消息指：八達通將登陸日本，「匯率比信用卡更靚」

八達通計劃進一步拓展海外支付市場，最快今年第三季於日本推出支付服務，屆時用戶可透過八達通 APP 掃描當地商戶的二維碼進行付款，交易金額會直接從八達通 APP 扣除。另一方面，八達通亦計劃於今年下半年推出個人對個人（P2P）轉帳功能，用戶毋須輸入手機號碼或加好友，便可在面對面情況下完成即時過數。



八達通今日（4 日）公布，現正與日本多間支付網絡公司洽談合作，希望最快今年第三季推出日本支付服務。新模式預計與目前於泰國及南韓的運作方式類似，透過 APP 掃描當地商戶的支付平台二維碼，即可即時扣款及兌換為港元支付。目前八達通正在研究讓用戶直接從手機版八達通卡扣除款項，而非透過八達通銀包進行交易，以提升支付體驗。不過交易過程仍然需要掃描二維碼完成付款。



至於交易限額方面，公司表示需要檢視日本與香港的法規後作出調整。不過八達通預計其提供的匯率可能較信用卡更優惠，進一步提升用戶支付的靈活性。



八達通早已積極拓展海外市場，已在泰國及南韓開通支付功能。例如泰國的 PromptPay 服務已與八達通對接，讓港人能在當地使用 APP 掃描商戶的二維碼，直接從八達通銀包扣款兌換港元付款。今年初，八達通已透露正在研究日本市場，如今進一步確認最快今年第三季落實。



八達通亦計劃在香港市場引入新功能。最快於今年下半年，八達通 APP 將加入 P2P（個人對個人）轉帳功能，讓用戶無需輸入手機號碼或加對方為好友，便可直接完成轉帳。新功能支援用戶在面對面情況下，只需簡單「一嘟」，便可即時將款項轉入對方的手機版或實體版八達通卡。這項功能可望提升用戶間的支付便利性，特別適用於餐飲、活動費用分攤等日常交易場景。

八達通個咁早出現既發明
一直食老本唔創新
而家先黎創新
唔知慢左幾多年

支付寶，微信都得嘅時候先搞

香港最叻就係食老本

屆時用戶可透過八達通 APP 掃描當地商戶的二維碼進行付款，交易金額會直接從八達通 APP 扣除。

咁同alipay wechat pay 有咩分別

係錢包扣錢 完全唔係八達通既優勢 八達通優勢既係 嘟and go

就好似iPhone 咁，無乜創新，但又咁多人用
利申：iPhone 撚

香港人做野真係有時on99咁

傳統香港生意佬心態，千祈唔好離開舒適圈，創新要咁多錢，而家抄人哋平好多。某程度都係廣東文化，有錢老竇叫啲富二代寧願做敗家仔都唔好去創業

每人起碼keep 一張以上
好難會除消晒 一張不留

仲未計失咭又唔會報果d
份按金永遠呑左

按金無得退
強大現金流
又唔會比利息回贈

八達通剩係按金利息都賺唔少



八仔d 按金只會愈滾愈大

高息年代
愈收愈多 份按金利息相信都夠run 正常營運

另外現金出出入入
又有數期 delay

但d 回贈鳩屎垃圾到
好似年尾個利是活動咁 又要限時 限額

個rate 只係實時扣數

其實都有食當中差價


唔同信用咭咁 可以儲分
到期先還 有回贈

睇個title我以爲係可以用八達通去日本當西瓜卡咁嘟

八達通出左咁多年, 周圍都出左咁多電子支付, 都仲未有一種可以比八達通更快更準既支付出現。 基本快而準都做唔到既話, 唔好認自己創新

截至2017年，市面流通逾3,450萬張八達通卡
一張$50 按金都$17億，緊係食老本

搞咁多都係同支付寶一樣

已經係最top，仲想點

要scan code洗閪用你8仔

當地多唔多地方有先

咁唔通你叫班政治枷鎖傻西瓜含淚用alipay咩

儲值上限1000

硬件通用，差軟件

提高八達通增值額去到多過1000一次先好講

唔慢呀， 市面都無一種電子支付工具可以做齊online+offline，又實卡+手機，仲可以沖出香港去其他地方用，佢係第一家

大陸用支付寶搭車幾快，佢地D鏡頭掃得好準，係一掃即過，香港先要移黎移去咁ON9

仲俾你開埋樓吓屋苑開門+搭𨋢+搭shuttle bus