我炒股輸咗自己95%學費同生活費

首先交代下我背景同開始炒股嘅原因先，冇興趣嘅可以跳咗佢：

我係今年啱啱year 1嘅大學生，家境唔算太差，有公屋住有三餐食，但係我知道要我父母幫手畀哂學費會增加佢哋好多財務壓力，又因為家庭財務狀況有啲亂，過唔到學資處嗰關攞唔到資助，所以同父母傾好咗，學費開sem佢哋借住畀我先，之後嗰幾個月我打工分期還畀佢哋。

咁我上個sem打工又比較落力，日常開支又用種種方式壓低咗，仲唔知點解無端端畀人nominate攞咗一筆金額唔細嘅奬學金，上個sem完咗剩低嘅錢夠我畀哂今個sem學費有多。但係因為我學費唔駛一次過畀哂，我當時就揾緊有咩冇風險嘅投資可以被動賺少少生活費，至少中午嗰餐可以食好啲。

機緣巧合下，我畀一個證券行嘅開戶優惠吸引咗，淨係放一萬蚊落去就有成千蚊攞返。咁我就開咗個戶口，睇睇下又發現佢個基金幾吸引，就開始接觸呢啲有少少風險嘅投資。真係開始一去不復返係有日唔知點解個證券行畀咗張現金卷我，只要買一隻股就有差唔多一舊水送。我做咗下功課發現某啲股係有趨勢睇，趨勢好嘅話可以有穩定回報，玩落去同基金差唔多，咁我見我基金又真係日日賺少少，就開始咗玩股票。

之後開始就係我玩到輸哂嘅原因，想恥笑我可以從呢度開始睇：

我開始玩股票本來都只係玩下，點知我咁鬼好彩揀中隻股跌咗幾個禮拜開始反彈，但係我嗰時邊識睇呢啲，買咗一股第二日就升咗五六蚊usd，見真係仲好過基金，就開始從基金搬錢過去。咁我當然有做功課，知all in係大忌，我就用月供玩法，打算每月供兩三股。

因為嗰排忙，又唔係好知個市係要睇嘅，隔咗個幾禮拜先再開app供股，不得了，嗰期隻股大跌，兩股就食咗我成千蚊。因為我知要止蝕，即刻賣咗，但係賣咗又唔甘心，上網研究點樣可以回本，知道咗「做空」同「期權」呢兩樣嘢。不過期權實在太多反面教材，我嗰時唔係好敢玩，就買咗少少做空嘅etf，又咁好彩畀我回到本。雖然我回本就走咗，但係見隻etf升到停唔到，個風氣又吹緊熊市，我就又入返場，仲要幾重倉下。

又真係咁唔好彩，我高位入咗，佢就反彈，返完一日學一睇冇咗成20%。我好想救返我本金，幾個鐘網上睇咗下股票同期權一啲基本嘢，第一次認真炒咗一晚股，又摸咗個高位買咗張put，贏返10%。

本來以為第二日可以再接再厲回返本以後唔再掂股票，點知有個CPI，硬生拉哂成個市，我張put開市價已經係跌咗50%，本來打算20%止蝕都冇用埋。我越嚟越心急，不斷買call買put，一個鐘就輸到淨返一千蚊，終於冷靜返，收手。

呢一千蚊我cash out咗，del咗個證券app，後悔又後悔過咗個零鐘出咗呢個post。我雖然仲差我父母一皮學費，但係至少呢半個月難捱都叫捱得到，錢仲有辦法揾返，喺眾多炒股輸身家嘅人入面算唔上乜。但係炒股輸身家嗰啲案例可能太極端，大家，包括我，係想象唔到任何發生喺自己身上嘅可能性。但係如果唔係輸身家，只係輸咗你一個普通人普普通通賺返嚟慳返嚟嘅錢你又接唔接受到？

我其實有後悔過，我呢筆錢唔用嚟炒股而係食咗佢用咗佢我係咪至少唔會唔開心。無論點都好，我呢個post唔係想勸人唔好炒股，只係想同你哋展示一個普通人炒股除咗發達/輸身家之外嘅可能性。當柒事睇下又好，真係幫到某啲人作為考慮開唔開始炒股嘅參考或者炒股心態上嘅參考就更加好。

交幾萬蚊學費
好過出嚟做十年野
之後拎哂結婚買樓嘅錢先一Q清袋
幾皮野畢業2個月人工咩都返哂嚟

又寫得幾好睇
果然係讀過下書

但我覺得你終有一日會再返黎呢個賭場玩

5年後1千蚊對你黎講可能係散紙
10年後你可以有好多個1萬
識得反思下 呢個輸錢既經驗會幫你一世
財經台邊個未試過一日輸10萬呀

咁撚多字一張圖都無

睇FX戰士久留美

總結：輸左幾皮野學費

你頭先係低買all in Tsla call, 應該有10倍

唔好跳

月經文

知錯未為晚也
畀心機讀書，投資去career 比你投機賺得更多錢更多成功感更多女

交完學費 玩番指數啦

好多人都係咁 輸錢輸埋理性,到輸哂理性就返嚟

股票就係賭場
冇咁上下定力真係咪鬼掂
嬴就唔肯放 輸就hold到實一實

有大多數人最後都係輸住走
嬴錢個批都係少部分人

不斷買call買put


本細
d 錢有期限就更加唔好咁玩啦

今日唔係芽吹
都會係明日既久留美咁

我而家輸緊錢，feel到自己就快輸埋理性

師兄你得咁少本梗係玩唔到啲咩啦
人生太短 出手要更大
你要玩期權玩到幾十萬本先會見到成效
我玩幾十萬期權咪又係會升幾十萬再跌幾十萬
見得多就好閒

入一皮輸剩1000，仲有開户1000，實輸8000
算平啦，正常出去做陣part time都有係到

熄機瞓覺

師兄 打個飛機冷靜下 再諗下點解輸

點玩法

因為今日係咪買入買出tesla,雖然我唔係用好多本金玩，大概6萬左右，而家加加埋埋輸左3000蚊，有啲心灰意冷

樓主聖人mode confirmed

這段粵語內容講述了一個大學一年級學生從開始接觸股票到最終虧損的經歷，並反思這段過程帶來的教訓。以下是主要內容的梳理：

---

### 背景與動機
- 經濟壓力：作者家境普通（住公屋），父母難以負擔學費，因此約定學費先由父母墊付，自己再打工分期償還。
- 意外資金：上學期打工省錢加上意外獲得一筆獎學金，攢夠了本學期學費，並想用剩餘資金做「無風險投資」賺取生活費。

---

### 進入股市的契機
- 證券行優惠吸引：被開戶優惠（存入1萬港元送1千港元）吸引，開始接觸基金等低風險投資。
- 初次嘗甜頭：偶然用現金券買股後短暫獲利，發現股票收益比基金更高，逐步將資金轉向股市，並嘗試「月供」方式分散風險。

---

### 虧損的轉折點
1. 首次失利：因學業忙碌未及時關注市場，持股幾週後大跌，被迫止蝕虧損上千元。
2. 試圖回本：研究「做空」和「期權」，雖靠做空ETF短暫回本，但受市場熊市氛圍影響重倉進場，卻在高位買入後遭遇反彈，單日虧損20%。
3. 賭徒心態爆發：為挽救本金，臨時學習期權操作，雖一度挽回部分損失，但隨後因CPI數據公布導致市場劇烈波動，期權合約價值暴跌50%。
4. 失控與崩盤：急於翻本下頻繁交易（買call/put），一小時內幾乎賠光資金，最終只剩1000港元，被迫退出市場。

---

### 反思與警示
- 後悔與無奈：作者後悔將辛苦省下的錢投入股市，認為若用於消費至少不會如此痛苦，但仍需面對欠父母的學費債務。
- 並非極端案例：他強調自己不算「輸身家」，但普通人虧掉積蓄已難以承受，藉此提醒：
- 股市除了「暴富」或「傾家蕩產」的極端案例，更多是普通人因貪念、僥倖逐步陷入虧損的現實。
- 投資需謹慎，尤其避免用「必要開支」的錢冒險，並警惕高風險操作（如槓桿、期權）。

---

### 核心啟發
作者並非勸阻炒股，而是以自身經歷展示：
1. 市場的不可預測性：即使做功課，新手仍易受情緒驅使做出錯誤決策。
2. 風險承受能力：虧損的不只是金錢，還有心理壓力與生活品質的影響。
3. 投資心態的重要性：避免「回本執念」導致更大損失，認清自己是否適合高波動投資。

這段經歷如同一個警示故事，提醒讀者在進入股市前，務必衡量自身條件與心態。