遇上同事或舊同事借錢，會點做？

呢排成日有啲現任同事及舊同事WTS過黎借錢，已證實唔係騙徒，有啲好熟，有啲幫過我，但亦有啲好黑人憎，甚至舊同事，借既銀碼話大唔大，話細又唔細，分別都係幾千至幾萬。

其實我就已經拒絕晒所有借錢要求，不過有部份人可能因為我拒絕佢而Unfriended IG及FB，甚至Block埋我WTS，真心覺得人情世故真係紙咁薄，當你會利用價值就連張廁紙都唔係。

如果大家遇到，會點做？

當你無利用價值（錯字）

辭職

認真問，你做盛行可以有咁多新舊同事都咁唔掂？

同事 同朋友要分清楚
同事只係一齊做野
工作上唔包借錢
就算朋友借錢都要睇下金額/能力

我之前試過搵到新工做唔夠3個月就有同事向我借幾百蚊，痴線

咩人問都唔會借..... 無朋友做就算柒數...
心軟就係害自己

低技術行業

Ignore
見面問就話冇錢

最岸鳩係有個現任同事，因為我唔借錢俾佢，佢WTS block咗我。

秒

唔做朋友咪唔做，一定要同啲會借錢嘅人做朋友？有本事就唔好問人借錢。

我都明白呢個係好現實嘅人情冷暖，但又唔係好熟，熟到可以半夜三更打電話出嚟話傾心事就話借啫。

連個種熟都無，借咩？而且又唔想借方住邊，要追還錢個陣點搞？

個個唔熟嘅走嚟借2-5萬，個個以為我乜人都借得咪煩死？

信用卡任碌都收利息啦！

有錢借俾人係另一回事，但搞到個個覺得我好恰就唔得。

同佢講自己都爭人一身債

話自己都唔掂 , 自己都係係財仔到借
介紹返d plan 比佢

*又唔知借邊住邊

一千幾百就純粹當買一個人情，你想幫㗎，就當幫吓忙，只會一次半次，同埋要睇吓對方有冇呢個價值。記住，唔好當係借，當係買。即係預咗唔會問對方攞返。

有兩句說話好岩

1.
唔借，你會無左朋友
借，你會無左朋友+錢

2.
點解問你借，唔問銀行/財仔借
因為
問銀行借要還
問你借唔洗還

WTS 問我借錢果個，問我借幾千蚊，本身都同佢幾Friend，返工成日同佢食Lunch，不過放工私下約出去食飯飲野就無次出席，估唔到因為我唔借錢俾佢，連WTS都Block埋我。

依加Block咗你咪好囉，唔係你借完俾佢冇錢還一樣會Block你

幾歲呀block完你係咪會死

其實我都係窮撚一名，月光族，只不過我無欠銀行財仔錢，又無負擔，啲人以為我吃得開就以為我好有，唔通我同佢呻我窮咩。

買人情？

依家呢個世代邊會有人咁還人情，借咗錢就係佢嘅，仲要一唔借就情緒勒索block人，咩人先會咁勢利？幾百蚊都唔借就話條友孤寒啫，幾千幾萬又唔係frd底，借乜？當人蠢㗎！

又唔會死，但返工見到面會面阻阻唔知點咁囉

偉，係度嗎？