大家好，小弟係新手作家水絲日船
簡介
大家有無諗過，如果你嘅人生從新開始，咁耐以黎嘅發達機遇食正晒，你嘅人生會變成點？
第一章：係咪連個天都唔鐘意我？
「2025年2月21日，恒生指數全日上升900.94點，收報23,477.92點，突破上年10月高位，創下今年新高。市場人士指，科技股帶動大市上升，投資者信心顯著回升……」
我係阿祖，全名陳光祖，我老豆幫我改個名真係改得好聽，想我光宗耀祖，為屋企帶黎希望，可想而知，事與願違…….
我今日又Port sick了，坐咗係屋企得豆潤咁細嘅沙發，望住部20年都無換過嘅大牛龜電視，新聞報道嘅聲音好似把刀咁一下一下咁咭落我個心到。我望住電話個牛牛apps上面嘅資產數，係0，我成個人都呆咗。無錯，你無估錯，我爆左倉。我將我人生最後嘅50萬都輸埋，呢個亦都係我最後嘅翻身機會。
我32歲人，人生一敗塗地，住喺呢間得300呎豆潤咁細嘅公屋，訓廳訓梳化床，32歲人連一間自己嘅房都無，我老豆老母話我阿妹咁大個女要有私人空間，你間房讓比佢訓啦。屌你，咁我呢？我咁大個人都要有自己嘅私人空間嫁！唔好話換衫，訓教呢啲野先，最起碼我唔洗次次打J都要喱埋喺廁所搞掂呀！你地班仆街仲要成日咁岩喺我就黎得個下先走黎敲門，有無理過我感受呀！？
我一家四口，老豆做中港司機，老母做清潔工，日日早出晚歸，好小喺屋企，搵又搵得雞水咁多。仲有個阿妹叫阿欣，而家讀緊大學，靚女，身材好，又聰明，自從我阿妹出咗世之後，我喺屋企嘅地位直接降到食物鏈最底層，我老豆老母將所有希望寄托晒比我個妹。
我無錢，無搬出去嘅能力，逼住訓廳，阿欣就日日比說話我聽mean鳩我。記得前幾晚，佢喺房同朋友傾電話，啲聲傳咗出嚟廳：「我哥真係無用嫁，樣衰又搵唔到錢，三十幾個人都仲係A0呀，Zoe咪岩岩散嘅，佢之前聽到我話有個阿哥，咪問我攞張相望下，諗住求介紹，點前佢睇完靜咗，之後問我，你確認佢係親生？笑到我…..」我攤喺沙發床 「我屌你咩！我話晒都係你阿哥呀，有無尊重呀仆街！同埋間屋好大呀？洗唔洗講嘢咁撚大聲呀？」
我心諗…………我當然無出聲扮聽唔到……
我喺一間細公司做文員，大學畢業就做到而家，咁多年都無點加人工，我心態都係求求其其，月入兩皮算啦，賺錢就緊係靠投資嫁啦。我外表平凡，係街見到都會有幾個同我撞樣。A0，近排鐘意咗我公司新黎嘅女同事Jennie，佢真係好靚女，有身材之餘仲散發出高貴嘅氣質，每日返工都著住條短裙黑絲，高踭鞋，身上散發住浸好誘人嘅香水味，真係引死人。可惜，我連做兵嘅資格都無，平時行過連眼尾稍我一下都無。
好啦，講咗咁耐，都係時候要講返我爆倉呢單野，你地唔好諗住笑鳩我，我知你地個個都一定成日諗住可以快啲財自，唔返工，嘆世界。我只係黑左啲姐，買乜輸乜姐，我只從出黎做野之後，開始接觸唔同投資產品，股票，期權，牛熊，crypto，仲自學咗啲咩K線（陰陽蠋)，MACD（移動平均線），RSI(相對強弱指標)，乜野區塊鏈去中心化技術，靠住呢啲知識，技術，嗰世界仲唔係我嘅？
前兩日，我係公司扮工個時whatsapp阿峯吹水，佢係我由細到大嘅唯一好朋友：「阿峯，我分析過恒指嘅RSI，已經去到超買水平，今舖恒指一定會落返17000點附近，我已經問咗間財仔借左50萬，諗住一嘢轟落去買熊証，今舖我仲唔一嘢財自？🤑🤑🤑」
阿峯：「仆街仔，你唔好亂嚟呀，你講左咁多次，有邊次係買中賺到錢嫁，你個個月都賭晒成副人工，一時又話Nvda會繼續跌，一時又話eth今個月會上5000，你咁玩法就黎連飯都就無得開嫁啦，你今次仲借咁多黎買，唔好癲啦？😓😓😓」
我：「睇撚住呀！我今次真係睇得好準，唔好話我發達唔預埋你」
阿峯：「睇定啲先啦，似仲有得升唔好亂黎呀🫣」
我：「屌，唔信就算！」
阿峯：「唔係唔信你呀，但50萬唔係小數目，你記唔記得上年呀，你講Trump一定選唔到總統，bitcoin之後一定大跌，結果唔夠一月就由6萬衝咗上10萬啦，個次你借左我10萬short Bitcoin，唔夠一個月就輸晒，呢10萬，咁多年兄弟我算，你有錢先還比我都無所謂，但係今次講緊幾十萬呀，你真係玩緊命呀！」
我無再覆阿峯，我心諗，今次唔同之前嫁啦，我研究咗呢個趨勢足足一個禮拜嫁啦，恒指有乜可能日日都升，星期五開市我就allin 50萬，收市一定收枝大陰蠋！
放底左部電話之後，Jennie咁岩係我側邊行過，望住佢對黑絲腳，再望住佢個樣，我偷偷索咗下佢行過留低嘅香水味，我暗笑，等我今舖搞掂，你仲唔係屬於我嘅？
時間去返而家，我電話響起，原來係財仔打黎：「喂，陳光祖呀嘛，你上個月問我公司借咗50萬，今日要還啦咼，啲錢準備成點？」
我無出聲，靜咗5秒
財仔：「你啞撚左呀？問緊你嘢呀！」
我好平靜咁答：「我聽到，你比啲時間我準備。」其實我心裡已經知道無可能還到呢筆錢，可以借錢嘅途徑我都已經借晒，我已經走投無路…..
財仔：「得，我比多2日時間你，你星期一下晝2點準時攞55萬上黎我公司，唔係我就直接上你屋企斬你老豆老母啲手手腳腳出黎！」
我直接收線，我已經唔想再講任何野…..
我呢一刻剩係諗到阿峯，佢係我最後希望，得返佢可以救到我，阿峯同我好唔同，由細到大都佢好叻仔，轉數又快，又得人鐘意，到我地大學畢業之後，我求其搵左份文員仔做，而佢目標就好明確，一定要做老闆，到而家已經係港九新界開咗五六間餐廳，期間仲好快結埋婚，生咗小朋友。
我WhatsApp阿峯：「峯，我爆倉咗，50萬無晒…….」
峯：「我睇到今日個市，我仲心存希望你真係聽我講無入市…..」
我：「可唔可以幫幫手借55萬比我還咗條數先？下星期一還唔到佢地話會斬我老豆老母」
峯：「多我真係借唔到，頂盡20萬，公司個到好多數等住周轉呀」
我無回覆，我軟咗咁攤咗喺沙發，喺到諗，其實我知峯佢已經盡力幫我，人地有家庭，有又自己嘅事業，同我完全係兩種人黎，佢仲肯同我做兄弟，我已經無悔。
我攤左係沙發仲諗緊應該點算嘅時候，老母突然喺廚房攞住啲洗咗嘅衫褲出黎話：「阿祖呀，好心你啦，呢啲時間你都喺屋企，你係咪比人炒左呀？下個月你比唔比到家用我嫁？好心你啦，學下阿欣，阿妹讀大學咁耐，一毫錢都無問過我地攞呀，你呢？家用都唔係個個月比到我呀！咁大個人係屋企痴飲痴食！」
我媽嘅說話，徹底壓死咗我心中最後一根稻草，我大嗌咗一聲：「呀！！！！！」，隻手拎起茶几上面個水杯，好大力咁掉咗落地，玻璃碎碎到一地都係，呢一刻我已經覺得無野可以留戀，我即刻開門衝左出去走廊，搭𨋢上天台。
天台係我避世嘅地方，我每次輸錢都會上呢到反思下係我邊一步做錯，係我嘅技術分析做得唔夠好，定係係個天真係想玩鳩我？但今次我已經無得再補救，我無好似平時咁坐係天台門口側邊個張木凳，我直接踩上天台嘅邊緣，諗都無諗就跳左落去。
資產總額：負1,500,000港幣 （包括之前欠落嘅債）
「穿越」《回到過去，掌握所有財富密碼，人生會點？》
水日絲船
19 回覆
3 Like
0 Dislike
第二章：機會黎啦飛雲！
「喂！阿祖醒吓啦！你瞓喺瀡滑梯做乜？」一隻小手係咁拍我塊面，我迷糊地張開眼，見到有個肥仔企咗係我面前，著住小學校服，斜揹住個水樽，我捽一捽眼，望住四周圍嘅環境，有啲陌生但又好似有黎過，呢到係一個有好大好高繩網陣嘅公園，周圍有好多小朋友喺到跑黎跑去，好大聲咁喧嘩緊，而我就坐咗係側邊個條瀡滑梯到。我心諗乜地獄原來咁嘅樣嫁？同平時無分別嘅？我望住個小學雞，我個心充滿疑惑，我對住佢講：「乜而家地獄牛頭馬面好缺人呀？做乜搵你呢個肥仔黎接我嫁？」我聽到自己把聲突然嚇咗一嚇，心諗，屌！乜撚嘢事？我做乜把聲變到咁尖，小朋友咁嘅喂！
肥仔講：「阿祖你講緊乜呀？咩牛頭馬面？你琴晚偷偷地睇電視黎呀？講啲嘢咁奇怪嘅？」
我望住個肥仔，心入面突然諗起阿峯細個個樣：「你…你係阿峯！？」
肥仔：「我唔係阿峯係邊個呀？」
我呆一呆，好大聲咁吓咗出黎，再講：「今…今日係咩日子？」
阿峯：「咩呀，咪我地放咗學過黎玩囉，我地平時都係咁嫁啦…..」
我再講：「唔係呀，我係問今日係邊年邊月邊日呀」
阿峯笑住答：「今日咪1997年6月29號囉，老師仲話聽日就係咩香港回歸咼，都唔知佢講乜！」
我呢一刻係真真正正咁呆咗係到，我個腦轉唔到，心諗，咩事呀，乜呢個世界真係會有穿越發生嫁？睇緊TVB呀？1997年？咪玩啦！
咦！咪住！我返咗1997年，但我有晒我咁多年嘅記憶喎，我記得晒咁多年黎發生過嘅事喎…咁咪…..？我突然間大笑咗聲：「哈哈哈！我返咗1997年，正呀屌！」
峯好大力咁敲我頭：「喂，唔準講粗口嫁，我話比老師知嫁！」
我摸一摸個頭，好痛但個表情笑到成個弱智咁，心諗呢舖我發達啦！原來個天唔係玩鳩我，佢係想比機會我重新再黎過，仲要係比我穿越返我細細個嘅時候重新開始，呢獲掂啦！
我企起身，望一望個天，好藍好晴，我望到嘅世界唔再係一片灰暗，好似有返希望，我知道我今次一定會過得比之前好，因為我知道32年黎所發生嘅一切資訊同知識，無論而家呢個小學雞峯信唔信都好，我都好想將呢件事分享比佢知。
我搭住阿峯膊頭，笑住講：「阿峯，你信唔信我其實已經32歲，不過我穿越咗返黎，進入返黎我5歲嘅身體？」
佢呆咗，笑住答：「我信呀！你今日古古怪怪咁，又多野講，都唔似你平時嘅，雖然我唔知你講緊乜，不過你講乜我都信嫁！」
我笑住講：「好兄弟！我會帶你飛！簡單啲講，你會有好多錢，你之後想買乜都得，唔洗問你老豆老母攞零用錢嫁啦！」
阿峯笑住講：「哈哈，好呀好呀，我要買Gameboy！」
我：「到時你想買乜就買乜啦！」
呢一刻我極度亢奮，我已經開始慢慢盤算緊，我之後應該要做啲咩，我慢慢回想返，回歸之後嘅金融風暴、科網泡沫、沙士、金融海嘯…….屌！太多嘢啦，一時之間好亂。
我同阿峯行咗去公園嘅鞦韆，佢推我玩，我坐喺鞦韆上，我發呆咁望住啲小學雞跑黎跑去心諗：之但係，我第一步要點做？我而家先得5歲，錢又無，連股票戶口都開唔到。屌，要點做？應該要搵老豆老母幫手？佢哋會唔會信我？十幾萬樣野喺我腦入面轉緊。
「你做乜發呆呀？」阿峯喺我後面一路推鞦韆一路問
「無，我諗緊點發達姐」我跳咗落鞦韆，攞咗佢個水樽飲咗啖水。
我再講：「我走先啦，我返屋企先，whatsapp啦！」
阿峯一臉疑惑：「咩係whatsapp呀？你講嘢咁難明嘅，好啦咁，拜拜，聽日見啦！」
阿峯，多謝你信我。上一個人生我瀨咗嘢，今次我唔會再輸！亦都唔會比我老豆老母，尤其是係阿欣，再睇我唔起！
資產總額：0 港幣
「喂！阿祖醒吓啦！你瞓喺瀡滑梯做乜？」一隻小手係咁拍我塊面，我迷糊地張開眼，見到有個肥仔企咗係我面前，著住小學校服，斜揹住個水樽，我捽一捽眼，望住四周圍嘅環境，有啲陌生但又好似有黎過，呢到係一個有好大好高繩網陣嘅公園，周圍有好多小朋友喺到跑黎跑去，好大聲咁喧嘩緊，而我就坐咗係側邊個條瀡滑梯到。我心諗乜地獄原來咁嘅樣嫁？同平時無分別嘅？我望住個小學雞，我個心充滿疑惑，我對住佢講：「乜而家地獄牛頭馬面好缺人呀？做乜搵你呢個肥仔黎接我嫁？」我聽到自己把聲突然嚇咗一嚇，心諗，屌！乜撚嘢事？我做乜把聲變到咁尖，小朋友咁嘅喂！
肥仔講：「阿祖你講緊乜呀？咩牛頭馬面？你琴晚偷偷地睇電視黎呀？講啲嘢咁奇怪嘅？」
我望住個肥仔，心入面突然諗起阿峯細個個樣：「你…你係阿峯！？」
肥仔：「我唔係阿峯係邊個呀？」
我呆一呆，好大聲咁吓咗出黎，再講：「今…今日係咩日子？」
阿峯：「咩呀，咪我地放咗學過黎玩囉，我地平時都係咁嫁啦…..」
我再講：「唔係呀，我係問今日係邊年邊月邊日呀」
阿峯笑住答：「今日咪1997年6月29號囉，老師仲話聽日就係咩香港回歸咼，都唔知佢講乜！」
我呢一刻係真真正正咁呆咗係到，我個腦轉唔到，心諗，咩事呀，乜呢個世界真係會有穿越發生嫁？睇緊TVB呀？1997年？咪玩啦！
咦！咪住！我返咗1997年，但我有晒我咁多年嘅記憶喎，我記得晒咁多年黎發生過嘅事喎…咁咪…..？我突然間大笑咗聲：「哈哈哈！我返咗1997年，正呀屌！」
峯好大力咁敲我頭：「喂，唔準講粗口嫁，我話比老師知嫁！」
我摸一摸個頭，好痛但個表情笑到成個弱智咁，心諗呢舖我發達啦！原來個天唔係玩鳩我，佢係想比機會我重新再黎過，仲要係比我穿越返我細細個嘅時候重新開始，呢獲掂啦！
我企起身，望一望個天，好藍好晴，我望到嘅世界唔再係一片灰暗，好似有返希望，我知道我今次一定會過得比之前好，因為我知道32年黎所發生嘅一切資訊同知識，無論而家呢個小學雞峯信唔信都好，我都好想將呢件事分享比佢知。
我搭住阿峯膊頭，笑住講：「阿峯，你信唔信我其實已經32歲，不過我穿越咗返黎，進入返黎我5歲嘅身體？」
佢呆咗，笑住答：「我信呀！你今日古古怪怪咁，又多野講，都唔似你平時嘅，雖然我唔知你講緊乜，不過你講乜我都信嫁！」
我笑住講：「好兄弟！我會帶你飛！簡單啲講，你會有好多錢，你之後想買乜都得，唔洗問你老豆老母攞零用錢嫁啦！」
阿峯笑住講：「哈哈，好呀好呀，我要買Gameboy！」
我：「到時你想買乜就買乜啦！」
呢一刻我極度亢奮，我已經開始慢慢盤算緊，我之後應該要做啲咩，我慢慢回想返，回歸之後嘅金融風暴、科網泡沫、沙士、金融海嘯…….屌！太多嘢啦，一時之間好亂。
我同阿峯行咗去公園嘅鞦韆，佢推我玩，我坐喺鞦韆上，我發呆咁望住啲小學雞跑黎跑去心諗：之但係，我第一步要點做？我而家先得5歲，錢又無，連股票戶口都開唔到。屌，要點做？應該要搵老豆老母幫手？佢哋會唔會信我？十幾萬樣野喺我腦入面轉緊。
「你做乜發呆呀？」阿峯喺我後面一路推鞦韆一路問
「無，我諗緊點發達姐」我跳咗落鞦韆，攞咗佢個水樽飲咗啖水。
我再講：「我走先啦，我返屋企先，whatsapp啦！」
阿峯一臉疑惑：「咩係whatsapp呀？你講嘢咁難明嘅，好啦咁，拜拜，聽日見啦！」
阿峯，多謝你信我。上一個人生我瀨咗嘢，今次我唔會再輸！亦都唔會比我老豆老母，尤其是係阿欣，再睇我唔起！
資產總額：0 港幣
收手啦呀祖
有吳彥祖咁靚仔就好
都係嗰句，就算俾你back to the Future，知道歷史等唔等於可以改變歷史先？
可能得呢？
第三章：金融風暴
「1997年6月30號午夜，香港會議展覽中心回歸典禮開始，英軍同解放軍同步走入會場，英國國旗同英殖港旗落下，及後國歌徐徐響起，國旗同區旗升起，象徵住香港正式回歸返比中國，香港亦都打開咗全新嘅篇章。」
我坐喺廳嘅沙發，望住電視嘅回歸典禮直播，覺得好感慨，眨吓眼原來已經過咗27年，想當年仲細個，根本就唔會關注呢件事，回到過去，親眼望住呢一刻，1997年呢一年真係徹徹底底咁改變咗香港。
老豆喺我隔離飲住啤酒，食煙，我老母就坐咗係旁邊，我都差啲唔記得細個個時個廳原來可以咁寬敞，仲可以大家一齊坐埋喺到睇電視。
老豆突然開聲：「衰仔！仲唔訓教？仲要睇住部電視睇得咁入神，你知做緊咩咩？」
我心諗，咪玩啦，我熟過你啦，當然我要符合返我5歲嘅人設，但又要扮到好叻咁講：「緊係知啦，老師講今日係香港回歸呀嘛，係香港嘅重要日子黎嫁，所以我都唔可以錯過。」
老豆：「叻仔咼！真係生得似我，你知唔知香港行運啦，有阿爺睇住，實掂呀！」
我輕輕咁點頭hea過佢算，睇完典禮之後，我下意識地就喺張沙發訓低，諗住訓教。
我老母隨即就講：「做咩呀你？眼瞓入房訓啦，扮乞衣仔有房都唔返房訓！」
我突然間醒起，係喎，阿欣個八婆都仲未出世，仲未搶咗我間房用喎！於是我就即刻彈返起，笑住咁跑咗入房。入到房我望一望身邊嘅環境，有張書枱，書枱上面放滿咗小學嘅書同作業，側邊放咗部灰色好大部嘅電腦螢幕，而枱底就放咗一部白色嘅電腦主機，同埋床上面放咗好多玩具同一部gameboy，好懷念呀！我不自覺眼泛淚光，好感概，回想起我童年嘅生活其實都過得開心，老豆當年做中港司機都幾搵到錢，後尾經歷完Sars同金融海嘯，佢輸晒啲錢，同埋阿欣出世之後，我嘅生活先慢慢開始過得唔順。
我坐咗係書枱前，諗下之後應該點做，第一步要做嘅就係遊說老豆老母喺大跌前放晒啲股票，但佢哋點會信我一個5歲嘅o靚仔講金融風暴呢？我攞起咗支鉛筆同本簿，喺上面畫咗啲亂七八糟嘅K線，一野掉低枝筆，心諗：屌，點同佢哋講呀？話我穿越咗，佢哋唔送我去睇精神科都偷笑啦！唔理啦，訓醒先再算。
第二日嘅夜晚，我爬上飯枱櫈，試探式咁問：「老豆，你有無聽過股票呀？」
老豆爬咗啖飯，疑惑咁望住我：「股票？你知係咩咩？」
「知呀！」我拍一拍個心口，「股票就係買啲上咗市嘅公司，佢做得好，咪會升，咪賺錢囉！」
老豆笑咗出聲，差啲噴飯：「哈哈，醒咼，你邊到聽返黎嫁？你老師教你嫁？」
我隨即講：「你唔好理啦，我……我聽老師講，話回歸後經濟會好亂，啲股票會跌到好勁呀！你有股票喺手就快啲放咗佢先啦！」
老母喺廚房探頭出黎：「阿仔，你咪亂講嘢啦，你老豆呢排先喺股市賺唔少！你乖啲啦，唔好聽啲人亂講啦！」
屌！佢哋唔信我呀！我跳咗落櫈，行去老豆面前好激動咁講：「老豆，你就信我呢一次，你見我平時都唔會講呢啲野，我咁樣講我係有原因嫁」
老豆放低筷子，望住我：「阿仔，你叫我點信你？我出去同人講我個仔講黎緊個市會大跌，都比人笑啦」
我再好激動咁講：「唔係呀！我真係知！黎緊索羅斯會狙擊香港市場，佢會係咁沽空，無幾耐恒指就會一路跌，跌到1998年得返6000點咋！到時成個香港會有好多人輸到褲都甩嫁」
老豆呆咗一呆：「你今日真係怪怪哋，講股票不突止，你仲講埋咁多古靈精怪嘅術語，你邊到學返黎嫁？」
我心諗，屌，你地要點樣先信我呀？我越黎越心急，突然靈機一觸，醒起老豆由細到大都好聽阿爺話，亦都好孝順，幾廿年，每個星期都會去拜阿爺於是我話：「係咁嘅，其實係我琴晚訓教，發夢夢到阿爺呀，佢望住我好緊張咁同我講，叫我講返呢翻說話比你聽，佢話你一定要知呀！」
老豆好震驚，睜大隻眼：「咩話？阿爺？佢仲有無講啲咩呀？點解佢報夢比你都唔報比我聽嫁！」
我：「可能阿爺覺得我同你講，你先會信我掛。」我心裡面大大聲咁笑出聲，哈哈，仆街，咁都過到骨，我真係天才！
老豆眼濕濕咁對住我老母講：「老婆，原來老豆仲未投胎嫁？佢係咪一路保護緊我地呀？佢咁樣同得阿祖講一定有佢原因嫁，今次真係要聽啦。」
老母：「係囉，阿祖咁細個無理由識呢啲野，還掂你啲股票都賺唔小，加加埋埋都有二三十萬啦，放晒佢啦。」
老豆：「好，咁我聽日一朝早去證券行嗰到，辦埋啲手續，放晒啲股票佢」
我心即刻鬆咗落黎，乘機再加多：「琴晚阿爺臨走前仲話，佢唔會咁快投胎住，佢想睇住我長大喎！」
老豆忍唔住喊咗出黎，除低副眼鏡係到抺眼淚，而我就慢慢咁行返入房，鎖好門，即刻跳上床好開心咁笑咗出黎，計劃成功！
時間快轉，1997年泰國因泰銖過度借貸同埋固定匯率制度崩潰，引發貨幣貶值。危機迅速波及亞洲多國，香港因港元聯繫匯率受狙擊，股市由1997年中高位17000點，跌至1998年嘅最低位6500點，樓市亦急挫。索羅斯趁勢沽空港元，港府為捍衛聯繫匯率，港府史無前例入市，動用超過1,000億港元外匯基金注資，擊退炒家，恒指逐步止跌，1999年恒指重上萬點，樓市亦漸穩，標誌危機結束。
資產總額：0 港幣
老豆老母：80萬港幣
「1997年6月30號午夜，香港會議展覽中心回歸典禮開始，英軍同解放軍同步走入會場，英國國旗同英殖港旗落下，及後國歌徐徐響起，國旗同區旗升起，象徵住香港正式回歸返比中國，香港亦都打開咗全新嘅篇章。」
我坐喺廳嘅沙發，望住電視嘅回歸典禮直播，覺得好感慨，眨吓眼原來已經過咗27年，想當年仲細個，根本就唔會關注呢件事，回到過去，親眼望住呢一刻，1997年呢一年真係徹徹底底咁改變咗香港。
老豆喺我隔離飲住啤酒，食煙，我老母就坐咗係旁邊，我都差啲唔記得細個個時個廳原來可以咁寬敞，仲可以大家一齊坐埋喺到睇電視。
老豆突然開聲：「衰仔！仲唔訓教？仲要睇住部電視睇得咁入神，你知做緊咩咩？」
我心諗，咪玩啦，我熟過你啦，當然我要符合返我5歲嘅人設，但又要扮到好叻咁講：「緊係知啦，老師講今日係香港回歸呀嘛，係香港嘅重要日子黎嫁，所以我都唔可以錯過。」
老豆：「叻仔咼！真係生得似我，你知唔知香港行運啦，有阿爺睇住，實掂呀！」
我輕輕咁點頭hea過佢算，睇完典禮之後，我下意識地就喺張沙發訓低，諗住訓教。
我老母隨即就講：「做咩呀你？眼瞓入房訓啦，扮乞衣仔有房都唔返房訓！」
我突然間醒起，係喎，阿欣個八婆都仲未出世，仲未搶咗我間房用喎！於是我就即刻彈返起，笑住咁跑咗入房。入到房我望一望身邊嘅環境，有張書枱，書枱上面放滿咗小學嘅書同作業，側邊放咗部灰色好大部嘅電腦螢幕，而枱底就放咗一部白色嘅電腦主機，同埋床上面放咗好多玩具同一部gameboy，好懷念呀！我不自覺眼泛淚光，好感概，回想起我童年嘅生活其實都過得開心，老豆當年做中港司機都幾搵到錢，後尾經歷完Sars同金融海嘯，佢輸晒啲錢，同埋阿欣出世之後，我嘅生活先慢慢開始過得唔順。
我坐咗係書枱前，諗下之後應該點做，第一步要做嘅就係遊說老豆老母喺大跌前放晒啲股票，但佢哋點會信我一個5歲嘅o靚仔講金融風暴呢？我攞起咗支鉛筆同本簿，喺上面畫咗啲亂七八糟嘅K線，一野掉低枝筆，心諗：屌，點同佢哋講呀？話我穿越咗，佢哋唔送我去睇精神科都偷笑啦！唔理啦，訓醒先再算。
第二日嘅夜晚，我爬上飯枱櫈，試探式咁問：「老豆，你有無聽過股票呀？」
老豆爬咗啖飯，疑惑咁望住我：「股票？你知係咩咩？」
「知呀！」我拍一拍個心口，「股票就係買啲上咗市嘅公司，佢做得好，咪會升，咪賺錢囉！」
老豆笑咗出聲，差啲噴飯：「哈哈，醒咼，你邊到聽返黎嫁？你老師教你嫁？」
我隨即講：「你唔好理啦，我……我聽老師講，話回歸後經濟會好亂，啲股票會跌到好勁呀！你有股票喺手就快啲放咗佢先啦！」
老母喺廚房探頭出黎：「阿仔，你咪亂講嘢啦，你老豆呢排先喺股市賺唔少！你乖啲啦，唔好聽啲人亂講啦！」
屌！佢哋唔信我呀！我跳咗落櫈，行去老豆面前好激動咁講：「老豆，你就信我呢一次，你見我平時都唔會講呢啲野，我咁樣講我係有原因嫁」
老豆放低筷子，望住我：「阿仔，你叫我點信你？我出去同人講我個仔講黎緊個市會大跌，都比人笑啦」
我再好激動咁講：「唔係呀！我真係知！黎緊索羅斯會狙擊香港市場，佢會係咁沽空，無幾耐恒指就會一路跌，跌到1998年得返6000點咋！到時成個香港會有好多人輸到褲都甩嫁」
老豆呆咗一呆：「你今日真係怪怪哋，講股票不突止，你仲講埋咁多古靈精怪嘅術語，你邊到學返黎嫁？」
我心諗，屌，你地要點樣先信我呀？我越黎越心急，突然靈機一觸，醒起老豆由細到大都好聽阿爺話，亦都好孝順，幾廿年，每個星期都會去拜阿爺於是我話：「係咁嘅，其實係我琴晚訓教，發夢夢到阿爺呀，佢望住我好緊張咁同我講，叫我講返呢翻說話比你聽，佢話你一定要知呀！」
老豆好震驚，睜大隻眼：「咩話？阿爺？佢仲有無講啲咩呀？點解佢報夢比你都唔報比我聽嫁！」
我：「可能阿爺覺得我同你講，你先會信我掛。」我心裡面大大聲咁笑出聲，哈哈，仆街，咁都過到骨，我真係天才！
老豆眼濕濕咁對住我老母講：「老婆，原來老豆仲未投胎嫁？佢係咪一路保護緊我地呀？佢咁樣同得阿祖講一定有佢原因嫁，今次真係要聽啦。」
老母：「係囉，阿祖咁細個無理由識呢啲野，還掂你啲股票都賺唔小，加加埋埋都有二三十萬啦，放晒佢啦。」
老豆：「好，咁我聽日一朝早去證券行嗰到，辦埋啲手續，放晒啲股票佢」
我心即刻鬆咗落黎，乘機再加多：「琴晚阿爺臨走前仲話，佢唔會咁快投胎住，佢想睇住我長大喎！」
老豆忍唔住喊咗出黎，除低副眼鏡係到抺眼淚，而我就慢慢咁行返入房，鎖好門，即刻跳上床好開心咁笑咗出黎，計劃成功！
時間快轉，1997年泰國因泰銖過度借貸同埋固定匯率制度崩潰，引發貨幣貶值。危機迅速波及亞洲多國，香港因港元聯繫匯率受狙擊，股市由1997年中高位17000點，跌至1998年嘅最低位6500點，樓市亦急挫。索羅斯趁勢沽空港元，港府為捍衛聯繫匯率，港府史無前例入市，動用超過1,000億港元外匯基金注資，擊退炒家，恒指逐步止跌，1999年恒指重上萬點，樓市亦漸穩，標誌危機結束。
資產總額：0 港幣
老豆老母：80萬港幣
名: 水日絲船
內容: 新手作家水絲日船
內容: 新手作家水絲日船
師兄支持你繼續寫落去，我諗你呢個應該係好多人既幻想，我都有幻想過回到過去抽公屋唔使好似而家咁做樓奴
巴打，多謝你嘅支持
幾時有更啊巴打
多謝巴打支持，呢2日會有下一章
第四章：.com bubble
眨吓眼，時間黎到1999年，香港經歷完1997年金融風暴嘅洗禮，經濟開始慢慢復甦，而呢幾年香港除咗經濟咗金融風暴之外，亦都經歷咗好多大事，最轟動嘅就緊係董建華提出咗8萬5建屋計劃，話要喺10年內大量興建公屋，居屋，佢又真係唔好彩，撞正金融風暴呢個大buff，股市樓市加速下跌，而佢嘅民望亦都直插谷底。慶幸嘅係，我地一路都住緊屯門嘅公屋，呢壇野對我穿越前後都影響唔大，但嗰時高位入市嘅香港人喺呢段時間就唔好彩，好多都變咗負資產。
仲有上年，香港國際機場正式啟用，取代咗原來嘅啟德機場，細個嗰陣對呢啲事完全無感覺，大個咗先識珍惜，今次穿越返黎，我終於叫咗老豆老母喺啟德機場停用嘅最後一日帶我去咗現場感受下當時個種特別嘅氣氛，望住啲飛機喺市區低空飛落機場嗰種震撼感，真係好難望。而最緊要嘅事就緊係我可以順便𥄫下啲空姐啦，原來嗰時啲空姐真係特別靚同有貴氣啲嫁，佢地嗰空姐頭，套制服，對黑絲腳，真係呢…正到呢…..sorry，離咗題…
好啦，講返我自己先，我已經穿越咗返黎3年，憑住我32年累積返黎嘅記憶同知識，我嘅生活過得異常輕鬆，亦都因為我成功幫屋企人完美咁避開咗金融風暴，我嘅生活亦都比穿越前過得富裕。我老豆老母亦都好似比我回憶中嘅佢地過得開心，屋企都好似比之前更加和諧，果然錢係可以解決所有問題呀。
至於重新返返讀書返學嘅時間，亦都令我又開心又感概，大個咗成日都會諗返以前返學有幾好幾好，亦都留低咗好多遺憾，點估到真係可以比我返返以前，原來個天唔係想玩鳩我，係想比多次機會我再黎過，仲要係開外掛返黎，喺學校呢幾年，我年年都考全級第一，科科都接近滿分。而家睇返先記得，原來小學係仲學緊2位數加減乘除，i go to school by bus嘅嘢，點解嗰時我會覺得呢啲嘢咁難嘅呢？而我老豆老母就好諤然，佢地覺得我做乜成個人唔同晒，讀書叻咗咁多，個人又成熟咗，佢地以為我係咪撞邪，鬼上身，上年仲捉咗我去搵咗個茅山師傅驅鬼，諗返起真係好好笑。不過佢地好快就習慣咗，可能佢地覺得咁樣仲好，唔洗為我煩咁多嘢。
呢幾年我係過得好輕鬆，樣樣嘢都好似朝住我想要嘅方向發展咁，但呢一刻好似去咗樽頸位咁，我諗極都諗唔到呢幾年會有啲咩發達嘅機遇，我要趁呢段時間將我嘅資產增大，之後先可以緊加容易錢滾錢。
直到今日…..我放學返咗屋企，返房擺低咗嗰書包，就行返出廳坐咗係梳化發呆，個腦一路回憶緊穿越前經歷過嘅所有事，睇下諗唔諗到有咩頭緒。諗諗吓，唔覺意就訓著咗….
「喂，阿祖，起身食飯啦」 老母輕輕咁搖我個身叫醒我
我捽一捽眼，望下嗰鐘，6點半，原來我訓咗咁耐，於是我就起身行去開電視，坐去飯櫈等開飯。
電視播緊TVB 6點半鐘嘅新聞報告，見到畫面有一個戴住金絲圓框眼鏡嘅男人，係到開緊新聞發佈會，我一路爬住飯，見無聊就聽下佢講乜。
男人：「我覺得香港應該要捉緊機遇，加速發展數碼經濟呢個新領域，例如興建數碼港，吸引多啲人才，同海外資金黎香港。」
我望一望新聞彈出黎嘅字幕，見到佢個名「李澤楷」，突然我腦海閃過我睇youtube講財經嘅channel，閃出咗電訊盈科呢4個大字，我忍唔住拍枱，大嗌：「係佢啦！係佢啦！」
待續……
希望咁多位睇完嘅巴絲可以比啲意見，有你地嘅支持我會緊加有衝勁寫落去
眨吓眼，時間黎到1999年，香港經歷完1997年金融風暴嘅洗禮，經濟開始慢慢復甦，而呢幾年香港除咗經濟咗金融風暴之外，亦都經歷咗好多大事，最轟動嘅就緊係董建華提出咗8萬5建屋計劃，話要喺10年內大量興建公屋，居屋，佢又真係唔好彩，撞正金融風暴呢個大buff，股市樓市加速下跌，而佢嘅民望亦都直插谷底。慶幸嘅係，我地一路都住緊屯門嘅公屋，呢壇野對我穿越前後都影響唔大，但嗰時高位入市嘅香港人喺呢段時間就唔好彩，好多都變咗負資產。
仲有上年，香港國際機場正式啟用，取代咗原來嘅啟德機場，細個嗰陣對呢啲事完全無感覺，大個咗先識珍惜，今次穿越返黎，我終於叫咗老豆老母喺啟德機場停用嘅最後一日帶我去咗現場感受下當時個種特別嘅氣氛，望住啲飛機喺市區低空飛落機場嗰種震撼感，真係好難望。而最緊要嘅事就緊係我可以順便𥄫下啲空姐啦，原來嗰時啲空姐真係特別靚同有貴氣啲嫁，佢地嗰空姐頭，套制服，對黑絲腳，真係呢…正到呢…..sorry，離咗題…
好啦，講返我自己先，我已經穿越咗返黎3年，憑住我32年累積返黎嘅記憶同知識，我嘅生活過得異常輕鬆，亦都因為我成功幫屋企人完美咁避開咗金融風暴，我嘅生活亦都比穿越前過得富裕。我老豆老母亦都好似比我回憶中嘅佢地過得開心，屋企都好似比之前更加和諧，果然錢係可以解決所有問題呀。
至於重新返返讀書返學嘅時間，亦都令我又開心又感概，大個咗成日都會諗返以前返學有幾好幾好，亦都留低咗好多遺憾，點估到真係可以比我返返以前，原來個天唔係想玩鳩我，係想比多次機會我再黎過，仲要係開外掛返黎，喺學校呢幾年，我年年都考全級第一，科科都接近滿分。而家睇返先記得，原來小學係仲學緊2位數加減乘除，i go to school by bus嘅嘢，點解嗰時我會覺得呢啲嘢咁難嘅呢？而我老豆老母就好諤然，佢地覺得我做乜成個人唔同晒，讀書叻咗咁多，個人又成熟咗，佢地以為我係咪撞邪，鬼上身，上年仲捉咗我去搵咗個茅山師傅驅鬼，諗返起真係好好笑。不過佢地好快就習慣咗，可能佢地覺得咁樣仲好，唔洗為我煩咁多嘢。
呢幾年我係過得好輕鬆，樣樣嘢都好似朝住我想要嘅方向發展咁，但呢一刻好似去咗樽頸位咁，我諗極都諗唔到呢幾年會有啲咩發達嘅機遇，我要趁呢段時間將我嘅資產增大，之後先可以緊加容易錢滾錢。
直到今日…..我放學返咗屋企，返房擺低咗嗰書包，就行返出廳坐咗係梳化發呆，個腦一路回憶緊穿越前經歷過嘅所有事，睇下諗唔諗到有咩頭緒。諗諗吓，唔覺意就訓著咗….
「喂，阿祖，起身食飯啦」 老母輕輕咁搖我個身叫醒我
我捽一捽眼，望下嗰鐘，6點半，原來我訓咗咁耐，於是我就起身行去開電視，坐去飯櫈等開飯。
電視播緊TVB 6點半鐘嘅新聞報告，見到畫面有一個戴住金絲圓框眼鏡嘅男人，係到開緊新聞發佈會，我一路爬住飯，見無聊就聽下佢講乜。
男人：「我覺得香港應該要捉緊機遇，加速發展數碼經濟呢個新領域，例如興建數碼港，吸引多啲人才，同海外資金黎香港。」
我望一望新聞彈出黎嘅字幕，見到佢個名「李澤楷」，突然我腦海閃過我睇youtube講財經嘅channel，閃出咗電訊盈科呢4個大字，我忍唔住拍枱，大嗌：「係佢啦！係佢啦！」
待續……
希望咁多位睇完嘅巴絲可以比啲意見，有你地嘅支持我會緊加有衝勁寫落去
兩個字 - 加速，加油
All in bitcoin
All in 左就未必升
多謝巴打
支持