[中亞高加索探險系列 3] 亞美尼亞前傳: 瘋狂潑水節 [2024]

Day 1 (5/7) 歌唱表演

之後應該有亞美尼亞著名歌手，啲人開始集中埋去舞台睇表演。





https://imgur.com/RNkgvbj
https://imgur.com/cVrHAfH
台下觀眾手舞足蹈








https://imgur.com/0MkDL7I
https://imgur.com/2epwRlu
台上歌唱表演

Day 1 (5/7) 散水時間

去到夜晚啲觀眾開始散場，係後面政府大廈襯托下，正中間亞美尼亞國旗係夜空嘅Republic Square飄揚。


支國旗好有feel




Republic Square

我都跟人散場，慢慢行返酒店。

隔離間雪糕店好多人

行到步行街，見到啲細路係到睇住個mon睇到好肉緊，入面係踢緊歐國盃準決賽，西班牙打德國。

夜晚步行街




https://imgur.com/TNXvBq0
德國89"扳平西班牙班細路勁high，係到歡呼。


夜晚街景

行到間Kebab鋪要左個Kebab，呢隻係土耳其中東Kebab，啲肉係片出嚟。係雞同鴨講嘅情況下，最後材料咩都有，盛惠1000 AMD。店主問我邊到嚟，問我拎張港紙睇，比左張$10膠幣佢睇佢話設計一般般。相信比宜家迎新版設計成張冥幣咁嘅港幣佢睇，佢應該會覺得香港啲品味發生咩事，雖然香港人品味同喜好有問題，中意比錢做水魚係常識。

Kebab店



呢間Kebab放左薯條

評分: 7/10

Day 1 (5/7) 完

Day 2 (6/7) 酷熱街頭

呢日瞓到brunch時間，一起身又落去Tavern Yerevan。我叫左個蔬菜沙律同Lagman。

沙律嘅蔬菜非常清爽

Lagman係中亞家常菜，係手工拉麵，啲麵幾有咬口。湯係係番茄牛肉湯底，不過啲牛有啲柴，有啲難咬開。

Lagman味道豐富

評分: 7/10


全餐相

食完之後就行街去下一站，7月頭太陽暴曬睇見都覺得辛苦，好撚熱，好似身處地獄咁。






熱辣辣的街頭


壞蛋獎門人 4



花店，後面有灑水位比人唞暑



路中心有個雕像同掛滿國旗


無軌電車


土耳其 阿塞拜疆


Yerevan City Supermarket

見到俄狗國同法國大使館就知道差唔多到。

俄狗國大使館


法國大使館

晚上反而幾有feel
Kebab放薯條食過 直頭係薯條做餡

Day 2 (6/7) Yerevan City Museum

呢個下午我去左Yerevan City Museum。牆上啲字係亞美尼亞歷史上12個首都。門口個石碑係現代Yerevan市中心嘅地圖。

City Museum 同市政府


City Museum 門口



Yerevan市中心規劃地圖


Yerevan City Museum 門票


Yerevan City Map

入面除左地面之外唔可以影相，所以呢到就純文字討論。Yerevan City Museum分左三部分。

第一部分係銅器至中世紀時代。Yerevan呢個地方有人住可以追溯至銅器時代，啲人係住係Yerevan Cave，因為有水源，位置好同適合氣候。入面有個Yerevan Cave洞穴模型，跟住展示左啲石器，銅器同鐵器時代文物。入面展示左係Opera House附近搵到嘅銅器介指。

係公元前9000年，亞美尼亞係Kingdom of Van時代。係公元前8000年，當時居民係Yerevan嘅一座山坡上起左定居點，同係入面聚居，聚居地叫 Erebouny，正是Yerevan嘅前身。當時Erebouny已經係一個戰略位置，同政治，經濟中心。當時嘅城牆裝飾有動物，當時嘅神，珠寶等圖案。

當時居民亦會係附近嘅Yerevan Market日常買賣。博物館有當時用嚟磅重嘅磅同示意圖片，同埋挖到嘅唔同時期貨幣，由亞歷山大時期去到19世紀沙俄貨幣都有。

第二部分係中世紀去到18-19世紀。入面展示左由公元前7世紀起嘅Yerevan Fortress模型。配合地型，佢係高加索山區其中一個最強堡壘。入面有啲圖片，勳章，19世紀用嘅堡壘鎖匙。19世紀之前亞美尼亞係波斯帝國佔領，1827年沙俄攻下Yerevan Fortress，Yerevan易手。入面展示1828年正式確認易手嘅 Treaty of Turkmenchay會議嘅圖片，同時都展示左啲俄羅斯同亞美尼亞人將軍雕像。俄羅斯人入城之後改建城堡同Yerevan，博物館展示左當時地圖。

同一層展示左俄羅斯人入主亞美尼亞之後，Yerevan市面同生活習慣開始俄化。傳統嘅亞洲風格家具開始被俄式同歐洲家具取代。入面展示左歐洲文化影響嘅家居擺設同生活模式，見到隻幾可愛嘅公仔，同埋傳統亞美尼亞地毯。

入面都有展示1910年嘅Yerevan報紙，有張模擬貴族辦公室，張檯有紙筆墨硯同口啲文件，檯頭有隻豹，同埋有部當時印書嘅印刷機。

第三部分係蘇聯紅軍入亞美尼亞後。Yerevan第一次成為首都係1918年後嘅事。係1924年，亞美尼亞裔俄羅斯學者 Alexander Tamanian整左Yerevan嘅總體計畫，即係刻係博物館門口個地圖。呢個係現代Yerevan嘅鄒形，之後都係大致跟住個規劃起。

呢個部分首先展示左1924年總體規劃地圖，仲有市徽，市歌同市長就職宣誓詞。之後都係展示啲當時嘅用品，例如第一代馬拉電車模型，大型城市機械鐘，一啲舊札相，圖片，報紙，紙幣，交通同供水系統文件，樂器同埋參與過嘅奧運獎牌。走之前有啲油畫，其中一幅畫左Mt Ararat。

地下仲有啲瓷器，茶壺同傳統亞美尼亞手工地毯。

地下展廳


呢張地毯係慶祝Yerevan 2800週年

呢個博物館大致介紹左Yerevan歷史，行大約兩三個鐘，係炎熱天氣下避暑幾好。

Day 2 (6/7) 建城2800年紀念公園

係City Museum隔離就係Yerevan 建城2800年紀念公園，個公園係慶祝Yerevan 建城2800年。

Yerevan 2800週年紀念公園

夏天酷熱天氣，熱到我手機都提示機溫過高影響效能。 好多細路同家長係公園到嬉水。



水花四濺

入面有好多噴泉，啲噴水泉會噴水，仲要噴到勁高。





噴泉

隔離都有個公園，入面有個水池玩水。


小型水池



公園入面


HSBC


熱到隻狗就咁瞓係到

太熱行入去Republic Square 隔離嘅holiday inn休息一陣，係附近聽到兩個叔叔講香港話。


Holiday Inn，原來IELTS係到借場考


外牆畫左Mt Ararat

Day 2 (6/7) Khinkali試食大會

太熱係附近買左杯Ice Chocolate，一杯1400 AMD。


杯野飲仲貴過Kebab，有咩事我移民亞美尼亞係Yerevan市中心賣野飲。

跟住就行去步行街買返個gip。

Busking




黃昏的步行街


新行李箱


圖書雕像

之後就返去酒店放低野同埋上連登打live，就出去食夜晚。本來諗住去Tripadvisor第一嘅Lavash，不過實在太受歡迎無位，所以就去第二間。


呢條街好多食肆


Trip Advisor第一嘅Lavash

我去左間叫20 years of Khinkali，睇下呢間咩料。

20 years of Khinkali

本來我想叫酥皮湯，不過佢無酥皮湯。於是我叫左個紅菜頭凍湯同唔同味Khinkali。野飲係喬治亞lemonade，凍湯係用乳酪同紅菜頭開，有茴香同蛋。

呢隻凍湯係立陶宛國菜，有人話係波蘭菜立陶宛人好大反應

評分: 7/10

叫左5隻唔同味Khinkali，好難得可以逐隻叫。菇味係最好食，佢係打碎啲菇，啲菇味好香好突出。跟住就係原味 (豬肉)，跟住就係牛同羊味，無豬肉咁夾。芝士味似水牛芝士，同蒸Khinkali 味道同口感唔夾。

Khinkali

評分: 7/10


晚餐相


加埋6300 AMD都唔平。

食完之後本來想去教堂祈禱之後一切順利，不過大教堂個閘關左，跟住就返酒店休息了，想打文全酒店停電維修一小時 ，不過見到出面都無燈應該係成個街區無電。


夜晚街景。

Day 2 (6/7) 完

Day 3 (7/7) 潑水節前哨戰

今日係Vardavar，就係慶祝豐收，潑水係亞美尼亞基督教儀式感謝水神。 之前已經睇過話場面係類似全國打S2O水戰，已經有心理準備非常刺激。

水戰女女示意圖，牙影就係世一

朝早8點幾起身，先輕裝落街睇下發生咩事，帶個水樽傍身。朝早街頭人煙比較稀少，可以正常咁行。

無人嘅街頭


國家英雄


拎gear打水戰


嚟杯熱朱古力先，chocolate is life。

係步行街見到好多個位啲人賣水槍水桶，我知道一場大混戰即將上演。有啲人向我sell水槍，我話一陣間先買，先觀察多陣。


隨街賣嘅軍火。



暫時平靜嘅步行街。


阿伯彈風琴。

Day 3 (7/7) 首輪交火

係Republic Square附近餐廳見到個細路坐係露天位搵水槍射人，行前啲見到有人被first blood。

前往戰場。


拎住水槍嘅細路。




First Blood

當我掛住食花生個陣突然旁邊有條友衝出嚟偷襲 ，結果我對襪濕左。
https://imgur.com/75ZJcSg
被突襲

係Republic Square啲水池有啲人小規模交火。


開始有幾丁友互射

去到呢一刻對襪同鞋濕左，我就發現著錯鞋，所以先返酒店整乾佢。呢個時候我見到有三個拎住水槍嘅大隻佬係我返去嘅必經之路徘徊.....

啱啱出新手村就比大boss追殺



想潛行偷偷地行過梗係失敗，結果咪比人追殺。


啲人係噴泉裝水彈


街道都係比較平靜

餃子
紅菜頭凍湯真係立陶宛嘢 波蘭啲紅菜頭湯係清湯 (至多加啲小餃子係湯度) 同埋係熱嘅
正如絲襪奶茶畀人話係深圳嘢 香港人都強烈更正啦

估唔到亞美尼亞都有得飲

我記得係BBC嘅文

Day 3 (7/7) 緊急換裝

返到去酒店之後我即刻整乾對襪同鞋，因為我夜晚要坐飛機。係咁用吹到個風筒過熱，幾經辛苦去到接近中午啲襪同鞋乾左一半。於是我換對酒店拖鞋，拎裝備同check out，淨低嘅野擺係酒店。

雨褸同毛巾

呢個時候我先去食飯，又係去Tavern Yerevan，今次叫啲高熱量食物補充足夠體力。白色野飲叫Homemade Tan，係鹹鹹地嘅酸奶。

今日午餐

叫左個湯叫Chanakh，呢個湯係用羊肉同番茄，洋蔥西芹煲，幾足料同幾夠味。

呢個湯係好重羊味，不過偏膩

評分: 8/10

個船型包叫Adjarian Kachapuri，其中一樣高加索最出名食物。

又芝士又蛋又牛油非常之膩

評分: 7/10

食完之後就入廁所上gear準備睇人打交。我著住雨褸，開遮正面擋做盾，相機搵遮擋同毛巾包住。


全防裝備出動

出到街見到好多人拎住水桶同水槍行嚟行去。


feel到有啲氣氛

呢個時候有兩個女人拎住水槍射兩野之後行過嚟。


最後佢兩個同一臉驚恐嘅我影相

我用遮盾姿勢一路向市中心行。




戰地記者模式影相有戰地手震嘅感覺

Day 3 (7/7) 戰地記者上線

行到Swan Lake上面，見到好多人係到互相淋水，場面非常混亂。 我企係路面居高臨下影相。



https://imgur.com/xk9gY5D
全員暴走中




https://imgur.com/bDx1g4l
記者都唔放過

係呢個咁狂野，戰地記者都唔放過嘅場面，我企係旁邊食花生嘅亞美尼亞警察後面躲避攻勢，搵機會影相。啲亞美尼亞警察讚我遮盾係前面擋呢招幾聰明。呢招係香港用熟左。

有女拎住水桶行過


躲係警察後面做人盾


走之前正面影亞美尼亞警察

我覺得差唔多嘅時候，我行落去想近距離影，結果就比人淋，我即刻搵遮保護部相機，好在呢次無事，不過個人濕晒。我見有堆人係到休息擺野，就行過去抹身。結果我抹身就比n條友係唔同角度偷襲，結果部相機直接中左啲水陣亡左。 個班人之後叫我用相機影佢地，先知佢地闖下大禍。




Swan Lake混戰


事發位置，有個當地阿婆話呢到啲人係玩到咁癲。

Day 3 (7/7) 戰地記者下線

我即刻行出去，擺陣暴曬部相機，希望可以曬乾。

宜家係地獄級陽光唯一有用嘅時候

條街啲人見到都停火，不過有啲車經過都會射兩野。



下午街景

有兩個外國人行過教我用米可以快速抽乾入面水分。之後我去左間超市買米，將啲米入滿個相機袋再塞部相機入去。

好在超市有米


戰地脫水箱

中間試過有一下相機用到，不過之後又唔得。係到曬多陣之後我決定返酒店放低部相機。

有兩架供水車去緊參與戰鬥


周圍都有人拎住水槍水桶

行返去酒店個陣個頭比人淋水，啲人進化到係住宅陽台倒水。係呢到好似去左1943年史大林格勒打巷戰咁。

從天而降嘅攻擊

放低部相機之後我行返出市中心，去到頭先個陽台我下意識擔遮擋上面，之後聽到把遮有啲水聲。果然同一條友又想淋我多次。 跟住見到小型街頭水戰。



https://imgur.com/8kAmlQx
活躍的細路

Day 3 (7/7) 重回戰場

我行到頭先間超市，就毫不猶疑買支水槍，親自落場做狂戰士。

購入軍火


出面啲人入緊水彈

買左支水槍就搵啲細路開齋。

https://imgur.com/iLJQrTF
呢班細路見到裝備精良，拎住遮同槍嘅我嚇到跑走


又有樓上攻擊




街頭一片混亂

行過一個水盤見到有人係到裝水彈，啲人越玩越癲，係對面見到有啲細路開始搵水桶淋警察。

啲人用水桶倒左成桶水落架車到，結果司機同佢地嘈交



直接用水喉入水彈


https://imgur.com/6KmtPTO
開住水喉噴車


追住車去淋水

Day 3 (7/7) Swan Lake 大戰

我返到Swan Lake，即係相機出事個位。今次我拎住槍見人就射。

https://imgur.com/K6mDdMl
結果比人淋水桶淋到眼鏡都跌埋





https://imgur.com/WhR7u8a
https://imgur.com/nl2rinS
啲女比人當頭淋水






https://imgur.com/HuliH3O
https://imgur.com/BOMB5ry
街頭激烈駁火

Day 3 (7/7) 激戰步行街 (1)

去到步行街，見到啲人接樓上噴落嚟嘅水。



咁樣應該係沖涼多過攞水

嚟到步行街即刻比人水槍迎接，啲人好拚命咁裝水補充彈藥，條街地下成攤水好難想像呢到戰鬥有幾激烈。

連遮盾都反轉左拎


呢到平時係水池嚟，啲人企入去拎水。



行行企企嘅路人


係混亂中合照。

我係到當打CoD咁周圍搵目標隨意射擊。 當然我都中過水桶，當我檢查部電話個陣有個伊朗人話我個電話比個膠電話殼包住，根本唔會有事。




https://imgur.com/cS5AfMe
CoD真人上線


怒射中國人





啲人比我打到叫停火，利申佢出聲我就唔射

Day 3 (7/7) 激戰步行街 (2)

場面非常混亂，周圍都水桶水槍亂飛。





https://imgur.com/dM1Zvaw
https://imgur.com/EANJ6Ih
啲人互相射擊淋水



搏命裝水的人



啲人就算想企定定影相都會比人射




https://imgur.com/8Vz1HSv
有兩個女仔比人迫入死角，見到我套重裝備仲驚過見到水桶


賣水桶的小販

Day 3 (7/7) 激戰步行街 (3)

遮盾同黃色雨褸太引人注目，結果成日開槍之後成為眾人圍攻目標。




https://imgur.com/ax9QQ29
場面一片凌亂



個女仔聽到有人追近就好驚嚇咁跑


發現係裝假狗嚇佢


見到有人準備樓上伏擊





https://imgur.com/xYBmKCr
戰地中槍視角

Day 3 (7/7) 瘋狂Republic Square (1)

行過對面馬路就係戰爭強度boss級嘅Republic Square。

對面就係全日玩得最瘋狂嘅Republic Square


一野兜頭淋

見到咁混亂我都係企係外圍算。




https://imgur.com/qhdoIms
外圍觀察師


當然都有人賣水炮水桶





https://imgur.com/SGUlt8w
比人淋嘅女

漏左篇

Day 3 (7/7) 前往 Republic Square

越近Republic Square戰況越激烈，呢條街都係成地水。


https://imgur.com/K99WShM
https://imgur.com/kDRWACk
一離開步行街即刻見到激烈交火




呢到好多準備去打同打完水戰嘅人

見到有班人係到播音響跳舞。

https://imgur.com/bvYtZuX
https://imgur.com/58ydz7x
黑玻璃亞美尼亞版


等過馬路的女

Day 3 (7/7) 消防車大戰 (1)

除左用水槍水桶打水戰之外，仲有消防車同水車向群眾噴水。

https://imgur.com/Dti4saK
消防車

見到啲人嘗試射車上面嘅消防員。


https://imgur.com/azL2kmb
嘗試偷襲不過食左水炮




食水炮嘅女


見到有個阿叔搵風褸包住相機影相







https://imgur.com/EFprVvR
https://imgur.com/syg5q7J
有啲勇者去到車底食兩支水炮

Day 3 (7/7) 消防車大戰 (2)

供水車先行撤退，消防車繼續射水娛樂大眾。



走先走先







https://imgur.com/1hlBfut
消防車水炮火力強大，啲人唔敢接近




https://imgur.com/UVmciBu
多人嘗試靠近，群攻消防車

消防車射晒啲水都撤退了。



https://imgur.com/RGea2iQ
https://imgur.com/uSqapr4
射出彩虹