大埔Lulu（董嘉儀）接受訪問，坦言已經有一段相當長的時間沒有接觸足球。她說：「點解我會消失咗一排呢？之前都有好多嘅留言，所以我都有一排冇接觸過足球，至於點解我會參加呢，就要睇個節目啦。」
在去年正式入職一間IT公司擔任銷售員的Lu Lu，透露工作內容主要是外出見客，處理及介紹器材訂單等。她說：「我喺幕前都差唔多有10多年，做過Model、足球寶貝，之後做主持同埋拍電影，甚至幾年前做咗瑜伽老師，隨着年紀增加，自己想穩定啲經朋友介紹就入咗一間IT公司。我係做採購部，對一啲政府部門同埋私家醫院。」
她坦言，工作收入是多勞多得，雖然還是朝九晚五的工作，但也需要外出見客，工作了幾個月後也適應了。「呢幾年目前收入都係大上大落，所以我想穩定啲。我都會繼續幕前工作，但係都要有份『底』先。」她提到，出席公司周年活動時，亦曾聽過有人好奇她為什麼會出現。「喺公司做嘢，開頭都有呢啲評論同是非，自己都有個心理關口，我可唔可以坐定定返一份正職？但係做落咗之後呢個關口就過咗啦。我諗返起，十幾年前都俾網民，受過呢啲評論，其實已經慣㗎啦。」
