妄想症發作疑妻出軌女非親生 七旬翁夜半潑熱粥揮刀砍妻女 判無限期醫院令 暫委法官林穎茜：望被告早日康復 與家人團聚

12:03 2025-03-10

74歲男清潔工受妄想症所困，懷疑同齡妻子紅杏出牆，女兒非由自己親生，前年3月深夜乘妻女入睡之際，先用熱粥潑灑，再用菜刀砍向2人，造成妻女額肩等多處受傷，分別有百分之三至五面積燒傷，需留醫9日。清潔工早前承認2項蓄意傷人罪，受傷妻女等人到場支持。暫委法官林穎茜今日於高等法院按精神科醫生建議，判處被告無限期醫院令，望被告早日康復，與家人團聚。

林官引述辯方求情指現年74歲被告何文添原定居內地，1993年來港，與妻子成婚逾50年，一直關係融洽，直至約10年前起，被告懷疑妻子有外遇，長女非己所出，曾聘請私家偵探調查惟無發現，鑑定報告亦顯示長女乃自己親生，然而被告仍不相信報告結果。林官又引述創傷及精神科報告指2名事主現已康復，而被告則診斷出妄想症，治療效果不佳，症狀仍然活躍，對社會構成暴力風險，建議判處無限期醫院令。林官判刑指案情嚴重，案發出於被告罹患妄想症，遂按建議判處無限期醫院令，望被告早日康復，與家人團聚。

案情指，案發時被告何文添妻子潘五妹（音譯）均時年72歲，長女何惠芬時年48歲，夫婦同住海麗邨海和樓某單位，長女不時前來留宿。被告一直懷疑妻子紅杏出牆，長女非由被告親生。2023年3月19日妻子生日當日，長女再次前來留宿，晚上10時半左右，被告先行回房進睡，妻女1小時後到另一房間就寢，半夜突然感到臉部灼熱疼痛。

長女看到被告手持菜刀站在房門，母親身上有血，於是勸阻被告。妻子無法張開眼睛，聽到長女大叫「爸爸，唔好咁做呀！」被告其後用刀砍向長女，長女用雙手擋格，嘗試口咬被告，糾纏數秒期間被告砍中長女頭部1、2次。妻子張開眼離開床，看見被告手持菜刀，長女緊捉被告雙手，頭部流血，血跡滿佈客廳睡房。妻子大叫勸阻被告，被告喃喃自語，糾纏過後菜刀掉落地上，被告隨後離開。長女拾起菜刀，將母親拉入被告房間後反鎖房門，凌晨5時半左右報警求助。

警方到場拘捕被告，被告警誡下承認曾用熱水潑向妻女，再用菜刀砍向2人。被告在錄影會面中交代，案發當日起床時感到惱怒不安，雖無證據，但懷疑妻子紅杏出牆，長女非由被告親生，遂到廚房拿起菜刀到妻女進睡的房間，用熱粥倒向妻子頭部，刀砍妻子右肩，2人醒來後長女與自己糾纏，過程中或許砍中長女，長女拾起菜刀後將2人反鎖房內。

妻女最終各自留院9日後出院，妻子額側有4厘米長傷口，左前臂手背側受傷，1厘米乘1厘米筋膜斷裂骨折，臉部等全身有百分之三面積燒傷。長女前額、頭左側、左後頸分別有8厘米、5厘米及3厘米傷口，左前臂及胸部割傷，臉部等全身有百分之五面積燒傷。

案件編號：HCCC226/2024

判處被告無限期醫院令，望被告早日康復，與家人團聚

我媽都有類似症狀,,但比較輕.

妄想症即係偏執狂. 一但佢相信一樣野, 就算客觀環境完全予盾, 旁邊既人點解釋都冇用.

好彩我阿媽都係偏執啲小事..

無限期醫院令到底會唔會放返出來

呀女應該望佢坐一世

應該要證明佢康復先會放返出嚟

再斬過

制度有冇用就唔知

但係如果個制度有用嘅話，佢出得嚟嘅話，都應該唔會對其他人有威脅

都好黑心

佢岀黎仲邊有家人

會
好似兩個醫生簽紙就得

好難好難
唔知要幾多個醫生簽名先可以放

岩岩先望到長女都48歲

有冇得探監嫁?
我係佢老婆//女我就每個月去刺一刺激佢

同坐一世無分別

望被告早日康復，與家人團聚

細細聲同佢講我真係有勾佬等佢永遠好唔返

咁老好難好得返架啦,我阿爺以前都係咁上下,一時好正常一時鳩下鳩下,本身脾氣又暴躁
無佢咁癲拎刀,不過都有打我阿嫲,最後送左入青山一路到老死

講真就咁睇

都應該唔係詐傻扮懵

條友應該真係需要幫助

咁做得佢妻女，都應該體諒佢嘅

好似簽左要上身
有咩事會俾人告
所以會簽既機會極微

有殺無賠

兩個
簽咗出嚟再犯會告兩個醫生發假誓
所以餘生極低機會會完全自由

咁會唔會有渡假嗰啲