即將於4月6日舉行的《Chill Club 推介榜 24/25年度推介》已進行投票，讓樂迷選出心目中支持的歌手及歌曲。不過，日前《娛壹》見到有人在Threads出po，寫上「女新人候選名單好似漏咗Lokyi」。
#Lokyi 是 #杜汶澤 旗下 女團 #EOS 的成員之一，去年中開始以單飛發展，8月推出首支個人單曲《On My Way》及10月推出另一單曲《Never Walk Alone》，其中，《On My Way》曾在Chill Club推介播過，Lokyi亦做過Chill Club主持人、又上過Chill Club「音樂系」，絕對有候選角逐女新人的資格，對於離奇地未能候選，無論是公司、Lokyi或是網民，都滿頭問號！
Lokyi公司就此事向 #Viu 了解情況，結果得到的回覆是，因為負責的同事漏了將Lokyi個名報上去，當發現後，嘗試重新在投票網站加回Lokyi的角逐資格，但加上去的時候server即時冧檔，所以，最後是加不了！
對於Viu的解釋，Lokyi除了感到無奈，也只能苦笑一下，「當我知道呢件事之後，唔可以話嬲，係覺得好無奈。因為而家做新人真係好難，難得公司肯投放資源喺我身上，安排我出兩首solo歌，但最後連入選女新人俾人投票支持嘅機會都無咗。成件事好可惜嘅係，要做一首歌其實真係牽涉好多人嘅心血，作曲、填詞、編曲、監製每一位都付出好多。不過唔緊要啦，我都會繼續努力，希望嚟緊會畀大家睇到我嘅成績！我都會支持今年候選嘅咁多位新人，要一齊畀心機，亦希望佢哋嘅server可以穩定，否則影響其他歌迷投票就唔好啦！」
#娛壹
想後推summer
