好奇請教下塔羅，文王卦嘅邏輯

你話八字稱骨都叫做每個人得一組，每個時辰八字都有唔同結果。

塔羅文王卦呢啲抽牌係咩原理？每個培羅師占卜師係呢件事上抽嘅牌都係隨機。可以每個“大師”基於抽出唔同嘅牌可以解釋出唔同結果同建議。

有聽過2個講法關於呢d占卜工具而我又覺得幾合理

首先就係呢個宇宙釋放好多信息, 而我地人接收到嘅信息有限
係古時, 就有「巫」呢個人去接通天地線
巫呢個字亦好有趣, 上面一劃係天, 下面一劃係地, 中間2個人就係串連天同地嘅人
而呢班巫覡就需要一套工具有系統咁去收集呢d信息, 咁呢套工具就係我地而家見到可能係塔羅、卜卦、龜板呢d
其實個工具唔重要, 就好似你講嘅「大師」點樣去演繹呢個信息比較重要

然後就係榮格有提過易經嘅占卜機制其實唔係迷信, 而係一種心理投射
當人係提問時, 本質上係同自己嘅潛意識對話
易經提供嘅卦象, 卦者掛也, 即係外在事件同內在心理之間存在一種非因果性嘅聯繫