杜琪峯批評現時香港新導演：不是照搬生活就是電影

「電影是生活，但不是將生活搬入去就是電影」

有觀眾問到杜Sir曾表示不太欣賞年輕導演拍社會題材電影，杜Sir重申不是不好，只是見到市場偏重了一方面，失去應有的多元化。「要鼓勵不同的創意，如果偏重社會題材，多一、兩部市場就會悶，但你只可視這為踏腳石。好像港台時代的《獅子山下》，內容是好有質量的，但不是需要買飛入場看的東西，電影是要有夢在其中，要夢幻，當中包括浪漫，無論是愛情還是英雄感，或者是奇幻，甚至畫面精彩絕倫的武俠電影。」

他又以自己經歷的80、90年代狀況，指出當年同樣偏重喜劇、動作片，但紛紛靠每位導演打破市場規限製造多部經典。「我都要拍一部無謂喜劇，之後才可以自己決定拍一部戲，就拍了部《阿郎的故事》，一部慘情戲。當時已有人批︰『死硬，你賺到錢斬個頭畀你坐！』當時年輕由得人點講。之後徐克又跟吳宇森拍部《英雄本色》，同樣被問不是喜劇怎會大賣？又有個林嶺東拍部《監獄風雲》，監躉戲邊有人睇呀？最抵死的，有部純愛情故事叫《秋天的童話》，幾部戲差不多時期發生，顛覆了當年的製片家和投資者，令大家有更多路走。」

所以重點不是拍現實題材有問題，問題是怎樣將電影的魔法提升。「電影是生活，但不是將生活搬入去就是電影。要記住，不是事實就一定對！冇人叫你拍事實，拍紀錄片嗎？你要創造一個東西，好像《大白鯊》，大白鯊未出現聽到音樂已經驚。電影是要離開現實，但又好似現實，拍到令觀眾相信。」

原文網址: 三命｜杜琪峯獲邀到日本拍戲　推動泛亞洲合作︰將來不是英語獨霸 | 香港01 https://www.hk01.com/article/60224645?utm_source=01articlecopy&utm_medium=referral

天水圍的日與夜

佢講得冇錯...淋起<飯氣攻心2 >

需自我審查會有咩創意

要鼓勵不同的創意,如果偏重社會題材,多一、兩部市場就會悶.........電影是要有夢在其中,要夢幻,當中包括浪漫,無論是愛情 還是英雄感,或者是奇幻,甚至畫面精彩 絕倫的武俠電影。

咁叻你又唔繼續拍片？
點解王晶繼續密密有人投資
但你無呀
講嘢

劣幣驅逐良幣

你估佢唔想拍…

其實佢又無錯 但近年多迴響既都係真人真事改編多

而加啲撚樣求撚其拍條youtube片都話自己係拍緊電影架仆街

其實係
而家來來去去都係同一類題材
然後個故事又冇咩張力
幾個場口幾個枝節堆埋一齊就係戲

咁都要有人入場
而家香港人乜都立場行先

問題係 你想拍都唔一定比你拍到

過到電檢再講

敢唔敢拍維權大狀？

敢唔敢對社會不公義既事？

警察係反派既戲？

以前聽佢講大道理都有啲趣味
但近年佢戲又唔拍日日鬧呢個串果個都唔知有咩意思

佢仲有戲拍左冇得上

咩戲?

有啲係大陸既合拍片

飯氣攻心根本就垃圾片黎，唔明點解叫吹奏

池袋甲銘呢

呢件on9
自己比人封殺，仲咁多廢話
無得再玩電影
就走去玩電視劇

有人投資就一定係好?
你都幾撚ON9下

睇完1 仲會入場果吓勁

有錢袋屎忽都肯賣

寸緊而家啲鏗鏘集電影？