東網巨星

鍾意有肉哋 Hana唔愛「人乾」大隻仔
09月10日(日) 16:14
 
鍾意有肉哋 Hana唔愛「人乾」大隻仔
0:29
/
1:04

歌手菊梓喬(Hana)、白雲及唐曉彤出席《YOKKAO 25 & 26 Muay Thai 過磅儀式》,Hana表示入行前曾經打過泰拳一年:「我嗰時完全冇運動,係朋友介紹我去打,好辛苦,第一次打完覺得行唔到路、落唔到樓梯咁,但打咗一個月之後真係開始冇晒脂肪,冇晒啲『拋拋』嘅肉咁。」又指當時訓練到好有火,曾經想參加拳賽:「後嚟簽咗公司之後佢哋唔贊成我打,驚我打到毀容。(試過打傷面?)多數係手腳多啲,有時會屈到或者扭到腳。」不過她之後因為太懶,又要專注唱歌,所以未有繼續學泰拳。
問到當時可會乘機𥄫大隻男?Hana笑說:「佢哋真係幾好睇嘅,好多人都會除衫打。(你鍾意?)我覺得佢哋太乾喇,打到冇脂肪咁,我鍾意有番啲肉,唔可以太瘦。」又透露久不久會去看拳賽,覺得打拳的男生很有男子氣慨,而女生打拳亦很有型。
工作方面,Hana謂將推出劇集《使徒行者2》的完整版片尾曲,亦是她同名大碟的歌。講到歌曲很洗腦,她說:「幾好呀,可以入到屋,希望大家鍾意,我今次都用咗新嘅演繹方法去唱。」
有肉地