發覺社交叻既人都有既特點

樓主一睇就知係低下階層

好明顯你唔係個純粹既人
人其實就係會比純粹既人吸引 所以果d人人緣好
反之亦然

投其所好
唔好成日諗住自己 留意吓人哋係一個點嘅人
佢鍾意deep talk 就deep talk
佢鍾意鳩就鳩埋一份
有啲人鍾意聽人講野 你就share 多啲
反之亦然

如果你係內向底 呢個就係生存之道

特點係面皮厚

自以為
Kam 到
就算你鍾意deep talk
人地同你35識7 點會無啦啦想同你deep talk

其實你直接話自己introvert就得
唔洗間硬逼自己好傾得計

一句講晒，你只係埋唔到心儀的女仔堆先喺度叫春。

咩叫純粹冇機心定點

做人冇公式
用公式去分析點做人
注定失敗

樓主又係果D自以為懷材不遇D KAM撚

每個人既相處方式都唔同，社交係由到大培養，唔會一招就打遍天下

你想埋堆都要睇下堆人同你啱唔啱vibe, 唔啱既你埋到都辛苦

搵到啱自己既相處方式去識朋友，好過改變自己去遷就人地

同佢地吹水ok既，但我唔會同佢地做真心fd

樓豬是毒撚
毒撚先睇人面色就人，咁多人你點睇點就
社牛係自我定位好，其他人去適應佢

其實好難取悅所有人
唔好得罪人，又有基本禮貌就是

距離感好

唔好一開始就deep talk啊

好難同全部人做朋友，唔得罪人就好好

我估佢想講 係咪用自己最真果面去同人相處
唔係叫你乜都唔修飾，想屌就屌鳩人咁

而係你個人本身係點，就點樣同人相處
總之自然啲，唔好夾硬去令自己變成第種人

身邊幾個社交叻嘅男人都係女人湯圓
鍾意同女人講八婆野是非
俾女屌攞著數都唔會嬲
識得扮廢
一副隨和健談好恰樣

如果好似連登仔咁
鍾意強勢認叻，寸人廢
滿口正義公義
不停批判社會、政府
笑人排隊食嘢買嘢智商稅
一副眾人皆醉樣
呢種人社交應該比較廢

樓上咁多人屌
我認真答你啦

先唔好講你「自以為談吐出息」呢part
因為「談吐出息」既人係唔會開呢種post

先講「識分寸」簡單講就係你鵪鶉唔敢講某啲野
你「識睇人面色」即係會不停自我審查有啲咩講得有啲咩唔講得，或者係個種望到人唔高興你識自動波收皮
從而達到「有禮貌」既錯覺
呢種行為會好難同人產生共鳴感，甚至距離感
無共鳴咁都事小
人呢就好犯賤既，尤其香港人
如果你埋唔到堆，你自然就係比人唱個個
（即係樓上既覺得你係kam撚）

反觀你講所謂串柒柒個種人
其實現係真正識睇人面色既人
佢會知道邊種人可以得罪，邊啲人唔得
佢地識搞氣氛之餘，亦識得點樣令啲人企係佢地個邊
人就係喜歡跟隨leader（所謂既alpha male）
而最容易產生共鳴既方法其實就係揾共同既敵人
你話佢地會窒人或者串人，其實唔係全部人都串
而係signal比其他人知，我比大部分人勁，我比大部分威
亦都係signal緊被串者係可以蝦可以杯既對象
而你，作為一個kam撚就自然變左佢地所謂既「敵人」
亦即係欺負既對象
最佳例子就係讀書個陣總有幾個kam既人會成為全班愚弄既對象
而多數帶動全班人開始杯某個人既人
往往就係你口中串柒柒但係又受歡迎既人

最後就係deep talk
男人呢，就唔會同同性deeptalk既（除非超級熟，稱兄道弟）
所以我估計你就應該大部分朋友都係女人
而同女人deep talk最避忌既野係咩呢？
就係人地轉個頭就會攞你啲是非賣人情
跟住通街都知你啲秘密覺得你係kam撚
然後慢慢疏遠你

就係咁簡單

幽默感係天生，你無就無，無得勉強

未遇到岩嘅人姐 個個都社牛咩 社牛咪一樣咁驚無人理

鍾意deep talk
但係哋唔鍾意同你deep talk呢

唔介意分享自己嘅私隱畀人知

傾計根本就係交換資訊
有啲人覺得個資訊講出黎幫唔到人
或者人地講緊嘅野我唔想知 喺度晒時間
就會end topic

但係有啲人就係咩都講
寧願東拉西扯 都要講野
人地問你住邊 講完聽完根本得個知字
唔通你會因為我講完點好而搬屋咩？
但係佢地又可以吹到附近有咩餐廳
再吹到泰國菜—> 有冇去旅行
或者會所有咩設施 等等

但係呢一大輪野如果你本身冇興趣
或者你係公屋仔唔想畀人知你個底
多數答完地區就唔會想再講

基本上傾閒計次數愈多
你洩露自己經歷（私隱）機會就愈大
但係你唔畀人挖你個底
人地就覺得你難相處

識睇人眉頭眼額既 唔會好似樓主咁柒
社交本身就係打波咁
開波交波 你肯打未必人地想同你打
你打得叻未必想同廢人打
但好既leader係會帶人打 教人打
一味話人廢 話人有問題既 好多時先係有問題果一個
想唔融入就唔該俾啲特質出嚟吸引人跟