石硤尾邨5日大男嬰家中暈倒 送院不治 飲奶後曾現呼吸困難

22:40 2025-03-20

今日（20日）早上7時39分，警方接獲報案，指深水埗石硤尾邨美柏樓一名5日大初生男嬰，在家中暈倒。救護員到場，將男嬰送往明愛醫院搶救，惜最後不治。事後4名死者親友傷心認屍，警方正調查事件原因。

消息稱，男嬰於3月15日出世，昨日（19日）才出院回家，沒有任何先天性疾病。昨日晚上11時，男嬰飲奶後出現呼吸困難，情況一直沒有好轉，男嬰父母隨即將他帶到聯合醫院求醫，惟當時男嬰情況變回穩定，加上醫院沒有兒科醫生當值，遂帶男嬰回家休息。

據知，男嬰在今日凌晨3時雖一度出現呼吸困難，但情況有所好轉，惟至今晨7時許，陪月員上門發現男嬰沒有反應，面色蒼白，於是報警求助。救護員到場將男嬰送院，可惜經搶救後不治。警方發現男嬰的口腔、鼻孔和耳道沒有異物，身上沒有可疑的傷痕，死因有待解剖確定，案件暫時沒有可疑，交由深水埗警區刑事調查隊跟進。

Rip
係咪用錯奶嘴或者冇掃風

好慘

以前餵個仔飲奶一定要掃到佢ur

咩事

同埋要打側訓
打平訓嘔奶會濁親自己

係，以前淩晨自動起身餵奶情景突然浮現返，照顧bb唔容易

如果琴日留院可能無事

醫生都話掃風係地方智慧 鬼佬都無呢個概念

掃風都可以掃半個鐘, 合住對眼同佢掃

新聞寫第一次入院係飲咗奶，情況變回穩定之後返屋企，返到屋企應該會餵少一次啊？

rip

掃風都有d用既，不過最主要我覺得係bb飲完奶唔好即刻訓者，唔係就會好易上演驅魔人式噴奶

掃風=burping

係，真係辛苦
希望個仔快高長大，身體健康

飲完奶冇掃到風

嬰兒猝死症 (SIDS) 是指不到一歲的嬰兒意外死亡且在進行全面屍檢和研究之後仍找不出原因。

有時死左都搵唔到原因

有d理解唔到，聯合咁大間醫院，竟然無兒科醫生？？？

男嬰父母隨即將他帶到聯合醫院求醫，惟當時男嬰情況變回穩定，加上醫院沒有兒科醫生當值，遂帶男嬰回家休息。

掃風呢d係咪父母教定出院姑娘會簡單講幾樣技巧，呢d雖然係人都識但唔做定功課真係一時醒唔起

其實唔識好正常
但係我相信父母都一定會記得做, 只係做得啱唔啱
因為新手父母真係唔知要掃幾耐, 同埋BB 有時GUR 果下唔係次次都鬼咁明顯

我地不如首先唔好怪責個父母, 我相信佢地依家都十分悲痛

夜晚好正常
私院都未必有，就算有醫生都未必有房

石硤尾
我直情唔知响邊

我咁講因為呢度係連登太多小學雞會衝出嚟講搶口野，同我只係想知姑娘好似會教少少技巧，唔肯定係咪必然，如果唔係既就改善吓，睇吓有咩計唔再發生，就係咁簡單