水肺潛水疑難
Q:自由潛水同水肺潛水有咩分別?
A:自潛係近年興起既運動,要一口氣閉氣下潛到上升。水肺就咩樽落水,可以係水底呼吸。兩樣野雖然好似但係完全唔係同一回事,需要既技巧技術都唔同,自潛比起水肺有危險,雖然睇落門檻好低但都建議上堂學好安全技巧。
Q:水肺潛水有無危險嫁,唔識游水學唔學得?係咪100%成功
A:一般休閒潛水有風險但唔高,跟足指示注意安全就好少發生意外。
其實係綠島浮潛出事機率高過潛水。
唔識游水都學得,我就係最佳例子。不過首先要唔怕水同埋需要花更多時間心機去學,建議學之前體驗潛水先。
另外一定要過到PADI既上堂標準先會出牌,唔係100%成功,你怕水怕到連望落海都唔敢就唔洗諗。
怕水既定義係你望落水會驚,戴面鏡會驚,踩唔到地會驚。
有浸親過既話成功潛到水既機率實測真係好低,想試又擔心唔得既可以浮潛下先。
Q:係香港學定出去學好?
A:香港學就方便,時間可以就星期六日唔洗請假。國外學就水靚啲多野睇啲,一般上堂都係3-4日。
有人話香港上堂係練技術,因為一般能見度都係2-3米。我自己覺得如果學果陣都唔靚就好難吸引人繼續玩潛水。如果你易緊張,建議去外地水清既地方學,個人會放鬆D。
Q:新手應該買咩裝備。
A:先確定自己會一路玩潛水,否則買完第二年就囉去賣。
Mask>Fin>wetsuit=computer>REG+BCD呢個順序慢慢買,一套裝備保養得好可以用十幾年
Q:咁多潛水牌要考到幾時
A:如果你淨係玩,考到AOW加多個高氧專長就夠用。
Q:唔同機構有咩分別
大型機構如PADI, SSI, NAUI, CMAS等等,學既課程內容要求唔同,但都係國際通用既潛水機構,唔會話你渣住PADI去SSI既潛水機構就唔比你潛。係非專業既程度下,你考完SSI既初階係可以考PADI既進階。
Q:中性浮力點先練得好
首先中性浮力同配重有最直接關係
理想既配重係1.水面排曬氣下潛應該係慢慢落 而唔會一下沉曬落底
如果一下就沉到石咁就係配太重
2. 準備結束 做safety stop果陣 唔會因為氣變少浮力增加而飄上水
會飄上去就係配太輕
配重之後就係BCD充氣啦
你能夠下潛就一定係負浮力 所以必然需要充氣
理想既配重係大概10米地方只需要充1-2下BCD就夠
記住一點 充排氣唔係亂咁用既 唔係想上就充 想落就排
你要慢慢感受佢 咩意思呢
當你係10米做左中性浮力 理論上8-12 3米之間應該唔需要點再調整
中性浮力=你唔踢蛙鞋 應該會係水層中間跟住呼吸微上微落
所以係潛既過程當中 你踢每一下應該係水平移動
如果你踢完一下/一靜止唔踢果陣會直接下沉 就代表你浮力不足
需要充氣
但就有個大前提 你個人既姿勢要夠水平 否則你如果身體向上既話就會向上踢
水底下面既上落係我地既膊頭控制 唔係你既頭部
所以正確姿勢應該係好似係床上玩手機咁
身體水平 條頸抬頭向前望
有興趣黎綠島玩或者學潛水歡迎問我,想推薦其他潛水店或者住宿問題都可以問,有問盡答!
http://t.me/ProDiverOscar