
從你租將中個budget去估算，你搬去何文田或九龍塘生活質素一定下降，但就對你個女返學好D。
讀K1已經選擇係九龍塘讀，同時你地又住係將軍澳咁遠，已經證明你地對個小朋友將來升學/學業係有D要求。我可以話你知考小一遊戲更難玩，如果住何文田或九龍塘除左對小朋友現在讀幼稚園地理上有絕對優勢之外，將來大抽獎34校網或41都絕對比將軍澳好太多，特別係41校網。 就算你話自己會考直私，將軍澳得間優才真係出名，而其他直私都好近九龍中心地帶，例如：DGJS, PC , MS, APS 等等

住緊何文田 方便到仆街
將軍澳除非你太古返工 唔係都係揀何文田啦

你同上面嗰幾位師兄講嘅都合好合理 真係針無兩頭利
但為咗個女同自己將來會容易過D 去個有校網嘅地方係會穩陣啲
唯有星期六日多啲發掘唔同地方同佢去玩

自己本身住何文田，感覺好過將軍澳N倍。雖然較舊, 但d人質素較高。睇你係咩位置，如果窩打老道個邊行出去旺角都好近，好方便。另外34或41校網都完勝將軍澳。有師兄提及將軍澳小學得優材較好。其實優才小一至小三都係旺角個邊返，小四開始先係返調景嶺。

師兄介唔介意講吓你住緊邊個位？可能到時集中去睇吓附近嘅樓盤 因為我睇緊近九龍醫院嗰邊位置上就真係好kick

屌咩醒
何文田屌打

你有錢何文田黃埔無盤有會所公園咩

藍田觀𡐓算係九龍最偏僻個啲區

黃埔都有既 但小朋友番學就真係要校巴
何文田都有d有會所既 但就天價

可以答你係 你去住下先真心正 0濕身暢遊幾個大商場

半新樓啲配套係好適合小學前既小朋友 唔洗話落去玩又出去 游個水又出去

係… 真係無得輸
我就真係因為呢樣野 就諗寧願加租都要繼續住喺將軍澳
不過如果冇呢個原因嘅話都會想轉返市區

如果返港島東同九龍東係正何文田就九龍中心同對面中環

tko 同荃西邊度貴？不過去klt 就好似觀塘線方便 但唔uber 落車之後都有排行

其實紅磡黃埔有冇得諗
但車位就會好貴

有車一定何文田唔使諗

俾多小小，何文田 啟德新樓

但係車得一架 返工揸走左
小朋友就都係搭車

有錢果批咪覺得何文田好好多，普通小康覺得將中好住都正常。你試用將中個價去住何文田又點會覺得好
優才初小的確係旺角讀，所以將軍澳對小朋友升學讀書真係差d

如果貪將中果種地鐵站連大商場直上樓既
何文田又真係比唔到你既 你反而應該考慮既係荃灣 太古

不過如果係貪咩會所泳池就算啦 正常打工仔有埋小朋友 用得幾多 好睇唔好食
小朋友更加啦 playroom玩襯都病 泳池做泳隊日日練咩

兩個地方其實個生活方式都幾唔同，如果住慣咗新市鎮大集團商場插晒旗/全部人流集中某啲地方嗰種規劃，九龍半島未必啱你心水。

諗41網唔好諗34網
34網冇想像中咁好

利申：10幾年前過來人

唔使理連登仔講嘢啦
10個9個半都戇鳩

你講嗰啲學校都要考入去
同住邊無關係喎