我老豆6年前肺４，
我係陪住老豆聽呢個消息，
當時醫生冇講仲有幾多，而我都唔敢問，
當然後續就係上網搵好多料，但上網睇，９成都係壞消息，
係好嚴重影響自己決定。
我老豆冇得食鏢靶藥，所以醫生話只能夠做化療，
當時我老豆55歲，我地醫生做唔做好，會唔會好辛苦，
其實問黎都ON9，醫生一定係引導你醫，醫生話55好後生，
應該試下，如果Ｄ副作用頂唔順先再考慮點行，
我老豆係好勇敢既人，佢諗都冇諗就決定做化療，
結果佢走果時係60歲，化療同一隻藥(由卡鉑加愛寧達)，
去到只打愛寧達，居然冇抗藥打足５年，
副作用，我所見到佢我老豆生前所講，就係打完化療會冇左５日，
果５日係疲勞到不得了，的確，果５日訓好多，
但係其他時間係同正常人一樣做任何野，番工，做運動等等...
我唔係鼓勵你叫家人做化療，只係比我既經歷你睇睇，
都未必需要太排斥化療呢個選項...有咩可以問我
