【我好驚呀～～～～】
保安局長鄧炳強接受《星島》專訪，點名批評《教育刺針》創辦人楊穎宇、時事評論員蕭若元、學者鍾劍華「軟對抗」。近年已移居台灣的蕭若元下午在他創立的謎米 youtube 中回應被點名，笑稱「我好驚呀」。
蕭若元指上月他有 120 篇文章，當中僅 12 篇和香港有關，「近年我已經好少講香港」，其中大部分都是有關於李嘉誠和關注香港赤字問題，「鬧嘅多數係鬧陳茂波」。他笑稱被鄧炳強點名後「我好驚呀」，「阿鄧炳強先生你原諒我好唔好呀，阿鄧炳強高大威猛靚仔，喂人見人愛，車見車載，靚女見到打開蓋」，又稱自己有心臟病，「我死咗變咗隻鬼呀3鄧炳強」，反問「你要我點先得呀？」
「我日日讚特區政府好、特區政府叻、特區政府好勁，無赤字、年年盈餘、經濟增長好好，咁得未呀？」
片段來源：謎米
#ReNews
