我同A以前返工識嘅，B同A係中學同學，咁我同B唔算太熟啦，叫有個group傾下啲共同話題。
喺WhatsApp group傾開偈，見大家對場live有興趣，就約埋一齊去。
去之前喺group問，有冇話要plan行程之類，佢哋就求其send咗兩間omakase出嚟就算。
見唔使我幫手plan，我都懶理啦。
A負責book機票，book完過幾日，佢突然同我講，叫我自己book定地方住，話佢哋兩個有個mature friend喺東京，可以俾地方佢哋瞓。
當時已經覺得好on9，三條友去旅行，得我自己去第二度住？但諗住難得一次半次，又唔係去好耐，就是鳩但算。
點知真正去到東京，落地之後再問，先發現佢哋其實係book咗酒店，話個friend呢排唔喺東京，所以冇得住佢度。
？？？
即係其實一直都係book埋一齊住，但又一句都唔提？
一齊去旅行仲要自己住第二度，本身已經夠on9，仲要到咗先講其實係有book酒店，成件事完全係黑人問號。
Fine，我忍。
但成個旅行，佢哋有佢哋玩，完全當我透明。
我同佢哋講嘢，八成都係當聽唔到，剩返兩成都係回我一句吓？ 要我繼續問先肯應機。
一開始我仲真係以為自己講嘢太細聲，佢哋聽唔到，後尾先醒悟——根本係唔想理我。
行路嗰陣，佢哋次次都泊實一實咁急步走。
但只要我一加速趕埋去，佢哋即刻勁有默契咁減速，行去我後面自己傾偈。
每日去邊都好，又係要問幾次先講。
譬如最後一日朝早9:30 check out完去車站等，原本我以為係搭車出上野車站放低行李，之後慢慢hea到夠鐘去機場。
點知去到集合見到佢哋兩手空空，問咗先知佢哋想食埋個donut先再搭去上野。
屌你又唔撚早講喎？？？
好彩我集合前想去廁所，拎住一大秋行李又未見佢哋，索性放咗啲行李入coin locker先去。
乜都plan好哂，但當我任何嘢都唔需要知咁。
到返香港嗰陣，佢哋仲專登自己行先，然後打俾我話的士到咗，要走先。
明明去嘅地方係順路，真係唔知好嬲定好笑。
成個trip玩到咁，我真係完全唔明自己去做乜。
明明係一齊去旅行，但由頭到尾行程唔知、計劃唔知、啲人當你透明，仲要成日問一句講半句。
其實咁唔鐘意我點解仲要叫我一齊去呢
都預咗放係呢度都唔會有人give a fuck嫁喇
但係唔寫出嚟個心up住up住訓唔到覺
Sorry for 1999
自己獨遊有幾難?
屌你老母 中學雞 先會發生既事
