20歲專上學院男生為5萬元報酬 淪為毒品儲存倉主 警檢值2500萬元可卡因

14:52 2025-03-17

20歲專上學院男生為搵快錢被販毒集團招攬，竟為5萬元報酬，不惜挺而走險，負責看管毒品儲存倉庫。警方經深入調查後，前日（15日）掩至葵涌一工業大廈，截查該名青年，在其身上及其看管的貨倉檢獲共30.15公斤懷疑可卡因，市值逾2500萬港元。

毒品調查科行動組高級督察陳裕詠講述案情時表示，警方經深入調查後，發現有販毒集團利用工業大廈單位作毒品儲存倉庫，前日（15日）在葵涌一帶進行反毒品行動，行動期間拘捕一名20歲本地青年，探員亦在葵涌一工業大廈單位，截查由涉案單位步出的青年，並在其手持的膠袋內檢獲150克懷疑可卡因，遂以販運危險藥物罪名將其拘捕。

其後探員將該名青年押返其看管的500呎劏房單位搜查，在單位內發現另外30公斤懷疑可卡因，狡猾毒販將30包，每包重1公斤的可卡因毒品，收藏在112箱的茶葉內，試圖掩人耳目，警方再以販運毒品罪名將其拘捕。經調查後，發現有關倉庫營運僅一星期，該名被捕青年被販毒集團在網上招攬，主要充當倉主角色，負責管理毒品儲存倉，警方相信有人受搵快錢的誘惑，因而挺而走險，參與販毒行為。被捕青年將被控兩項販運危險藥物罪，並於明日（18日）在西九龍裁判法院提堂。

今次行動中，警方已成功在源頭堵截大批毒品流入市場，警方亦留意到販毒集團利用工廈單位作為毒品儲存倉庫，企圖逃避執法人員的追查。警方特別向各位業主作出呼籲，若發現有人好急租用單位，甚至即日起租入住，就要多加留意其背景、租用目的等等，以免單位或者物業被不法分子所利用。

警方重申，販毒為非常嚴重罪行，根據「危險藥物條例」，一經定罪，最高可判處終身監禁及罰款500萬。巿民切勿以身試法。

坐返十年應該夠時間讀完degree

之前500kg果單唔知收幾錢

讀唔到大學係咁上下啦
有腦既就轉移晒批貨
而唔係俾人擺上台

又一個年輕人比人呃左，我估唔知係毒品，慘

IVE仔

傻仔

100%交人頭
經調查後，發現有關倉庫營運僅一星期

成日話販毒集團，背後啲大佬永遠拉唔到

唔信畀個細路幫手管咁多貨

如果齋講你知5皮野做倉務員 的確幾吸引
不過咁大隻蛤乸都知唔妥

又可以風光上山

會係咩心情
有幾十年無得正常生活

連登仔真係會信咗50k

姓高可能冇事

就算以連登仔FG 5萬既標準，倉務都有5萬其實都好高

在其手持的膠袋內檢獲150克懷疑可卡因

啲00後 好食懶做 想唔做野就就錢有袋
你估佢唔知咩 俾人拉就扮無辜咩都唔知
抵死啦 分分鐘有份食添牙

應該坐20年

反正都要入去踎十幾廿年先至出得返嚟，咪繼續係入面進修囉！