其實導演要諗吓點解要拍到咁極端,結果出到嚟真係唔係個個人都會同情女主角。
眼見其實大部份人都係唔滿意個故事咁極端,先引起咁大迴響,所謂劇情暴走,就有觀眾接受唔到。
你要人去關注一個議題,我諗你都需要考慮如何令觀眾去同情一個角色同埋由你自己要人關注個問題開始,觀眾就會對你有一定想法,唔可能你一方面去控訴個社會/家庭,另一方面又唔使回應所謂社會責任。
如果乜都唔使理,咁年少日記個仔可以話佢頂唔順個父母,然後放火燒死全家,咪睇吓你啲觀眾受唔受落姐
最近嗰套看我今天怎麼說,一樣有討論人工耳蝸係咪被妖魔化呢個問題,但係導演處理得比較好囉,可以令到人信服點解男主角咁抗拒。
跟住爸爸入面明明個仔殺晒阿媽同細妹,但係出到嚟冇人會因為觀賞體驗唔舒服然後走去屌鳩個精神病人。
所以有時真係手法嘅問題,真係冇關議題事。