曾志偉回應魯振順被減騷

後生嘅唔紅都無工開㗎啦….

一把年紀又唔紅演技又唔係好好 憑咩要俾好多嘢你做
一間公司老細唔睇你冇前途咪轉工再唔係轉行囉 各行各業都係咁㗎喇 係得呢啲老屎忽藝人先成日喺度叫春

仲有巾幗梟雄大鳳哥

好多工都有中年危機，正常

所有蓋世寶咪俾人踢走咗

yes
比干、東方不敗佢都做得好好
咁多經典角色，班大陸人實識佢
上去上下綜藝都好

汪阿姐最多咪主持，拍劇都係客串，唔通仲有女一做咩，後生嗰時就女一啦

佢都係講事實，不過對啲藝員特別係老咗個班嚟講一定係難聽，心理上接受唔到

我就遠少少
東方不敗

香港封神係大陸唔紅
笑傲係大陸可以，但班演員摺到仆街，如果好似97天龍班友咁活躍，出路應該ok

覺得153講野都唔係冇道理
正常7張野都好難搵野做
魯振順成67歲
本身又乸乸地
後生個時都唔係多野撈
可以做既角色又局限
最記得都係比干 東方不敗同十月初五

呢行萎縮係事實
大把老中青演員都冇野撈
個環境唔變 你就要自己去變嫁啦

中年好聲音係好煩
個個大show都插十個八個落去唱歌
魯振順話比佢地搶show
但我又唔覺以前魯振順有做開呢d

全新歌唱大賽《聲秀》「香港招募 率先啟動」記者會

又聲夢又中年
成棚人喺到都未養得掂
然後又再搞多壇嘢出來

啲小姐去大場做係要俾錢㗎

以佢身份起碼10幾20萬走唔甩。
陶大宇幾首都幾皮嘢。

包薪形式 同 「一年一騷」合約 唔同
一年 $6800 點夠駛 ?
兼職又唔可以同無線有利益衝突 , 又唔可以影響無線形象

兩種心態
一種係甘草既仔女都大個又搵到好多錢 , 例如劉丹 (愛·回家 熊樹根) , 個仔劉愷威搵咁多錢 , 佢自己有野做就做 , 無野做都絲毫唔影響生活 .
另一種係甘草諗住賺錢演戲到行唔郁為止 , 留多幾個錢畀仔女 , 例如陳榮峻 (愛·回家 譚道德) , 仲供緊個女外國讀書開支好大 , 搵得少啲錢都頭痕 .

77歲嘅余子明嚿年拍畢劇集《踩過界II》就離開咗效力逾40年嘅TVB，不過佢卻未有退休，近日更拍攝ViuTV新劇《940920》。余子明接受媒體訪問時，指比起拍TVB劇集，拍ViuTV劇集唔會太辛苦，又提到當初不甘被TVB「一年一騷合約僅包薪$6800」綁死，自言對此對待心淡而拒簽離開。

余子明指拍攝ViuTV《940920》每次都有專車接送又唔洗捱更抵夜，從來未試過拍劇咁嘆，相反喺TVB嗰陣就試過因為拍攝《平安谷之詭谷傳說》，兩星期都瞓唔夠40小時，意識到身體頂唔順先去睇醫生。余子明更於2000年喺內地拍攝《尋秦記》時意外喺馬車上跌落嚟撞傷頭，不過當時睇少咗其傷勢繼續開工，回港後因腦積瘀血昏迷入院做開腦手術，及後自付廿萬手術費，經囝囝幫忙睇過TVB份勞保後，TVB只畀返大約兩萬元佢，至今余子明個頭仲留有凹泂。余子明未完全康復之際，深怕影響拍攝進度所以趕住開工，直言應承咗人就要做好件事：「我點辛苦係我嘅事。」

為TVB賣心賣力，卻被改成一年一騷合約僅包薪$6800，余子明以「心淡」形容：「淡，淡得好緊要添呀，我都估唔到無綫突然間變到咁樣。」亦只能以「自己年紀大，呢個社會係咁現實」自我安慰。余子明直言未改合約前，單靠TVB份糧絕對係唔夠，所以聽到邊到有錢搵就會去，登台賺落嘅錢就交畀太太馮素雲買樓投資。余子明未成為演員前，由記者轉為歌手，曾與徐小鳳同台演出，佢而家就希望拍劇過戲癮之餘，可以喺紅館搞一個慈善演唱會，將所有收入捐給慈善機構。

2021年10月26日
https://hk.news.yahoo.com/余子明效力tv-b逾-40-年-對一年一騷-6800-合約心淡拒簽-054510796.html

原來佢頭個凹洞係因工受傷

開幾集60後愛回家，全部演員要過60，有收視咪繼續拍，無咪收檔

Super

又話 MC 唱3首歌收$90萬嘅？

兒童節目、處境喜劇係 Dream Job 嚟㗎
日日出鏡，長期爆騷，基本收入維持到
型像入屋，保持到人氣，出去接外快唔難

起碼我知魯振順係邊個先
中年好聲音一個都唔識
咁都可以俾曾狗講到冇value

其實大台都唔係好多老演員用
特別係D 阿嬸角色，黎黎去去都係幾個演員不停loop
以前有咩程可為陳秀妹呂珊，宜家走哂冇人接
劉丹做愛回家做十幾年都係單親老豆

高峰期10皮一個月
日日爆
80年代做到而家
之後無做拍住光頭佬出鏡又搵到
仲要本身小拍劇

羊羊羊 單野衰左
唔係既話 , 直播帶貨搵吓TVB藝人客串都叫有啲野做

魯振順好恨唱歌，歡樂滿東華卡拉之星一年唱得一次