無論升定跌
只要你買股票個心態係想
低買高賣
你注定要輸錢
因為你只係賭緊錢
賭錢嘅人幾時會停？就係你輸錢嘅時候。
無論你之前贏幾多
到你停嘅時候就係你輸晒之前贏嘅錢嘅時候
有邊個可以呢一刻仲贏緊錢你會收手
冇可能
由你賭股票嘅第一刻就係諗住贏錢，
如果你個結果係贏緊錢
又點解會收手？
如果你而家輸緊錢，我恭喜你
你有機會睇清楚股票嘅本質
散戶買有機會真正贏錢
就只有你好睇好呢個公司嘅將來你買入咗之後就唔會再放
唔會諗住低買高賣，
咁嘅情況下賺錢，我都恭喜你
但係最值得恭喜，就係你輸到仆街離場以後唔玩
股票最荼毒人心之處就係帶俾你希望
相信絕大部份買股票嘅人都會有幻想過
用股票買車買樓發達
當你一路贏緊錢嘅時候，
你好自不然就會計數我到某個時候就可以買樓啦
到時可以威過身邊啲朋友幾多幾多
女朋友唔會再嫌我窮
呢啲一切只係幻想
可以實現嘅機會率究竟有幾咁低
但係你將呢啲幻想充實咗自己
冇咗喺職場上或者商場上提升自己嘅飢餓感
你返工同做生意嘅時候你會諗工作唔好
股票賺返就冇問題
令到你原本可以發揮100%超越你自己更上一層樓嘅機會抹煞咗
因為你發揮嗰100%有60%去咗股票，
你只係可以放40%去工作
所以你好可能因為咁庸庸碌碌就過咗一生
奉勸大家唔好再嘥時間睇住個股票圖
睇住幾年之後就會唔知升幾多倍嗰種幻想
浪費你自己真正可以增值自己嘅時間
你隨時係下一個Elon mask
Elon mask會唔會嘥時間炒股票？