【突發，真真假假】早前澄清公務員文書助理被取代屬「假消息」楊何蓓茵今指：唔係無空間

https://www.inmediahk.net/node/政經/早前澄清公務員文書助理被取代屬「假消息」楊何蓓茵今指：唔係無空間


【獨媒報導】早前有網上討論區傳出公務員文書助理職級即將被全面「淘汰」，由助理文書主任取代，公務員事務局澄清屬「假消息」並報警。在立法會一個委員會，有議員指出該建議其實未必不可行，公務員事務局局長楊何蓓茵承認的確有空間，會先以科技減省「手板眼見」的基層職級，指「謠言」傳出時政府確實未有計劃。

今年《財政預算案》中，將於兩年內削減約1萬個職位，以及全體公務員本年度凍薪，立法會公務員及資助機構員工事務委員會今早討論相關事宜。

減編制「唔係唔理大家死活」

勞工界周小松表示公務員「無奈」共同承擔政府財赤，但指總不能「捱義氣」加班工作。他關注在凍薪同時，為何部門「一般開支」會上升。楊何蓓茵表示，現時公務員編制有約10%空缺，部門首長有責任檢視職位是否仍有需要，若不需要就不會重新招聘。她強調會因應社會需要調整工作優次，並達致更佳效率，「唔係唔理大家死活」。她強調不會裁減現職公務員。

勞聯林振昇指，早前網上有消息指出「公務員文書助理」被取代，雖然局方澄清無此事，但他認為該建議並非不可行，指使用AI可減省文書人力成本。



楊何蓓茵指，在現有科技應用下，最先可以減省的是「較簡單、手板眼見」的基層工作，承認公務員文書助理「唔係無空間重整」，只是「謠言」傳出時當局的確「無呢個計劃、無佢講嘅做法」。現時政府的考慮是要看政策局整合削減2%編制的數字後，分析「係咪好多喺文書職位」，承認「空間係有，但嗰個真係謠言」。


逾19萬編制僅32人不能「跳point」 承認評核可「揸緊啲」

實政圓桌田北辰關注凍薪下公務員仍能「跳point」加薪，雖然當局早前稱不是硬性做法，但田表示去年只有32名公務員因為工作欠佳而不獲「跳point」，在十多萬公務員中只佔極少數。他形容數字「不可置信」，又指現時評核機制「形同虛設」。

楊何蓓茵承認工作評核「有可以揸得更嚴哋地方」，當局不時提醒部門首長要做「誠實評核」，不要過份寫高員工表現，因為對增薪計算、晉升機會及員工士氣均有不良效果。她又強調前年當局已開始著令長期表現不佳的員工，透過簡化機制著令提早退休，或不准增薪。

法律界林新強表示，助理文書主任一職「好受勸迎」，而不同部門工作量不一，部份人「無咩做，等時間跳point」，問當局會否檢討工作量。楊何蓓茵表示即使同一職級，在不同部門工作量也可能不一樣，例如在總務室的文書助理，負責事務屬「內務」，相比運輸署助理文書主任每日面對市民，繁忙程度或有不同。她強調部門不應存在「工作量好少，數日子等升級」的職位，部門應「自我完善」不停整合人手。她又指同一職級有調職機制，方便衡量員工的晉升潛質。

楊何蓓茵立法會公務員獨媒報導

吓
CA低point過ACO喎
係咪應該倒轉，停聘ACO，全部空缺請CA，但係就容許CA升CO，咁先係用人唯才

CA點升CO

咪就係改制
編制變成CA>CO>SCO
將ACO呢個唔上唔落嘅位Cut走

呢啲位好唔好做
有咩部門有

即係有機係堅料
不過早咗爆出來？

點睇都係CA先係唔上唔落果個

報警只因早咗講出嚟
咁係告製造謠言定洩露機密

咁倒轉cut走ca
但係新請嘅aco由pt1起錶

成班政府文員仔開始淆

CA同ACO都變晒全年招聘
正常人要做都走去遞ACO
CA遲早fade out

一個assistant 一個officer
你搞清楚未
仲要pt10頂跳pt16?

不如成個政府cut鳩晒咪咪最慳錢喎

原來你地啲ACO師真係將自己當係Officer

點會 CA冇哂 就咁ACO都得啦
都2025年 個個有返一張成績表 有得揀你做ACO 定 CA

真係分唔到你係真心膠定假膠

你好似未搞清楚我意思
出面搵工 assistant 升officer ?
你係唔係搵過工
仲有政府跳pt升位係max pt接住升位starting
係得你自己笑以為自己好撚醒

冇關係 總有人唔合資格考aco

搞清楚
CA 個A係指佢本職就係assistance
ACO個A 係指佢職系本身係aim CO呢個officer位
依家未夠經驗 要學 所以assist住CO先
就好似Engineer Assistance 同 Assistance Engineer咁

CA個入職要求同競爭低好多好多好多
難聽d講d人都廢好多
真係要減都係搵人用AI Cut CA位
而唔係cut aco位
連登仔最中意講的影印下文件搬下野又一Day果d就CA

如果香港有DOGE
唔知仲有幾多公務員留得低

cut ca
要開返幾個CEO位研究下先
聽聞有個部門得幾百人
開左個CEO位研究點減少人手

Ca 一樣可以做較複雜文書嘢，連co、eo都要係咁問你
相反，aco一樣可以只係清吓tray、外出送下文件

根本唔同部門、唔同時空、唔同老細，好難相同並論

太平盛世又唔係多野做 , 炒ACO/ CA /co 都炒咁d, 叫立法會個班自己做埋

唔 cut 走啲點加副局長 副司長 政治助理

Cut撚哂文書位 用AI取代啦
出email洗撚搵個人做咩