結婚、移民所有野都係我做哂。。

我29，老公33，冇小朋友。我之前有做ig shop整蛋糕，但收入唔好轉左做家庭主婦；老公出去搵錢，到十一月開始冇做野，等六月兩個一齊移民。

由準備結婚開始，所有野都係我準備，老公係完全冇幫過手，淨係去試禮服同封左幾張請帖。

到準備移民，老公都係完全冇幫過手，淨係我叫佢幫手嘅時候先幫我pack咗啲要船運嘅箱，準備移民要睇嘅YouTube ，所有野佢係冇做過。

我同佢傾過，佢話因為兩公婆應該分工合作，我負責頭家嘅所有野，我老公就負責做野同負責投資，所以每人負責嘅野唔同。而我就覺得佢應該都要幫下手，因為始終人生大事，幫輕下好正常。佢覺得自己冇錯，話係大家諗法唔同，到宜家都唔肯哄返我。

大家點睇？係我錯、定老公錯定大家真係諗法唔同？

分左工嫁係咪，做乜男人要做埋你個份。
咁分工黎做乜尻。

男人係咁 想分工
一係自己做一係分工就唔畀意見
婚禮就男人唔想搞
我就係咁野畀ex未婚妻飛撚咗
男人同女人諗嘢唔同
多啲溝通啦

佢就係咁，分工就分工，唔會插手，究竟佢係咪唔想結婚同移民

你唔想搞婚禮又係冇幫過手？

內文邊到抄返黎？

我自己打咗好耐架。。

咁佢係咪已經有好多錢，你地過去係咪唔憂柴米？

先唔講愛唔愛，如果麵包都未有保障，我唔覺得六月移民係一個明智之舉。

咁多不滿其實你都唔係好愛佢
去到無人無物自己喱埋喊
早啲離婚啦

移去邊

英國呀。。

我唔愛佢就唔會里埋喊啦，搞笑咩。。

婚禮緊係女人主導 男人都係想你開心先搞啫
不過我就係失敗收場

情緒價值啊嘛

去到諗住撈咩?
係香港失哂業
又有幾多錢洗
前路唔太透明喎

你都霎ON, 你老公呢D先係最醒, 幫你手唔啱你心水又係俾你屌, 覺得唔alright 俾下意見你又唔啱聽, 唔插手就唔駛鬧交, 最多你依家係度怨下, 我諗係人都聽過有人搞結緍搞到分手都試過啦

去到諗住玩一排之後都係諗住試下整蛋糕，佢我就唔知啦，佢話要專注投資喎

做雞啦，你老公搵錢都好辛苦架，佢有苦自己知，香港返工，男人真係好大壓力，唔係為咗家庭，好多都寧願單身躺平，你試吓問佢係未。

想當年我淨係負責出錢同出現，乜鳩都唔理

唔岩心水唔會屌，起碼有幫過手嘛

唔想結, 唔想移, 完

你依家講就叻, 到唔啱你心水, 黑口黑面, 心入面有條刺個時, 俾你講成世仲麻煩

十一月開始冇做野，等六月兩個一齊移民

咁佢而家做緊乜？

專注投資

結婚同移民都係你自己想，仲要迫對方做？

唔好做囉