第一次用安全剃鬚刀(2)

買*開 pomade

無既，就睇下間鋪點處理
我同一張單既其他兩罐都無事，我其實覺得屎忽撞棍我以罐有問題多

但就算溶咗再結返都唔會去到水架？

嬲鳩左
話件貨真係有問題成日都唔撚覆我


無下次

我見間店都係賣D大路野，下次去其他店試吓唔同產地&牌子仲好

日日都剃到爆晒江點搞，隔日剃又生到好污糟咁

唔好每日剃 懷疑係角質層問題
星期日留兩日冇搞過啲鬚 好輕鬆就bbs 上鬚後一啲刺激都冇
平日每日剃就慢慢剃好輕手都會傷/爆缸

試吓換把feather ss，或者平平地上淘寶買把仿製AC刀架都得，然後配feather soft guard 刀片或 Kai Captain Titan Protouch MG刀片，呢兩種刀片鳩剃都唔會傷，未必可能BBS，但DFS冇難度，適合每日剃。

仿刀架+一盒feather soft guard 刀片或 Kai Captain Titan Protouch MG刀片都係一舊水左右，試錯成本好低，岩就再買把feather ss

講多少少用咩刀咩刀片, 邊啲位爆同點樣爆法先諗到點搞呀

用緊邊隻剃鬚刀？

用依隻剃刀，刀片用astra,通常係上唇，同嘴角兩邊,下巴有時都會。
我中意剃到好乾淨，摸唔到鬚根咁

其實，隔一兩日再剃係無咁易見紅，同皮膚好d 但我生得好快，仆街有次朝早剃完下就d 人就問我做咩唔剃鬚

所以我依家想買野都係睇皂同鬚後水多
刀買完都唔可以日日用

依家我每日都會手動打泡用電動鬚刨剃 再上鬚後

closed comb+astra都容易見紅, 應該係手法有問題, 試下調整返啲角度, 尤其逆剃時, 用頂蓋掂咗皮膚先再轉角度 (你可以search下riding the cap), 個切入角度會平啲, 相對會smooth啲, 同埋唔知你有冇做, 係剃時用手拉直或者做啲怪表情令皮膚平整, 依把刀相對上啱初學(亦都代表冇咁有效率) 但都要忍住唔好壓刀

首先日剃係好易傷皮膚
建議技術提升到最最少刀數已做到心目中效果
咁先試剃

另外我之前都太追求BBS
搞到皮膚敏感出razor bumps
而家只求望上去乾淨
BBS 其實唔太大意義
因為大半日啲鬚根都出返來
而家偶一為之

反而養好皮膚
唔駛BBS
手摸到有鬚但視覺上都可以乾淨

Btw
EJ 呢枝
刀頭雖然溫和
因為手柄輕
反而好易會令你唔覺意剃太大刀
試下再輕水啲睇吓有冇幫助

呢把我個人覺得唔會話剃到好乾淨
追求bbs 只會增加爆肛風險

btw 話說早排去日本8日

只係用酒店提供嘅噴罐

刀就平時用開嘅old type 同綠a

日日都剃竟然皮膚完全無事頂得順

但之前係香港日日剃就一定出事
唔知咩原因

如果要乾淨，貼服無吉手就唔好用安全剃刀？

即係啲噴罐保護性強過自己打啲泡？

安全剃刀都可以剃到好乾淨，只係唔同剃刀刀片組合會有唔同溫和度嘅分別

溫和啲嘅通常都難啲剃到好乾淨，你愈想剃乾淨就會唔覺意比多咗力令塊刀片插入去更易傷

唔係真事掛

唔係，而係要技術配合

或者咁講：
有技術地使用安全剃刀 vs 有技術地用盒刀
>> 一樣咁乾淨﹐ 一樣可以BBS，但安全剃刀對皮膚傷害較少

唔夠技術地使用安全剃刀 vs 唔夠技術地用用盒刀
>> 安全剃刀 - 攞唔到個合適力度、角度、刀向等，一係唔夠乾淨，一係為求乾淨太大刀、太大角度、刮太多刀，於是易整傷
>> 盒刀 - 未必可以最乾淨，但因為刀片和皮膚之間角度永遠固定，如果唔係太跨張，就算亂用刀亂咁剃，受傷機會會低過前者，亦較前者容易做到心目中效果

而家最大路嘅盒刀，基本上都係好固定在一個最有效率又最安全嘅角度
所以點解唔理咩牌子咩型號，大部份都咁易用
是但買把最大路都無死

安全剃刀就有好多唔同類別
例如我同你一樣都係用 EJ 呢把溫和刀
我一樣可以做到無傷 BBS
我另外都有用 lupo 95 呢把激進刀
效率一流，lupo 95 剃一刀可能等如 EJ 89 剃幾刀
刀數大大減少，理論上無咁傷皮膚，但又佢又刺激啲，刀片更貼皮膚，技巧唔夠又會易啲刮傷
咁到底邊把好啲呢？邊一把叫做無咁傷又剃得乾淨啲呢？
對唔同人、對同一個人唔同情況下都有唔同答案
無盒刀咁簡單易搞
但呢個亦係正正係入坑嘅樂趣所在

所以係睇你追求乜嘢
工具呢啲嘢無分對錯

我建議新手期，可以安全剃刀 + 盒刀共用，先用安全剃刀，剃唔到理想效果就唔好勉強，然後用盒刀補刀，慢慢提升技術，減少使用盒刀刀數

但最後即使因應自己情況而係繼續只用盒刀，都無問題嘅，唔好有心理負擔
都係嗰句，工具呢啲嘢無分對錯

你間酒店咁高級有噴罐

我只會用酒店啲即棄刀同埋佢啲牙膏裝刷鬚乳
除非工幹要見人，否則去玩幾日就唔咁講究
而且其實即棄刀效果都唔錯

咩叫盒刀？ 平時吉列d 剃刀？

對
cartridge razor