一出世頭幾年係大陸過
四歲左右落咗嚟香港
一落到嚟就成家人攞綜緩
喺輪到公屋之前一路都係住劏房
最記得落嚟香港住嘅第一間劏房喺油麻地 同層嘅鄰居係啲一樓一
第二間住嘅劏房喺深水埗 住住下有個傻佬搬咗過嚟 晚晚用錘仔揼牆嘈到仆街
屋企氣氛好惡劣
由細到大都冇點樣煮過飯
老母同老竇亦都好爛賭
一個就打麻雀 一個就賭波賭馬
我老母仲因為咁去借財仔 比人上門拍門收數
老母同老豆關係一直都好差
成日嘈交打交 仲經常因為咁樣而報警
搞到街知巷聞 周圍啲鄰居都知道晒 由細到大都好冇面
有一次我老豆揸住支碎咗嘅燈管隊住我老母問係咪要殺咗佢先安樂
後尾老母同老豆離咗婚
間屋得返我同老豆 亦都係因為咁我哋嘅關係越嚟越差
我老豆平時正正常常 一發起脾氣嚟就黐哂線
會衝入廚房攞把菜刀出嚟嚇我
屋企一蚊雞積蓄都冇
嗰陣時jupas派位要交$5000留位費
我老豆都攞唔到出嚟
grant loan又未批
好彩自己考完DSE嗰陣之後有返part time先交到
依家一路讀u一路打兩份part time賺生活費
屋企連水電費都要我交
中學嗰陣試過月尾冇錢開飯 要問同學借錢
我好憎自己老豆
喺我一到18歲嗰陣就靜雞雞瞞住我
用我個名開兩張信用卡用 比我捉到仲毫無悔意
同我講我係你老豆 點解唔用得
一開頭返part time嗰陣仲好意思問我點解唔比家用
有陣時見到佢乜柒都洗做 每個淨係靠政府比嗰幾千蚊過活 我就要一路讀書一路返工 心入面真係好唔平衡
同埋好唔尊重我私隱
成日用幫我執房做理由
入我房摷我啲嘢 睇我啲信仲以為我唔知
而家淨係想快啲畢業搬出去住
