被變身白雪公主洗版
張敬軒：希望做呢幅圖嘅朋友，落雨出街要帶定支避雷針😌
網民：呢套港版白雪公主我想睇
迪士尼真人版《 #白雪公主》劣評如潮，但有網民竟然覺得女主角Rachel Zegler同 #張敬軒 好似樣，仲用AI二創惡搞，將軒公變身白雪公主。
呢單嘢驚動到軒公，今朝佢上載一張自己被惡搞成白雪公主嘅相，發文：「你哋班人恨到啦， 我諗你成世人都冇諗過， 有朝一日會得到白雪公主會同你講早晨呀🙄😒 恭喜大家成就解鎖！早晨呀你哋」。
軒公向來識玩，佢仲講笑話：「#希望做呢幅圖嘅朋友 ， 返工要注意交通安全， 食飯要慢嚼細嚥， 飲水要細細品嚐， 落雨出街要帶定支避雷針 😌 🥰」。
之後佢留言：「雪姑同各位柒友講早晨😌打開個窗 早晨」；又錄了句「早晨歌」放在留言，仲話係「雪姑柒友2025 Theme Song 春日夢 」。不過，有粉絲就話：「你唔好咁啦，我真係會想掟你落山㗎」。
有網民就將王子同埋母后玩埋一份，母后key做 #王菀之 ，而王子變成軒公另一好友 #關智斌 ，仲話：「呢套港版白雪公主我想睇」。
【Tyson Yoshi被嚇到爆粗】
Tyson Yoshi明顯俾軒公幅驚世白雪公主相嚇親，留言：「佢黐x咗線啊」，軒公就回覆：「你再嘈我叫雪姑cosplay 1994 揸你部車，或者喺續集要你拖住雪姑」。 #TysonYoshi 不甘示弱，回敬：「掟你落街」。
#娛壹
