《The Interview》

阿傑急急腳約我出嚟，話有好嘢益我，但電話唔講得，要面對面傾

「乜燃野」我問

「你出嚟咪知囉。」佢口氣神秘，但又莫名興奮，好似買中咗曼聯連勝咁

我本來懶得理，呢條友成日吹水，成日話正嘢，上次條好樣帶咗我去搵啲劣質啤酒妹都未同佢計。但今次好認真咁，我未出嚟聽吓

坐低咗係茶記，阿傑就擰住個樣，係咁對住我傻笑，講咗一大堆唔關事廢話，跟住話呢到唔方便講。條燃樣屈埋我請佢食下午茶，出咗外面搵到個舒服煲煙位後，支煙夾喺手指尾，好似佐敦啲無生意按摩佬好休閒咁開聲講

「阿生，」佢拎起杯凍檸茶(我唔明點解可以拎埋人地隻堂食杯出嚟)，個語氣好似我上司咁:「你同Milky 分手後，而家仲係單身，係咪？」

「咁又點？」

「有單好嘢想益你」

「屌，快啲講啦！」

阿傑望咗望四周，壓低把聲：「我個 contacts 入面，有個人妻，特別啲，想試新嘢。」

「咩新嘢？」

「佢結咗婚幾年，話無聊到爆，想試下同第二個男人搞，但出面搵又驚攞燃，驚遇到啲衰人，想搵個信得過嘅」

我皺眉：「你個contacts? 即你試過？搵我做咩？我雖然你識咗十幾年，但未諗過昇華同你做襟兄弟」

「你諗多咗！我同佢啲關係好thin，加上我都有固定女友...」阿傑一支煙敲咗兩下，表情突然變得認真。「呢條女有要求，佢話要見下，睇下 feel 啱唔啱，先決定搞唔搞。」(佢好明顯唔想再係襟兄弟話題上糾纏)

「痴線，你當見工咩？搞野都要 interview？」

「你估真係咁易？人妻唔係141，佢係要浪漫 feel，好似外遇咁玩。 你想約出嚟就直接撳入去？」

「咁我係咪去到要帶埋 CV？」我好燃認真咁問

「唔使，」阿傑整熄支煙，「但你最好著得靚仔少少，但唔好著老西好似見工咁！」

「算啦，你搵第二個啦，我對人妻冇興趣」

「Hi，阿生，你有冇良心㗎？成日喺度話人生無激情，依家有嘢玩又縮沙？你上次未話睇中咗條女，叫咩Isola，我俾我睇多次佢FB張相我望吓！」

我都無所謂，再show多次，再講「呢啲嘢你自己玩啦，我繼續諗住我嘅Isola打飛機已滿足」

「頂！」阿傑本來又想點一支，但隻手係咁揈來揈去講「從我主觀角度嚟睇，呢位人妻應該好過你嗰個Isola。唔係，應該咁講，係有Isola果種感覺」

「即咩感覺？」

「即夠純情，冬菇頭，你好燃想砌的感覺。」阿傑好緊張一直係咁講嘢，好似好怕我會斬釘截鐵咁拒絶佢。「人妻唔係我老婆，我冇優勢！佢要新鮮感，老細，你先係嗰個新鮮感」

「咁你咪應該搵啲後生仔？」

「唉，後生仔咁易搵咩，你睇吓啲小鮮肉健身教練咁好搵你就知。同埋後生仔呢...」阿傑搖搖頭好似想增加佢的說服力，「總之人妻係要慢慢煮，煮到啱溫度先食，佢哋最怕啲後生仔嚟一鋪過，就好似入到餐廳，未食前菜就即刻上主菜，唔啱規矩」講埋呢句，佢終於點著支煙

我猶豫咗一陣，望住阿傑，覺得佢呢條友仔今日特別堅持

「唉……」我嘆咗口氣。「去見下都冇問題嘅？」

阿傑拍咗拍我膊頭，笑到成塊面都開曬花「你一定唔會後悔」

於是，我就去咗人生第一場「上床 Interview」