（詐騙）收到內地派出所電話

頭先差啲俾人詐騙，雖然好柒好瘀，但係都想將呢個故事講出嚟，以免更多嘅人俾人呃。
今朝早上收到內地天河區五山派出所打嚟嘅電話，一打嚟佢就表明身份自己嘅警員編號，而且來電顯示都的確係網上搵到嘅資料，佢仲講得出我香港住址、香港電話號碼同埋全名，話我登記咗個電話號碼，喺廣州四處發送募捐嘅詐騙訊息，如果電話號碼係喺廈門機場中國移動登記，要我向廈門公安局報案，否則中午12點就會限制我喺內地嘅出入境，將我接駁到廈門公安局。
接駁到廈門公安局嗰邊，佢叫我download Skype，然之後加咗我，再同我視頻，確保周圍冇其他人喺度。佢話一定要去現場報案，如果線上登記嘅話就要搵一個冇人打擾到嘅地方，屋企、學校同公司都唔得，叫我帶埋尿袋，去開一間酒店房，去做筆錄。
因為我個人比較窮，唔捨得去開間酒店房，所以決定唔線上報案，之後打返電話去天河區五山派出所。
今次聽電話嘅係一個女人，我同佢講返要搵邊一位民警同埋民警編號幾多，佢話冇呢個人，然之後話我遇上詐騙。通常呢啲詐騙就係會話你名下嘅電話號碼有咩事，然之後又要視頻，最重要千祈唔好同佢共享屏幕，接收驗證碼，同埋銀行操作。
去到呢一刻我先知原來我真係遇上詐騙。
其實內地嘅訊息真係好容易流出，好似佢講得出我香港電話號碼，同埋香港住址，都有可能係我用內地嘅程式，返內地租酒店，周圍去玩其實都已經流出咗。
我成日都以為自己好醒，但係其實啲詐騙呃到埋你身嘅時候，真係好難分辨，我喺呢度講出自己嘅故事，希望警醒到其他人唔好中計。

一聽到係公安係醒嘅即刻收左線啦
仲話咩一直以為自己好醒

一個好醒ge傻鳩(得佢先中)

前排我都收到呢個電話
聽左一陣cut左線+block埋

樓主會唔會考慮去驗下智商

我好似試過, 但第一rd都唔知佢up乜鳩
係咁話我有大陸電話, 我同佢鳩up左一輪佢頂唔順收左線
因為我有幾個電話number....
係咁同佢講我有smartone, CSL, 激value, 3...都有
佢講既咩中移動電話number我冇, 係咁屈我有

講到去叫你download 任何app應該醒覺啦清

呢種騙局好多年啦 內地點會打電話嚟畀你

好在冇損失，下次要再警覺啲

都欣賞你開post分享嘅

連燈仔：成日以為自己好撚醒又一鐵證

d公安自己講過 唔會打電話
一係寄信俾你叫 指定時間 去指定派出所報到。(雙規)
一係直接上門查水錶

浪費時間金錢

我都收到
仲要狂打來
block Q咗算
煩到仆街

有本事上門傾

否則中午12點就會限制我喺內地嘅出入境

咪比佢限囉

中得呢啲公安騙局嘅，好多都身有屎

On99

你哋啲隊友嚟

佢啲電話號碼可以電腦gen出嚟，所以來電顯示可以見到佢個電話號碼係真係嗰間警局嘅電話號碼

佢仲要連打三次嚟

其實個人資料而家已經賣到周街都係, 所以唔好好似舊時見對方知道全名電話地址身份證, 就覺得有可信性

大學d nds 求其搵個都過百萬來讀書

咁公道講 Skype 又唔係咩不知名apps，都還好，但本身聽到自稱公安已經要即係cut線啦

樓主都醒返一次，打返去公安局，cut 線後擔心嘅咪打去公安局

但公安會用Skype 呢啲外國勢力app，本身就冇可能 要用都用騰訊嗰個voov

根本第一秒就應該cut線