關於改名有冇師兄識五行術數？

啱啱師傅俾咗個名，其中個名要有水，師傅俾咗個柏字話係屬水！
但係柏字唔係應該屬木嘅咩？定係有啲計法配合埋個命格可以令到柏字屬水？

你是咪自己聽錯左
人哋話係「泊」 啊

俾埋我哋睇啊！

咁你信錯條9up佬喇

擺明昆錢

改名五行應該要跟康熙字典為準
柏 康熙字典五行係木

咁佢嗰本係咩嚟？

我諗係姓名學字典之類
你google下都係類似排版
而且佢都似係按部首再按筆劃

不過我都唔係玄學師傅，我同你一樣之前要幫小朋友改名有做下research咁解
有搵過幾個師傅其實最後都係任佢哋噏，係睇你啱唔啱眼緣，佢哋又說唔說服到你

冇研究開姓名學 我覺得睇起嚟順眼 聽落去順耳就可以
知道你出發點都係為小朋友着想
我平時睇開人嘅盤都唔需要知道佢個姓名 都可以初步了解命主個童年家庭同雙親
建議可以放更加多嘅心機同另一半建立一個溫暖嘅家庭
如果有呢個心態話唔定可以更加容易生一個八字靚嘅小朋友

不過啱啱我都有睇一睇，其他師傅點樣改，例如蘇民峰佢好似除咗筆畫之外都會都會睇返個字嘅讀音而決定屬性。

我小朋友啱啱出世，都想佢對自己同父母相處融洽,而我哋搵開嘅師傅都係之前有預計我哋今年會有BB,所以我哋覺得幾有緣份就用佢俾我哋個名。
會的一定會比最大心機落去我哋嘅家庭！
Btw 師兄唔使開盤都可以了解到？可唔可以了解吓我？

緊係要開盤睇開紫微
巴打你加油

咁你頭先嘅建議係咪冇幫我開盤睇？定係你睇到我啲咩？

個人感悟姐
如果某人出生寒微 咁無可能係星盤上睇到佢出生大富大貴之家 當然後天行限好就另作別論
咁如果你同你另一半都致力用愛去養大你個仔的話
我相信你仔仔個命盤中都會如實反映

收到晒，感謝師兄！

叫淼淼，夠多水