【I/A】少女前線2：追放 (03) 抽爆416

仲使唔使打我搵晒獎品就有時無打

仲係4%
仲有次數咪auto埋佢 你地唔缺公會幣咩

啲活動會唔會一次過開得太多
打左我成日

主要唔夠人湊八個戰力出黎都好勉強
仲要多四個真係搵唔到

借人哋416 你會發現第三隊其實都係佢打

上次好似100內 今次已經無左影

儲石all in 416 果啲戰力大幅提升，所以分數通漲
我自己今次都係第一次攞到個人最後既獎勵

我地團應該有一半人以上滿椎416

無換波波沙碎好似夠用

邊界冇帶霰爆石，退出諗住有得重新揀人，咁就要等15個鐘

尾3日仲有 其實應該係因為有人見攞夠冇出刀

升多幾隻有援護嘅
淨係升lv就得 跟住就睇416表演

下次提下記得每日出刀

長期唔夠用 仲未換到把斯瓦羅格出嚟

甚至唔需要自己出416 有齊角色唔洗練度 只需要練到40級有返咁上下
出兩刀全部借大佬6椎416 抄足就做到total 6000分
冇416之前 你借大佬角色都要自己有返咁上下練度先有total 6000分

升左lv
又可以招人

屌 公會戰完左先係神秘箱出大貓

自己冇大貓配隊打三刀只係好辛苦

得返190抽
應該博多3隻416上椎六
定留比火隊

唔抽g11池 就一定夠抽vv
up池跳一抽一 非常穩陣 運氣好可以1椎

雖然我覺得下下個池應該係朝暉俾時間大家回血，anyway開始備戰vv

槍口雙攻雙爆1/1
攻攻爆描鏡1/1
攻攻爆握把0/1
攻攻爆射燈0/1

配件先係食水最深首先要賭屬性，賭完屬性又要賭強化

416 3+0追唔追埋3+1好？
6+0就追唔到架啦

專武好用，同埋75%，同埋好似少十抽保底

之後復刻416上唔上6椎?如果上6椎，遲早都要抽專武，所以早抽遲抽都一樣，驚之後抽數唔夠抽其他角色就留住先，復刻416直接6+1
唔上6椎就唔洗專武，一日未6椎都唔需要專武

hello，又係小弟，國際服416池開左一個星期有多，唔知大家抽得如何，小弟我抽得一般般，都算正常。
呢篇文主要係想寫下少前2角色未來各隊伍既強度表現，利用一下國際服未來視呢個優勢，寫少少抽角色建議比大家參考下，同埋之後應該會再寫篇文講講大陸服問題都幾嚴重既新養成系統玩法 異位衝突。
都係講返個句，全圖鑒黨 課長可以當我鳩up，本篇文章略長，當中提及既強度表現夾雜大量主觀性觀點，加上遊戲環境隨時間變動，僅供參考，冇固定答案，請斟酌觀看。

後416階段: 指係416出黎之後，遊戲迎來第一次強度膨脹以及玩法大變
呢個階段開始就係大家而家熟悉既國際服環境，416強度我上一篇文有詳細提到，所以呢到就唔多講，有興趣可以去睇返。
總之就係416完全摧毀羽中期望既戰棋玩法，降低遊戲難度換黎挽回遊戲既熱度。戰棋玩法比416摧毀之後，咁羽中一定要拎新既內容比玩家去玩，否則大家就冇動力去抽角色，咁羽中做左啲乜比大家呢?
打木樁，自此公會戰boss就成為測試強度既方法，除此之外仲有冇試過明面上削弱6椎416?
有，答案係歧路挑戰藍雪球第3關(未削弱完全體)，boss攻防數值極高，會幫自己加防而且自帶60%aoe減傷，一旦打死佢召喚出黎既觸手，會上一個可疊層減10%攻擊既不可驅散debuff，就差在冇寫「唔准帶416」呢句係塊面到，單防416到無所不用其極。而且當時除課長全6椎角色之外，冇辦法可以完成到挑戰任務，一係打得死boss做唔到任，一係就做到任打唔死boss。
於是羽中又一次比人屌到上天，死死地氣削返隻藍雪球數值，而且debuff可以驅散。自此，6椎416天高任鳥飛，一旦有6椎416之後，直到異位衝突出黎之前，少前2冇任何強度焦慮，換黎既就係終局內容空洞，嚴重缺乏遊戲內容。

咁由於416既強度膨脹到咁誇張既地步，導致米緹什(G11)只能夠成為416既陪襯，增傷收益大約為15%，角色強度只係為6椎416服務。咁後416階段到底要點樣設計新角色?
維克托(vv)係羽中自416之後交出黎既第一份答卷，汲取之前杜莎妮既教訓，將vv打造成火隊既必要核心角色，從此大部分角色都由呢個方向開始設計，將新角色綁定到相應既隊伍體系，更容易控制角色既強度。以及推出新系統躍鍵，去嘗試增強舊角色去配合隊伍體系。一個完整既隊伍體系構成大概為 屬性增傷+破穩+屬性機制+減防
之後我會就火 水 電 毒 冰 物理去講講隊伍組成以及強度/特色，而且因為隊伍有5個位置，通常情況下，隊伍組成單屬性不如雙屬性，所以有所謂既打工位，可以係索米+wa(冰)或春田+托洛洛/妮基塔(水)或6椎416(毒)。

火隊: 算係官方第一條主推既完整隊伍體系，隊伍主要去觸發其他成員既協擊去光速破穩態+打輸出，vv核心在於提供大量火屬性增傷、火屬性機制以及增加隊伍火屬性協擊次數。瓊玖提供減防+極頻密協擊次數觸發溢火+躍鍵效果係協擊傷害轉為火屬性，完美配合vv提供既加成。火隊可以分為低配版以及高配版，表現都非常好，非高配火隊冇需要抽女仆(G36)、佩莉(MP5)以及秋樺(97霰)。
低配火隊
3椎瓊玖+vv+夏克里+兩個打工位: 3椎瓊玖協擊帶溢火觸發夏克里協擊再觸發vv協擊
高配火隊
5椎瓊玖+1椎vv+1椎女仆+佩莉+3椎/6椎秋樺: 利用火隊極頻密既協擊次數去幫秋樺疊焦痕(秋樺專屬機制)造成極高既單體輸出，缺點係只能夠對單，而且生存方面略弱，女仆冇辦法提高隊伍一擊線。

水隊: 與其叫水隊，實際上其實係春田體系，所以要特別點名春田，介紹佢既作用。通常水隊都係以二/三人組形式去其他隊伍打工，減防功能由另一隊去提供。
1+0春田: 全隊雙倍血量+回穩態+全隊加防+進攻/防守驅散+反擊兼回血+破穩+水弱點+水屬增傷+水屬回導染
6+1春田: 1椎所有功能性+減傷+協擊+水屬增傷再強化(大約15%) 6+1春田輸出為1椎春田既大約15倍(約7成6+1既416單體輸出)
春田作為少前2一周年角色，功能全面空前絕後，即使唔係水隊，亦能夠提供除火力以外既所有功能，6椎就可以提供更多輸出以及破穩能力。所以春田係除416之後，最值得6椎既角色，暫時再冇類似角色6椎春田可以跨屬性執法
水隊組成
1椎春田+2椎或以上托洛洛: 春田3技+托洛洛(躍鍵)被動，令托洛洛可以每回合行動3次，如果托洛洛有4椎或以上，觸發被動再動會穩定觸發大量buff加成，輸出提升可觀(大約80%)。
1椎春田+0椎妮基塔: 冇任何特點，單純數值高，數值正是為王的理由。
得益於春田強大既全面性，水屬目前只有兩隻角色有足夠能力同佢做隊友，托洛洛同埋妮基塔，其他水屬角色基本上被淘汰。托洛洛主要係躍鍵回導染+1椎春田回導染機制，有特殊配合。妮基塔主要係0+0機制完整，而且數值非常高，加上春田大量水屬性增傷，屬於對boss特攻。

電隊: 電隊最重要既問題係由於電隊機制分散，電壓地格+電屬增傷+破穩+正電荷+負電荷分別放係兩隻角色(萊娜+安朵絲)身上，角色行動順序要清晰，以及最重要既係冇減防角色(又有理由帶416)，所以需要綁3個隊友上場。同埋造價暫時係體系隊伍入面最貴(0椎安朵斯+1椎萊娜+1椎萊婭)，常駐角色入面，6椎莫辛唔算優秀(通常比打工角色取代)。整體而言門檻頗高，表現良好。
電隊組成: 0椎安朵絲+1椎萊娜+1椎萊婭+減防+打工位

可能有ching對新出既ump45(萊婭)強度有興趣? 目前45姐屬於體系角色，特色為觸發電壓地格疊雙爆buff後用技能消耗+正電荷額外增傷+負電荷打協擊+溢出破穩轉增傷。作為電隊成員，食到電隊專屬機制所有加成既同時亦有額外加成，自身技能可以提供電壓地格及負電荷，所以需要隊友提供正電荷(安朵絲)以及電屬增傷(萊娜)。1+0表現良好，6+1表現略強於火隊6椎秋樺，未到416 春田既強度。如果未來有更強既電隊輔助(類似vv 春田)，45姐有翻身可能。

毒隊: 獨有機制係疊層，不過由於416過強既關係，成員暫時仍然只有大貓以及G11防止416進一步加強，毒隊機制亦無從談起，基本上毒隊核心只有6椎416。6椎416可以去協擊次數足夠既隊伍打工，3椎416僅作為減防用途。
毒隊組成
6椎416+大貓+G11+兩個打工位: 毒隊三人組提供高額破穩以及輸出，大貓一人已經提供足夠協擊次數刷416大技，毋須再提供額外協擊，水隊係比較推薦既打工位。

冰隊: 生存+破穩+增傷方面都有完整既機制，隊伍嚴重缺人，而且全部成員作為前416階段既角色，時代既眼淚，數值較為保守，所以wa冇辦法作為隊伍既火力擔當(主C)，急需一隻火力充足且機制完善既新冰系成員，後續強度需要視乎索米躍鍵+新成員表現作決定。索米/杜莎妮+wa可以作為打工位，不過水平較水隊或者毒隊弱。

物理隊: 獨有機制為幼熙(K2)提供既負防禦，隊友造成物理傷害對減防超過100%既敵人有額外增傷，缺點為隊伍有人造成任何屬性傷害，該效果失效2個大回合。總括而言，物理隊只能夠係純色隊，唔容許任何打工位，隊員配件只能夠食到物理套加成，而且由於純物理角色目前數值以及機制都比較搞笑，冇一隻係見得人，K2作用毫無用武之地，目前急需一隻超強物理角色。

總結一下，大家國際服未來必須要抽既角色只有1椎vv+1椎春田，確保之後可以起到火水兩隊，有餘力可以抽6+1春田。
電隊可以抽但係一定要抽齊，唔抽齊不如唔好抽
毒隊抽完6椎416再考慮G11
冰隊冇索米可以補一隻
物理隊未來可期未來抽

已申請
求大佬carry