[四月新番] 完美到難以接近的聖女遭到解除婚約後被賣到鄰國

需然知未完，但好有完結feel

諗住會好似上套石川聖女咁全程放閃
呢套居然一路主線 最後一集先派狗糧

女主角好可愛

印象中石川由依多數配臉癱
見聖女最後識笑有啲意外

Lm

聖女魔力無所不能嘅石川幾好啊

另外下面依套可以聽到由依活潑可愛嘅聲線

漫畫係未就完

一次過追晒12集

以少女漫畫黎睇，個結局完得幾好
同時亦都明白台灣班哥布林做乜會屌，因為佢地真係哥布林黎

佢哋屌咩？

我覺得個描寫幾好

因為阿妹個內心就真係矛盾
個情況就好似朝早好想瞓多陣，但係又逼自己換衫返工咁

佢真係好想掉低晒啲野一走了之，同家姐開開心心咁生活；
但同時亦都悔恨曾經對家姐狀況矇然不知，想要用戰死沙場懲罰自己。

現實其實好難係諗通左就完全掉低晒另一種想法，每邊選擇都係差一步就會去做，
而阿妹當下選擇戰鬥到最後一刻 (可能佢心中都有希望家姐黎救佢)
嗰刻我認為妹妹真真正正成為一個聖女

見台仔屌二王子腦殘

佢個角色就係做出黎俾人討厭架啦，平面啲，做個純粹既壞蛋咪幾好
唔駛洗白，唔駛演佢內心點掙扎
讓觀眾個個等佢仆街咪幾好 (雖然少女漫畫仆極街都唔會點，例如呢套就完全無人死)

唔通演聖女太強，好詳細咁講聖女既貢獻令某啲人失業，人生變身一邋糊塗，繼而蝴蝶效應令有啲批人因為聖女太強而受害，二王子其麼為國為民，要平衡番天才同一般人既衝突，二王子對聖女既逼害其實係兩種唔同觀點既正義觀對撞……

作品調性唔係咁

寫到二王子低低能能又賤格，個個等佢仆街咪啱囉

呢套都有睇 飲完酒醉醉地把聲

屌劇情8點檔
屌最後帶人去決戰場做乜帶戰力唔高既男主
屌戰鬥唔夠燃

動畫做到原作邊到？

呢套咁既野做成咁仲唔夠
啲人當佢係芙莉蓮咁大IP大把錢咩
呢個檔次既輕/漫改
呢套待遇都算數一數二好
唯一不滿係格硬做到呢個位⋯
搞到最後場boss好兒戲咁2集完左
如果係拖慢少少救完原國再等第二季會更完美

我當佢少女漫畫咁睇（其實真係少女漫畫？）

以少女漫黎講，套野打boss比我想象中精彩添
我原本預會係：
大佬出場 > 大家講下野交代下魔王點解會做魔王 > 大佬出招 > 聖女主角群們既盾擋唔住打趴晒 > 講幾句野 > 男主表白，令女主爆氣 > 女主大招 > 打完 > BBQ從此幸褔快樂生活

10分鐘搞掂場boss戰……我預佢咁先係少女漫畫打boss既節奏
或者都係好似《惡役千金lv99，我是隱藏boss不是魔王》（呢套整體都好睇）咁上下程度既boss戰。

結果呢套有跨2集、有少少反轉、主角有利用自己識療傷既能力+分析魔放身體整爆左魔王二王子隻手、有交代魔王變魔王都係因為扭曲既愛、女主有堅信男主會解圍而男主真係有、有前同前世靈魂溝通、滴血召劍嗰下ok燃、贏魔王嗰下係用劍斬唔係啲「holy乜乜」發光波招射到隻boss變星星……成個boss戰已經超晒我預佢只係少女漫畫既預期

整體節奏
我覺得除左二王子政變失敗當眾出醜嗰場拖太長，皇帝開樣之後竟然要下一集，呢件事拖斷左個情緒之外，整體都ok

我唔知漫畫後面仲有，起碼我齋睇動畫，12集故事做晒起承轉合，有佈伏線，有喺12內開晒啲伏線，
女主由開頭木面，到最後笑得咁靚，再配埋首《愛とか》完場
淨計動畫我覺得交代左一個完整既故事，好睇

我覺得會好過斬兩季……而其實呢啲動畫多數唔會有第二季，一斬就俾我覺得個故事未完好似唔夠喉咁。

呢套唔算傳統少女漫啦
聖女戰鬥元素都唔少
而且原著魔神戰長好多
咁樣瘦身上晒有啲浪費

頭10集完左小說第一部, 之後原創劇情2集完左小說第2部（即係復活+打大惡魔部份）

應該都係唔打算有第2季，急急腳收埋尾就算

而家一套番有平穩完結就已經好好

其實俾我係二王子，唔鍾意家姐咪由佢做工具人，再屌啊妹咪得，正常人都唔會整走己方嘅最高戰力不突止仲要益隔離

點解你覺得二王子係正常人？

如果憎一個人嘅話，就算佢乜都唔做，齋坐喺度都覺得篤眼篤鼻，咁不如送走佢眼不見為乾淨

12集完完整整 最後又有happy ending真係幾好
最後班仆街又冇夾硬洗白