如果Carney 真係當選，移加嘅你會唔會回流？

我移咗4年，stream C full pay 咗間屋，有工，高工時單唔穩定，低年薪（行業問題），轉唔到行。有小朋友，生活比好多人富足，有錢食吓野去旅行。本身都諗住喺呢邊留，唯一一樣野就係好睇唔過眼D woke 同DEI，同埋覺得公校太hea ，但又未夠錢讀私校。不過最近見到個政治形勢真係好擔心，一個害咗成個國家嘅政黨竟然可以咁短時間支持度急升30%，個個都覺得唔選自由黨就會亡國，所以我會覺得有咁嘅民智呢個國家都幾絕望。呢期都有諗呢個國家係咪適合小朋友成長，學校Hea不特止，仲要成日教埋D D E I，教出嚟D細路好多都係pea 吓pea 吓，大個點同其他國家嘅小朋友競爭？

有冇巴絲同我差唔多處境？

唔會回流，但會考慮去其他地方

你送你仔女去其他國家讀書咪得

佢地覺得Carney可以同侵打關稅戰

咩係Pea 吓 pea 吓？ 第一次見

答返你問題，加拿大可以預期係會越嚟越 woke 同 DEI, 同本身個文化真係太夾，接唔接受到真係要睇你自己取態。

至於可唔可以同其他國家嘅小朋友競爭，呢個就好睇個人質地，都有唔少加拿大人可以衝出加拿大去美國工作

我係你會當佢贏先。越多期望，越多失望。
那那林用幾年學門手藝之後再移民去其他地方。

去中國讀書囉，信神又冇，同性戀又冇，性別性向平權概念又冇，膚色平等概念又冇，幾開心

其實同DEI無關，西方國家學校都唔著重方數，佢地係要全人訓練，學技係不同嘅skill(溝通，辯論，創意等等）
西方教育爆發期係喺大學，叻嘅人就係識運用係school學返黎嘅skill係學術上
相信香港學校都係死讀，去到大學都係死讀，出到黎做野先見識到通遍香港人同西方係表達同討論能力上真係差好遠。
加拿大出咗大把叻人，分數高唔代表將來事業會發展得好好，呢啲野最後好睇個人。

DEI都算,
小朋友吸毒問題嚴重
周街食大麻

邊個當選都無分別，個地方一早玩完。早日回流追番個career好過

人生最寶貴個十年無左大部分

返香港學下沖奶茶或者焗蛋撻好過

小朋友喺加拿大長大，返香港讀大學，到時可以狂屌港女做人生贏家啦

要競爭就返香港啦
加拿大就係俾你同你個仔pea住過一世，唔好諗發達呀，你同你個仔都唔會有份

可能想講放䠋，䠋下䠋下

所以中國幾好 又冇dei又冇大麻

青少年吸毒定係小朋友吸毒啊？

咁嘅原因回流係咪白癡
大陸啲戰狼價值仲未夠你woke???

太空油: am i joke to you?

原來英國又關佢事

教細路係自己責任，唔好賴晒學校
個細路喺有愛嘅屋企長大，同老豆老母有傾有講，就自自然然識得錫自己，會對自己有要求，行出嚟有自信，咁好多決定佢地就自己識揀架喇

一個新移民係到judge人哋土生土長嘅人點投票真係好搞笑 no offense
你哋就覺得合併美國都無所謂 人哋就反美思想由細根深蒂固 呢種咪價值觀衝突 無咩必要話人哋一定錯你先啱

為左反侵，吃少少苦有咩問題