一齊咗10年想分手

感建分

女去到3x真係難搵d另一半嫁咩？

男女都係啦
我覺得人去到3x
一來社交圈子定型咗
二來生活多咗好多野，重心唔會放係感情到，少咗動力


我覺得啦～

明白呢啲moment唔應該要條女氹返轉頭
但好似大家所講，佢哋實質點相處真係無人知
點為之發脾氣先？同埋原文好似無講過條仔要樓主氹？
我覺得如果條仔真係唔識得體諒的話
樓主絕對有理由屌柒佢，或者至少坦白講出自己感受
既然講到10年感情咁穩定，條仔正路唔會唔體諒掛？

同埋有一點關於結婚想提出討論下
講真10年貨仔，31歲，正路點都應該拉埋天窗
咁點解會未結婚呢？係條仔唔想結？
定還是樓主覺得佢太幼稚而一路hold住？
講真如果係樓主唔想結，條仔根本已經ready好娶佢
呢個都係一個好大嘅問題
站在條仔角度明明感情穩定都唔願意結婚
唔多唔少都會影響兩個人嘅相處
（或者唔好分男女，一個想結一個唔想結都好大問題）
上面有師兄都提出，條仔有可能覺得樓主用屋企人病嚟做藉口
我覺得唔係無的放矢
結合埋樓主不明所以地唔想結婚（假設）
其實條仔心理上都一定唔會好過

點都好我都係9up 無人知佢哋真實係點
唯一就係等阿樓主上水講多啲details

你當啲妹妹仔傻㗎

要唔要氹返條仔，我覺得值得商榷
但師兄呢句「無人有責任承受他人嘅責任」
我覺得真係金石良言
每個人都要為自己而負責
另一半或者可以同自己分憂
但唔可以理所當然地認為另一半要take care埋自己
甚至乎覺得對方唔體諒你就係對方問題
條仔如果真係有發脾氣，我會覺得唔啱
但樓主無好好同另一半講清楚自己嘅難處
單方面認為佢唔體諒自己而想分手
搞到咁嘅田地樓主絕對都有責任

nice

物以類聚，兩個差唔多level，有十年感情，肯定有自己衰嘢唔講出嚟。而家只係搵個理由覺得分手合理化

上網出po 當然隱惡揚善啦
唔會信足囉

所有野都同你好似好徬徨完全唔知點，年紀上又係個分水嶺，人好容易有轉變，唔知對方想變成點，只要冇共識就好容易一下拉遠左
要開始過段新關係又係怕有轉變問題，搵後生少少怕步伐有差距，大少少又怕佢太急太chur現實條件
真係唔知想點

溝通唔到，佢唔明我嘅悲傷/憂慮，亦唔會將自己嘅感覺分享...同事飯腳食飯都多野講過同男朋友（唔代表我想溝個同事）


有拖拍同無拍拖差唔多，覺得好孤獨

唔係我唔想，係無得揀
我有自知之明，30歲中女喇，身邊嘅筍盤都封曬盤，就算有都揀18 22啦！

恭喜你同你個ex
大家都行返適合自己嘅路

我反而覺得樓主個問題係 佢一直太習慣獨立去處理自己問題 冇畀機會男朋友去照顧佢

男性都會有保護慾 會有照顧人嘅想法 問題係你要點樣激發出嚟 感覺樓主係一個幾強嘅女性 可能好多事都會想自己搞掂 對男朋友嘅要求可能係只要佢take care到自己唔駛我照顧翻轉頭就ok 但好明顯其實自己內心係想享受一下被男朋友照顧 咁樓主首先係要示弱 畀男朋友見識自己嘅脆弱 需要佢好好呵護 樓主應該趁現在家人出狀況 好好傾訴自己嘅壓力和困難 讓男朋友想辦法去抒解你不安的情緒 當佢知道你原來係需要佢去幫 需要佢照顧 就會開始有承擔

呢個係可能性 當然 如果發現冇愛就冇必要了

失去左愛人能力

佢個d野都唔係十年先發生嘅野啦

其實未開始又點知唔適合
睇定咗又唔代表唔會分手 得體地落幕都係一種學問

俾你男朋友搵過個新男朋友啦