日本気象株式会社
Tenki
Weathermap
準備開始追櫻啦
三月最尾個禮拜嘅天氣搞到亂晒
襯仲有時間，同大家做下心理輔導
預測唔使盡信，上年個post睇到大家眼都突埋
二月暖，三月頭凍，三月尾又暖，啲花期錯晒
關東以東遲開，關東以北早開，好似得四國同九州叫差唔多
天氣變幻莫測，氣温時高時低，好難做的
櫻花分好多種，花期唔同，由一月尾開到五月
預測網站只會以幾棵標本櫻花樹做預測，多數估染井吉野櫻
同品種嘅櫻花，喺唔同地方，唔同氣候嘅情況下都會唔同時間開
就算同一地方，高度差幾米都可以開得唔一致
預測機構會定期更新，由而家到五月，應該會做十幾次
所以個時間真係唔太準，唔好擔心太多
甚至乎去到開前一日都估錯
如果天氣情況許可，櫻花可以喺兩三日內開齊
開花幾日後(5日內)就滿開，滿開幾日後(7日內)就櫻吹雪
花期極限係個幾星期
但花好脆弱，一旦翻風落雨，好快就落晒
追櫻開心有三個可控條件：信心 信念 信仰
兩個不可控條件：天氣 運氣
一個唔知可控定唔可控條件：期望管理
上年辭職後就由四國追櫻追到北海道
同大家追得好開心
今次，山陽九州見
如果身體康復程度理想
Anyway祝大家好運
