公共工程擬金屬棚架代竹棚 業界憂竹棚工人失飯碗

發展局要求新批出的公共建築工程，最少一半採用金屬棚架，逐步減少用竹棚。港九搭棚同敬工會理事長何炳德今早(19日)在電台節目表示震驚，因事前並無諮詢業界意見，又擔心會影響竹棚工人生計，甚至年長師傅會因金屬棚架較重而提早退休。


成本貴兩三倍或由業主埋單

在舊樓維修方面，何炳德指金棚架較竹棚貴兩至三倍，維修工程大多要業主夾錢。他又質疑，推動使用金屬棚架是為輸入外勞鋪路，雖然持牌竹棚工人只有4,000多人，但已能處理全港80%工程，而持牌金屬棚架工人約有1萬人，卻只處理約20%工程。


工權會對用金屬棚架表示歡迎

不過，工業傷亡權益會總幹事蕭倩文則表示歡迎推進使用金屬棚架，她指過往每年都有關於竹棚的意外，亦相信早前兩宗竹棚意外是修訂原因之一。她也指不希望一刀切轉用金屬棚架，但金屬棚架的連墻器較難被拆除亦較穩固，在安全考慮方面也是好事。對於竹棚師傅失業問題，她呼籲竹棚師傅慢慢轉型學習金屬棚架，指政府也需提供協助，或者考慮地盤其他工種。


發展局：現時有近8000位金屬棚架工

發展局表示，在符合法例和相關工作守則的前提下，使用竹棚架和金屬棚架均屬安全選項。竹棚架和金屬棚架各有優點，竹棚架較為靈活、經濟，亦較易適應工地環境；金屬棚架則較堅固耐用和耐燃。為推廣在工務工程應用金屬棚架，發展局要求在2025年3月21日或以後招標的工務工程新建樓宇工程合約中半數要採用金屬棚架，預計今年只會涉及1至2個新建樓宇的工務工程合約。如因工地限制（例如工地環境狹窄）而未能應用金屬棚架，政府負責管理相關建造合約的部門會容許採用金屬棚架以外的方案。

局方補充，是次措施未有要求工務工程的樓宇外牆維修合約必須採用金屬棚架，承建商可因應相關維修工程工地的需要，選擇採用竹棚架或金屬棚架。發展局已向相關商會、工會及關注團體解說措施的細節，並獲該些團體接受或支持。現時，業界有超過10,000位工友註冊為棚架工，當中近8,000位為金屬棚架工，當局會繼續密切與業界保持緊密溝通，以適時和適度調節、循序漸進的方式有序使用金屬棚架。


https://www.am730.com.hk/%E6%9C%AC%E5%9C%B0/%E5%85%AC%E5%85%B1%E5%B7%A5%E7%A8%8B%E6%93%AC%E9%87%91%E5%B1%AC%E6%A3%9A%E6%9E%B6%E4%BB%A3%E7%AB%B9%E6%A3%9A-%E6%A5%AD%E7%95%8C%E6%86%82%E7%AB%B9%E6%A3%9A%E5%B7%A5%E4%BA%BA%E5%A4%B1%E9%A3%AF%E7%A2%97/542892

最主要過住打風落雨發生事故太多，諗改善操施，有啲濕尻為保屎忽懶醒提議金屬架，但研究準備不足又要趕住出街修例，於是太多做法盲點扮睇唔到，等業界發揮。

唔係因為有人違規先出事？
本身竹係冇問題

班c fu偷雞你用vibranium都係冧㗎啦

非物質文化遺產準備變遺跡

私樓維修仲有大把吊棚

內地班專才個個識搭竹棚既話咪會話竹棚好囉
唔識搭既話咪話竹棚唔好改用鐵囉
技術門檻低嘛
到時一車車輸入香港唔使怕唔夠人手喎

成鬼日吹下風就竹棚塌落黎
終於肯科技化番少少

全因中國人不懂竹棚而已

講出重點，就係外勞，尤其較後生嗰批唔識用竹棚。

環保

老實講，呢個係香港特色，唔好話鬼佬，我啲台灣朋友黎到香港見到要即刻影相po IG。如果話竹唔夠安全，會唔會發明到啲係金屬配件同竹棚混用？唔好下下一刀切？到第時竹棚冇晒之後，同啲招牌一樣，先黎慨嘆香港又少一個特色

唔通裝個冷氣整條水管都搭個金屬棚
其實外國個D 高樓大廈點樣做維修

咁不如禁埋啲樓三尖八角喇
做過就知啲窄嘅凹位或者行斜嘅
例如依家啲新樓最興嘅露台蟹爪位
鐵棚根本含晒撚
踩腳都比唔到

如果竹棚係標準化，其實外勞都可以學

如果工程量無少到，只係由竹棚改金屬棚，金屬棚已經係標準化產品，現有竹棚工學埋金屬棚，一樣咁做。

金屬棚除咗行得舒服啲之外，一定無竹棚咁方便，特別係座樓彎彎曲曲的話
安唔安全係睇啲人有無斬你條拉抆方便自己做嘢
金屬棚一樣可以斬，而且冧落嚟嘅後果嚴重過竹棚冧

行外人

竹棚神早應該收皮

全部都係用金屬棚 或者吊船之類嘅嘢

想影相咪去博物館影
使唔使搵d童工黎串膠花比人影相？
夠晒特色

好多地方都想學用竹

香港冇咩可能裝個冷氣整條水管都要由地面搭個金屬架，咁樣成條街都係金屬架

打風冧竹棚定係冧金屬棚易救d？
竹棚就咁手工具就救到

金屬棚比竹棚阻街