大埔周五(21日)宣布簽入26歲的中堅奇雲莫雷拉,Kevin是役首度擔正,於下半場以一記角球機會助攻馬卡雷拿,他表示滿意自己今場發揮:「今場係我加盟大埔嘅地標戰,好開心可以助攻隊友,仲幫到球隊贏埋波,大埔嘅本地球員同外援實力水準都好高,只要努力奮鬥到底,我相信我哋係有能力晉級決賽。」大埔作為今季聯賽、「冠忠巴士六十週年足總盃」及「賽馬會菁英盃」的爭冠份子,Kevin認為大埔絕對有信心捧走3冠:「加盟之前我已經向『堅Sir』了解過,今季我哋三線出擊,每場波都不容有失,所以我都好有決心,嚟到香港就係要為球隊捧走3個獎盃。」
來自哥倫比亞的Kevin首次於香港落班,他表示陣中有不少葡語系隊友給予幫助,讓他更好適應新環境:「我哋隊裏面有唔少巴西球員,所以溝通上都唔成問題,而且我本身適應力好強,球迷又好支持我哋,相信過一段時間,我已經可以盡快融入球隊,繼續貢獻我嘅力量。」
賽馬會菁英盃 地標戰獻助攻 奇雲莫雷拉:有信心爭冠
https://hk.on.cc/hk/bkn/cnt/sport/20250322/bkn-20250322173511934-0322_00882_001.html