歡迎想砌模型嘅巴絲入嚟 (211) 砌完模型要影張靚相

龍

Ching係上消光？幾鍾意紅色個質感

係,多左又唔擦

冇野係一定要嘅 不過多數係淨係用綠蓋唔用藍蓋啫
你放幾分鐘太耐 會溶漆

通常起啲非平面
弧位，起刻線上面，要摺呢啲位先落少少
一般平面用家陣啲水貼都好薄好軟唔使點落

我開頭玩candy紅都中過類似嘅伏

candy 最蝦人嘅地方係隻透明色好易會噴多咗，即係深色咗，而一深色咗就返唔到轉頭。一係係就狠心洗件重噴，一係就補噴其他件嚟達到深淺一致，或者開無視大法

所以我依家噴candy我都甚少厚噴，寧願薄噴慢慢疊。一來驚厚噴時唔小心重手咗，二來厚噴要等佢乾咗先可以同其他件做對比，佢未乾同乾咗嘅深淺係會有少少分別，喺佢仲濕時做對比有可能會判斷錯誤。

另外就係用邊隻金屬色打底，金色/銀色主要分別係色溫，即係暖紅/冷紅。如果一隻全隻暖紅candy，另一隻全隻冷紅candy，咁兩隻拍埋一齊你係會睇到分別嘅。但如果同一隻模型用晒兩種candy嚟做分色，反而個對比唔係咁明顯。如果想對比明顯啲，可以試下用鐵色(甚至係槍鐵色)嚟取代銀色做底色，咁個對比感就會sharp啲。

moon gundam 啲感應板好好玩

高達D GK算平同比較易搞 通常落返D標準商品到用到 其他無咁熱門既作品 由0開始起隻野出黎個D 可以整修搞成個月 不過我好中意修野改野補野既過程 只係唔中意上色 一上就柒

我淨係用藍蓋都覺得好貼服, 之後就淨係用藍蓋了
其實咩時候要用綠蓋, 大大張果d?

無噴消光/亮光,
就咁底灰-> gaia star bright silver(gold) -> 透明紅

感謝，睇圖似磨砂質感

咁係我失敗,
我本身係想噴樓上ching果種立立令既質感

加層光油救唔救到

係, 我噴到一半先驚覺乾左隻色會再深d
之後都等乾左先再check洗唔洗加深d色.

我想問下薄噴多層會唔會影響漆面既光滑程度?
我驚我薄噴變乾噴搞到個表面好"鞋"
因為之前奶過一次野, 所以宜家乜都靠反光去confirm係濕噴

真係唔知其他金屬色都可以做底色, 下次再試下

我用廢件試過, 出黎效果好似無乜分別, 就多一事不如少一事了.
我已經催眠左自己隻色沉實d都唔錯

聽日終於多一部PGU上神臺nu gundam
https://x.com/HobbySite/status/1922215286163571090

隻 PGU RX78真係唔靓,
太大陸仔魔改味, 但又改得唔靓.
得架核戰機同2個人仔造得好.

下次可以試吓金/銀底之後用呢支premium red
premium red隻紅夠深 唔洗噴咁多層 冇咁易出現色差
呢個po好前個隻rg ssb就係用呢支野
Candy色我以前仲有個做法係金屬紅再上透明紅 但個望落去好似冇咁清晰

薄噴變乾噴而令個面變粗糙，甚至「起沙」嘅風險係有嘅，特別係喺啲凹入去嘅表面 (例如下圖紅線位) 比較容易出事。

不過見巴打似係諗住做全滑面立立令嘅效果，其實薄噴好晒透明紅之後，可以濕噴光油埋尾。咁表面粗糙嘅問題如果唔太嚴重，應該可以解決到嘅。
如果濕噴光油一次都覺得唔夠令，可以試下再濕噴多一至兩次。我自己用gaia 光油，濕噴一次同濕噴兩次嘅光滑度，係有肉眼可辨嘅差別。
另外，光油建議用緩乾thinner (例如 gaia T06 或 GSI 黃標) 開，應該會比用最basic嘅thinner開嚟得滑。

少少改裝 刻線/打椿/膠板/切割/補鑊類嘅點都要識下
打磨就多啲三尖八角位要做，要用到嘅工具都會多咗
遮蓋就唔駛講啦一定做餐飽

玩耐咗就會習慣成日都係豉油貴過雞，冇乜feel
gk呢啲有時買返嚟都係打開個袋點完件索下陣味喺個腦度砌咗就收返埋

巴打識貨，呢支好嘢嚟
我最近兩隻噴candy紅都係用佢

你咪大陸仔囉 殘體字