點樣處理複雜情緒

我都覺自己性格好麻煩…
但我過唔到自己個關

只係好想係一個冇人知既地方
就咁長眠

我估你係唔習慣處理問題?
所以遇到一堆問題嘅時候 會覺得麻煩同不安 繼而抱怨自己嘅人生?
我解決不安感嘅方法係將啲問題list出嚟
再逐項諗解決方法同可能有嘅結果 最後就係跟住最好嘅方法去做

至於身邊有無人愛自己就是旦啦 重要嘅係自己愛自己
今日愛你嘅人未必聽日愛你 今日無人愛你亦唔代表未來遇唔到愛你嘅人

調返轉晒 我係太習慣好多野自己處理
但唔知師兄你明唔明
有時有啲野唔係你處理就解決到
永遠同人夾野

屋企人又好 拍拖又好 返工都好
其實係有人既地方就有問題

而種種都要你孭晒去處理

而問題係我自己都鍾意咁既自己
愛唔落手但又唔想受苦

望住自己前景冇晒希望咁
成個社會由治及興成咁
又一事無成走唔出呢個地區移民

望住過去就好糾纏
望住現在就好抑鬱
諗到將來就好焦慮

寫日記每日發洩
每日寫完就唔記得咩事

記住唔好俾情緒長時間停留喺一個狀態
你可能沖個涼就轉換到心情
每日重覆咁loop學同情緒同處
一有唔妥就擺低電話做第二樣嘢，上網search coping mechanism

有時好多問題唔會即刻解決到 亦未必會有人幫
其他人控制唔會控制得到 只可以控制自己

試下返教會

認識基督教嘅世界觀
用耶穌嘅思維去理解人生

原來 , 人生可以有另一種玩法

https://lih.kg/kuBsmT

但其實咁樣只係麻醉緊自己
去強行令自己接受呢份痛楚
去distract緊自己
但到一望返個出處就又都係會頹落黎

如果唔識同情緒相處我應該唔會出到呢個post
唔會仲想搵方法走自救 去被救

我只可以每日帶住耳機開到最大聲去focus on首歌
但都係仲有會有時聽聽下去諗唔同問題點解決
專心唔到

習慣去解決問題既人根本好難放低唔去理就唔理
同埋呢個問題係自己身邊最親既人
你冇可能去放低個問題 等佢去發酵
我就係慢慢望住我由自控去到失控既邊緣

我係好攰好攰 但我更加放唔低
係人前要帶返個面具 積極咁做人
人後自己就放負

又導人入教
我親人就信教 只係我信唔到咩佢地聽住
返過好幾次教會
我唔覺有啲咩神明陪伴住我

反而係教會既人陪住我
佢地先係我要多謝既人 而唔係乜耶蘇 咩性靈

所以咪叫你search coping mechanism
其實有幾十種幾百種方法
我鳩噏兩樣姐

你要明白抑鬱就係長時間喺同一個情緒入面，你個腦少咗分泌dopamine serotonin 呢啲，佢會習慣，會越嚟越分泌得少
你就係唔可以俾自己沉淪喺呢種情緒，食藥都係咁嘅原理咋嘛
當你穩定返攞返個控制權，你先照顧到自己 照顧到其他人
而且你寫日記係可以梳理好多自己諗法，唔一定係情緒發洩
寫嘢同打字嘅感覺好唔同
上網睇下journaling 有好多教學
你可以寫吓今日嘅情緒，唔開心都有好多層次，你係失望丫氣餒丫你睇個emotion wheel自己整理下
又或者紀錄低有咩係你1. 可以控制 2. 唔可以控制
你自己寫完個list就會明
你已經俾你抑鬱影響緊，覺得做乜都係無用去緊負面嗰邊

搵AI傾 叫AI 扮演CP

睇到你正面對住好多問題，同時身邊又好似無人可以同你分擔。你自己一個人承受着，真的不易。如果你不介意，和我們分享一下，讓我們陪伴你一會，好嗎?

或許我不能完全了解你內心的痛苦，無論你的是否想放棄自己，也希望你不要將困擾藏在心裡，

你可以進入網站內的『Chat窿』https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），讓我們的義工為你加油打氣！

我們願意聆聽你的心聲，伴你一起走過這段艱難的時候！

明白
會試下

但係想剖白小小
理性同感性同時存在個陣會唔會好辛苦
明知個樣野唔再可以咁落去 要放棄個一樣野

但感性就係不停咁同你講 唔好放棄 你唔會捨得放棄

我自己其實有個IG只係係咁出啲post好似你所講咁寫野寫順自己既邏輯
但係寫寫下有時諗得通左 反而唔係自己想要既選擇 就會更加難受
所有愁緊既事就係因為不可控先仇
但如果件事好似我所寫咁推論落去 就只會向我唔想既方向發生

我好想做多啲去避免 但唔知可以點做
再寫一寫知道點做去做 做完個結果原來又唔係好似本身預計咁

推論？即係假設？
我聽過最好形容抑鬱嘅係 - 永遠都係諗住過去發生嘅事，同埋將來可能會發生嘅事，但人係活在當下的

所以而家咁多人鍾意打坐同meditate
題外話meditation都有好多形式，唔一定係坐喺度打坐咁
總之好多嘢好多花款，實搵到樣啱自己嘅嘢，我都好推介

我俾啲examples你，我覺得中文嘅網上資源真係好少，search英文會有好多好多，真係咩都有，免費ebooks都有





即是咁，你可以控制到自己嘅decisions同actions，結果係控制唔到，其他人點諗你控制唔到
呢啲exercise係要持續做先有效果，當然唔會一兩個月就magically好返
你當係修行唔好當係醫病
你嘅諗法、認知、行為全部都係learnt（即是後天），已經好深刻咁鑿咗入腦嘅潛意識，你要做嘅係每日tweak少少，好少好少咁tune返正
嗰啲好多人講嘅DBT CBT大致上都係咁嘅效用
不過我覺得唔好俾自己得一種情緒係最好最簡單嘅解決方法，break咗個cycle佢
既然控制唔到，你日日諗，諗多一個月一年都係控制唔到

點樣set目標 manage expectations呢啲我覺得我幫你唔到，會唔會一開始個expectation就太高？不過again上網好多方法 睇多啲學多啲，無捷徑

好多謝你

我近排都面對緊情緒問題
主要係好想同人建立關係 (deep bonds), 不過唔係好識點同人 build friendship
個人本身都內斂 又社恐
搞到有時想同人傾訴下 或者搵人出下街 chill 下都唔知可以搵邊個

有冇人有冇興趣開個 tg group, 大家 share 下 擺脫抑鬱 emotional self help 既方法，同埋互相鼓勵支持下