12:05 一行6人抵達排隊
Around 12:30 職員A出嚟派飛，我哋收到59-64號飛。
職員A對排喺我哋後面嘅人群宣佈已經派哂飛，人群解散。
我哋問職員A「請問大約幾點會有位？」
職員A回覆「你哋都最尾，大約3點左右啦」
我哋表示明白，因此去附近食少少嘢頂住先。
我哋有嘗試scan張飛嘅QR Code睇排到幾多號
結果佢係冇顯示即時排隊狀況
Around 13:45 我哋再折返店舖問下排到幾多號，當時係排到38號，所以我哋再時暫時離開，預時間再返嚟。
14:50 我哋返到店舖門口，見有人排緊隊，由於佢派飛嘅時候宣稱我哋係午市最後嘅人，加上解散當時排喺我哋後面嘅人龍，所以我哋相信前面呢班人係59之前嘅號碼等候入座，並且跟喺後面排隊。
15:05 我打開門向職員查詢現時排隊號碼
我：「你好呀，想請問依家排到幾多號？」
職員B：「你哋幾多號？」
我：「59至64」
職員B：「59過哂喇喎！」
我：「吓？你哋同事話3點返嚟，但係我哋2點10已經返到嚟坐咗喺度」
職員B：「邊個同你講3點返嚟？係咪男仔嚟？」
我：「umm，男人囉」
過咗一陣，初頭派飛嘅職員A出嚟回應。
職員A：「59過哂喇喎，依家已經排到七十幾，我哋係唔會補飛」
我：「你同我哋講3點返嚟，我哋早10分鐘已經喺度等喇喎，同埋你頭先話我哋係最尾嘅飛，依家點解會有七十幾號？」
職員A：「係呀，中間有一堆人走咗，我哋順住嗌，過咗就冇㗎喇。」
我：「但係我按你講嘅時間，提早咗返嚟，坐定喺度等到依家。」
職員A：「咁你應該唔好走開坐喺度等，我哋好多客都係坐足兩個幾鐘。」
我哋明白舖頭態度堅決係唔會做我哋生意，所以大家都沉默咗一陣
職員A：「咁你哋依家係咪想食返？」
我徵求同行其他朋友嘅睇法
職員A：「其實都未必serve到你哋㗎喇。」
最後我哋放棄爭論離開咗。
上次去食派飛條友有講至少要留一個人係度排隊