至於離婚可否因第三者有關？她拒作答，只說：「關於原因嘅所有嘢都唔可以回應，體諒吓，低調、低調。（身邊朋友可知你離婚？）身邊朋友其實都知道，不過都幫我保守秘密 始終家事一向都低調，而我媽媽永遠係媽媽係永遠最愛我亦係我最愛嘅人。」問到和前夫是否再見亦是朋友，她說：「爸爸、媽媽嘅角色係永遠嘅。」
至於回復單身的生活，李蘊表示一切安好，現時要自力更生，所以希望有更多工作機會：「好期待有機會拍戲同唱歌囉，一直Keep住做直播同唱歌，係收入唔穩定，不過都可以養活自己， 所以都要開始諗吓其他方面發展，嚟緊我會同人合作拍片，講吓愛情話題。」
有指她已搬回香港公屋陪媽媽住？她指一直都是香港及廣州兩邊走，笑謂：「我返香港梗係住屋企㗎，冇理由有屋企唔返住酒店㗎嘛，香港有嘢做就返香港囉，（可考慮長長駐香港？） 暫時唔會，香港租金貴貴，不過得閒都會返嚟搵朋友玩。」
