【長篇】日本電視台奧姆真理教新聞特輯「第25年的真實」

佢講到好撚尷尬
無啦啦指自己粒痣

留名

Lm

呢個係信眾嘅修行房 只有剛好一張榻榻米咁大

雖然好細 但入面都放咗一堆麻原嘅著作

因為獨特嘅出家制度 所以教團好快就被人認為係邪教
（原片中上圖呢位信眾係喺度彈彈下）


1989年 奧姆真理教將一名批評佢哋嘅律師坂本堤一家三口殺害
一家三口嘅遺體被分別棄於山頭
連一歲嘅兒子都殺害呢種殘忍令社會震撼

1994年 喺長野縣松本市洩漏/散佈過沙林毒氣
事件造成死者8人 傷者140人

然後就係1995年 喺東京地下鐵散佈沙林毒氣嘅恐襲

到底點解奧姆真理教不斷犯行惡行？
係由邊一步起踏上犯罪呢條路

清田記者採訪咗眾多前教團相關人士
以唔公開名為條件 向清田透露咗好多只有內部人士先知嘅事情

步上犯罪化嘅原點到底係咩？

以下本台用根據由相關人士提供嘅證言 以重現劇嘅形式呈現奧姆真理教嘅犯罪歷程


1988年9月 距離沙林毒氣事件6年半前 喺教團嘅富士山總本新道場發生咗一件事

一名叫做水谷（假名）嘅信眾喺修行途中忽然發羊吊

出現類似癲癇嘅症狀

幹部之一嘅村井秀夫將呢件事報告畀麻原知

村井出身於大阪大學 喺大學院攻讀物理 係教團科學部嘅頭號人物
幾乎參與晒所有教團嘅殺人事件
喺1995年被刺殺嘅就係佢

「咁呀 搵啲水淋下佢等佢清醒返啦」

之是者 麻原就指示村井、新實、岡崎、早川等人處理發羊吊嘅水谷

水谷被帶到浴場 用花灑淋佢打算令佢回復平靜

但係水谷冇好轉 依然不停暴走 幾個人就夾手夾腳將水谷個頭質入浴缸浸佢
可想而知發羊吊嘅人呼吸本身都亂 再咁質法 好快水谷就斷咗氣
麻原喺嚟睇佢哋搞成點嗰陣見到佢哋正幫緊斷咗氣嘅水谷急救
後來水谷當然救唔返

「水谷呢單嘢傳咗出去嘅話 奧姆真理教就會玩完 你哋明唔明白呢個道理 咁難得而家教團如日中天 傳咗出去教團嘅救贖計劃就會有重大延誤」

「必須要盡早遷識（Phowa）水谷」

遷識（Phowa）原本係藏傳佛教用語 奧姆真理教挪用解釋為「用麻原嘅靈力將靈魂轉生至更高維度世界」
後來亦等同奧姆真理教用嚟隱喻「滅口」

之後佢哋將水谷裝入一個大油罐 然後搭個火將佢燒成灰
麻原本人亦都有在場參與

「呢個係濕婆神嘅旨意 叫我哋盡快進入金剛乘（Vajrayana）」

金剛乘（Vajrayana） 原本都係藏傳佛教用語 奧姆真理教挪用解釋為「殺人係必要手段」
就係由呢位信眾嘅死亡起 奧姆真理教愈來愈不對路

1989年2月 距離沙林毒氣事件6年1個月

因為水谷嘅死亡事件 有一位信眾想脫離教團 而佢就係其中一位有份喺浴場度幫手淋水嘅
佢遭到教團禁錮

「田口（嗰個信眾）睇嚟真係想離開我哋教團 田口佢知道水谷件事 如果佢周圍同人講嘅話 救贖計劃就會延遲 你哋同我再去睇下佢 佢唔肯回頭是岸嘅話 唯有遷識（Phowa）佢」

結果就係田口遭到絞殺佢嘅遺體同水谷一樣放入油罐度燒成灰


清田記者訪問咗一位資深傳媒人江川紹子女士

前任職於神奈川日報嘅江川女士係少數由80年代起 即係由沙林毒氣事件前已經追訪奧姆真理教嘅傳媒人之一

佢本人亦因為追訪奧姆真理教 甚至喺電視節目度同教團針鋒相對而被信眾襲擊並受傷過

「請問江川女士追訪奧姆真理教嘅契機係？」

「有一日我收到一個女士嘅電話 佢話佢個女去咗信奧姆真理教 然後就音訊全無 佢唔識可以幫到佢嘅律師 而我有啲律師朋友 所以我就幫佢引見一位律師」

江川女士介紹嘅律師樓就係橫濱法律事務所 專門為問題少年同身障害提供支援嘅人權律師坂本堤

坂本律師「我哋會逐步擴大律師團隊 建立一個更好嘅法律支持體制」

坂本律師聯同幾個同行 成立咗一個對抗奧姆真理教嘅「奧姆真理教被害對策辯護團」

呢份係坂本律師留低嘅調查報告

入面記載咗好多奧姆真理教嘅問題 入面寫咗一樣嘢叫「血的啟蒙（Initiation）」

喺奧姆真理教嘅解釋入面 血的啟蒙就係將超脫者（即係麻原）嘅血液注入身體從而吸收其靈力

呢份係教團賣嘢畀信眾嘅收據
呢樣叫做「奇蹟之塘（Miracle Pond）」嘅嘢即係麻原用過嘅沖涼水
1000cc賣10萬日圓

而「血的啟蒙」更加要價100萬

坂本律師打算將呢啲資料向傳媒公開告發

「坂本佢係對有人肆意踐踏努力生存嘅人嘅幸福感到憤怒」


（待續）

教主又係食勁多正女 仲要童貞

之前睇片睇過,而家有字仲正,有d資料之前睇片都冇,支持

lm

Strong post LM

留名瞓醒睇

一人之上萬人之下？？？？？？

Lm

會唔會呢度就係

似周處除三害原型

宗教喺21世紀除咗洗腦,Cap水仲有乜用

lm

lm

呢個又係似

殊樂BB

留名

留名

究竟幸福の科学係咪邪教

1989年11月3日 距離沙林毒氣事件5年5個月

麻原落命令叫新實、早川等人將坂本律師遷識（Phowa） 即係滅口

原定計劃係想喺坂本律師收工嗰陣伏擊佢
但因為呢日係紅日 所以坂本律師根本冇返律師樓

當晚村井等人揸車去坂本律師屋企 發現大門冇鎖 而家屋入面有人聲

早川將情況報告畀麻原
早川「尊師 律師屋企好似冇鎖門」
「咁呀 唯有一家人齊齊整整喇」

「真係要郁手」

就係咁 坂本律師同佢太太都子女士 重有一歲嘅兒子龍彥遇害

由於坂本律師算有頭有面 咁樣人間蒸發咗 好快坂本律師母親就召開記者會

而且公開咗樣證據就係喺坂本律師屋企發現類似係奧姆真理教嘅徽章

不過麻原等人好快亦都開記者會反駁
「我可以斷言奧姆真理教同呢件事一啲關係都冇」

「即係話一切都係啲律師同佢老母憑空捏造出嚟嘅可能性好大」

出席記者會嘅唔只有麻原 連落手嘅實行犯新實、岡崎等人都大模斯樣咁喺記者會出現


1990年2月 距離沙林毒氣事件5年1個月

麻原同信眾競選眾議院 佢哋組咗個叫「真理黨」嘅政黨
喺獲得咗唔少信眾後 麻原進一步想得到對國家嘅影響力

麻原本來以為自己一定輕易當選 但係選舉結果係慘敗 得票最高係麻原本人 但都係得2點幾% 其他2打6全部得0點幾%

然而喺選舉後教團內 麻原嘅其中一個女隨意咁講咗句「點會輸得咁慘 一定有陰謀」
而阿女呢句「點醒」咗麻原 開始提倡受針對嘅陰謀論

「今次嘅選舉結果 好老實講係慘敗 敗喺啲咩度 係敗喺社會度 唯一嘅可能性就係背後有一場重大嘅陰謀 我哋跟住落嚟 將會與國家、警察、傳媒為敵」

輸到懵咗失意嘅麻原因落選開始對社會同國家敵視


喺位處偏遠嘅山梨縣嘅上九一色村 教團稱為「真理（Satyam）」嘅巨型生活營入面正進行一個大計劃

就係教團武裝化計劃 以顛覆國家為目的秘密製造軍火同開發生化武器

後來教團被取締時起獲一大批軍火 除咗一般槍械 重有導彈、火箭炮、迫擊炮等重型武器

喺另一處嘅「第7真理（7th Satyam）」度 更加有重大發現
就係沙林毒氣嘅原液
呢幾幅就係喺第7真理影嘅相

見到完全係一個化學工場一樣


到底奧姆真理教為咩事要開發沙林毒氣呢

前高級幹部兼發言人上祐咁講「教團嘅計劃係『日本阿瑪革冬計劃（Har magedon）』連同未出家嘅人同一般人全部遷識」

阿瑪革冬係聖經默示錄入面講嘅末日之戰最後一場大戰

「各位教友 大家一定會無可避免地捲入阿瑪革冬 我哋一齊喺阿瑪革冬來臨前 傾盡全力咁作為救贖者咁生存」



1993年夏天 距離沙林毒氣事件1年半

麻原叫上祐去搵一個叫土谷嘅信眾

呢個土谷出身於筑波大學 喺大學院研究有機物理化學
麻原將沙林嘅開發任務交畀佢

而佢都不負所望 喺1993年夏天成功製造出沙林原液

根據上祐講 麻原喺知道沙林開發成功後召開高層會議 討論大量生產沙林毒液

計劃生產70噸 係足夠全球70億人口致死量

教團亦都從俄羅斯購入咗一架軍用直升機用嚟喺空中散佈沙林毒氣

麻原真係打算破壞整個世界 如果你覺得咁似20世紀少年嘅劇情 唔使懷疑 因為20世紀少年係照住奧姆真理教嚟寫咁滯


清田記者亦有採訪一位前幹部——野田成人

呢個野田一樣係麻原身近嘅人嚟

「呢部係毒氣檢測器 可以檢測到史上最強毒氣沙林毒氣嘅」

麻原仿照日本政府架構 喺教團內成立咗唔同嘅「政府部門」 打算建立真理國

野田就同之前介紹嗰個村井一齊掌管科學部門

野田喺2007-2009年甚至有擔任過奧姆真理教解體後嘅後繼團體代表

不過後來佢因為高調呼籲盡早將麻原行刑而被後繼團體「阿雷夫（Aleph）」除名

「請問麻原向你落過啲咩武裝化嘅指示？」

「講過製造炭疽菌 打算彭預定93年6月喺東京成婚嘅皇太子婚禮度散佈」 當年嘅皇太子就係現任天皇德仁

炭疽菌係毒性極猛嘅細菌 感染肺部後致死率達90%

野田指科學部有一隊人喺東京龜戶嘅一處研究炭疽菌
上圖見到屋頂係咁噴

而因為不停做化學實驗 引發咗異臭問題

龜戶嘅居民群起「奧姆真理教快啲躝」

（待續）