求九龍區有心獸醫搵貧血原因

我隻貓就嚟19歲，上年二月去做body check，發現心臟有雜音，於是照咗心臟超聲波，報告顯示心肌有啲肥大，其他都冇乜特別大問題，唔需要食心臟藥。咁照超聲波嘅時候，心臟科，醫生話見到佢嗰度有啲陰影，以佢經驗嚟講，都大機會係淋巴瘤，於是就抽針去化驗，點知又化驗唔到有癌嘅細胞，但係醫生話唔可以排除佢冇淋巴癌，因為有機會抽針未必抽得中嗰啲嘅組織。
一路都係唔知道係唔係有癌症嘅情況下，同時都發現佢有輕微貧血，嗰時貧血都未係好嚴重，咁醫生都係俾咗啲補鐵藥水返去餵，喺一年間都定期一個月或者兩個月都會覆一次診，每一次返去複診血紅素都會跌咗少少，一路都搵唔到究竟係咩原因貧血，而醫生亦都冇咩經驗之談。
到最近一個月返去複診，仲發現到佢腎指數已經去到第三期，咁就開始轉食腎糧，之後我上網睇過，腎糧蛋白質就低啲，但係亦都有機會令貧血嚴重咗，食咗兩星期嘅腎糧，去血紅素比之前跌嘅幅度多咗，跌咗差唔多2%，但係醫生依然都係冇任何嘅對策。

我想問吓大家，九龍區有冇醫生介紹，會有多啲經驗可以大家一齊去搵吓貧血嘅原因呢？

19歲 唔好要佢咁辛苦啦

佢精神架，行得走得跳得食得

好多cancer都會貧血

腎病都會貧血嫁
打左造血針未

最緊要24唔好去shity 獸醫 同太平道
貓嘅對面海多啲出名
紅磡個竉X 有冇睇過 好似幾出名

黑店太出名嘅我都識，竉X 我都上網睇過幾多人揀，話3 位醫生都唔錯，都諗住今日打去睇吓約到幾時

佢未有腎病已經貧血，有咗就更嚴重😵‍💫 佢造血功能幾好，之前無打過，不過嚟緊會睇情況

我隻貓上年都確診腎衰竭3期，甲狀腺過高同貧血。喺旺角麥花臣寵物診所睇，一年間餵水、食甲狀腺藥、腎藥、鐵水和打造血針。目前情況已穩定，由起初半個月要覆診一次到現時3個月才一次。
不過嗰度有好多醫生，我之前嗰個好進取，現時嗰個好細心

之後都無再貧血？我貓嘅血紅素一直都上唔返正常

有好轉，接近正常水平，所以仍要隔3週打一次造血針及每日食鐵水

我隻貓都睇開旺角麥花臣 張醫生幾好人問症問得好詳細

我都係睇佢，佢好細心，還畫圖來解釋造血針和鐵水對隻貓既幫助，幾可愛

你喺麥花臣睇邊個醫生？

咁點解睇醫生？明明係見到有陰影 所以先抽針
抽完針又話唔可以排除有冇淋巴癌
19歲啦
仲行得走得就唔好等死亡到個陣先準備接受死亡
除此之外，仲有冇方法令佢第十九年過得開心啲更有回憶可以記住你呢個主人？

Dr. Ricky Chang